| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
༡༩. སམཐཱདྷིཀརཎཝཱརོ
19. Samathādhikaraṇavāro
༣༠༩. སམཐཱ སམཐེཧི སམྨནྟི? སམཐཱ ཨདྷིཀརཎེཧི སམྨནྟི? ཨདྷིཀརཎཱ སམཐེཧི སམྨནྟི? ཨདྷིཀརཎཱ ཨདྷིཀརཎེཧི སམྨནྟི?
309. Samathā samathehi sammanti? Samathā adhikaraṇehi sammanti? Adhikaraṇā samathehi sammanti? Adhikaraṇā adhikaraṇehi sammanti?
སིཡཱ སམཐཱ སམཐེཧི སམྨནྟི, སིཡཱ སམཐཱ སམཐེཧི ན སམྨནྟི། སིཡཱ སམཐཱ ཨདྷིཀརཎེཧི སམྨནྟི, སིཡཱ སམཐཱ ཨདྷིཀརཎེཧི ན སམྨནྟི། སིཡཱ ཨདྷིཀརཎཱ སམཐེཧི སམྨནྟི, སིཡཱ ཨདྷིཀརཎཱ སམཐེཧི ན སམྨནྟི། སིཡཱ ཨདྷིཀརཎཱ ཨདྷིཀརཎེཧི སམྨནྟི, སིཡཱ ཨདྷིཀརཎཱ ཨདྷིཀརཎེཧི ན སམྨནྟི།
Siyā samathā samathehi sammanti, siyā samathā samathehi na sammanti. Siyā samathā adhikaraṇehi sammanti, siyā samathā adhikaraṇehi na sammanti. Siyā adhikaraṇā samathehi sammanti, siyā adhikaraṇā samathehi na sammanti. Siyā adhikaraṇā adhikaraṇehi sammanti, siyā adhikaraṇā adhikaraṇehi na sammanti.
༣༡༠. ཀཐཾ སིཡཱ སམཐཱ སམཐེཧི སམྨནྟི, ཀཐཾ སིཡཱ སམཐཱ སམཐེཧི ན སམྨནྟི? ཡེབྷུཡྻསིཀཱ སམྨུཁཱཝིནཡེན སམྨཏི; སཏིཝིནཡེན ན སམྨཏི, ཨམཱུལ༹ྷཝིནཡེན ན སམྨཏི, པཊིཉྙཱཏཀརཎེན ན སམྨཏི, ཏསྶཔཱཔིཡསིཀཱཡ ན སམྨཏི, ཏིཎཝཏྠཱརཀེན ན སམྨཏི།
310. Kathaṃ siyā samathā samathehi sammanti, kathaṃ siyā samathā samathehi na sammanti? Yebhuyyasikā sammukhāvinayena sammati; sativinayena na sammati, amūḷhavinayena na sammati, paṭiññātakaraṇena na sammati, tassapāpiyasikāya na sammati, tiṇavatthārakena na sammati.
སཏིཝིནཡོ སམྨུཁཱཝིནཡེན སམྨཏི; ཨམཱུལ༹ྷཝིནཡེན ན སམྨཏི, པཊིཉྙཱཏཀརཎེན ན སམྨཱཏི, ཏསྶཔཱཔིཡསིཀཱཡ ན སམྨཏི, ཏིཎཝཏྠཱརཀེན ན སམྨཏི, ཡེབྷུཡྻསིཀཱཡ ན སམྨཏི།
Sativinayo sammukhāvinayena sammati; amūḷhavinayena na sammati, paṭiññātakaraṇena na sammāti, tassapāpiyasikāya na sammati, tiṇavatthārakena na sammati, yebhuyyasikāya na sammati.
ཨམཱུལ༹ྷཝིནཡོ སམྨུཁཱཝིནཡེན སམྨཏི; པཊིཉྙཱཏཀརཎེན ན སམྨཏི, ཏསྶཔཱཔིཡསིཀཱཡ ན སམྨཏི, ཏིཎཝཏྠཱརཀེན ན སམྨཏི, ཡེབྷུཡྻསིཀཱཡ ན སམྨཏི, སཏིཝིནཡེན ན སམྨཏི།
Amūḷhavinayo sammukhāvinayena sammati; paṭiññātakaraṇena na sammati, tassapāpiyasikāya na sammati, tiṇavatthārakena na sammati, yebhuyyasikāya na sammati, sativinayena na sammati.
པཊིཉྙཱཏཀརཎཾ སམྨུཁཱཝིནཡེན སམྨཏི; ཏསྶཔཱཔིཡསིཀཱཡ ན སམྨཏི, ཏིཎཝཏྠཱརཀེན ན སམྨཏི, ཡེབྷུཡྻསིཀཱཡ ན སམྨཏི, སཏིཝིནཡེན ན སམྨཏི, ཨམཱུལ༹ྷཝིནཡེན ན སམྨཏི།
Paṭiññātakaraṇaṃ sammukhāvinayena sammati; tassapāpiyasikāya na sammati, tiṇavatthārakena na sammati, yebhuyyasikāya na sammati, sativinayena na sammati, amūḷhavinayena na sammati.
ཏསྶཔཱཔིཡསིཀཱ སམྨུཁཱཝིནཡེན སམྨཏི; ཏིཎཝཏྠཱརཀེན ན སམྨཏི, ཡེབྷུཡྻསིཀཱཡ ན སམྨཏི, སཏིཝིནཡེན ན སམྨཏི, ཨམཱུལ༹ྷཝིནཡེན ན སམྨཏི, པཊིཉྙཱཏཀརཎེན ན སམྨཏི།
Tassapāpiyasikā sammukhāvinayena sammati; tiṇavatthārakena na sammati, yebhuyyasikāya na sammati, sativinayena na sammati, amūḷhavinayena na sammati, paṭiññātakaraṇena na sammati.
ཏིཎཝཏྠཱརཀོ སམྨུཁཱཝིནཡེན སམྨཏི; ཡེབྷུཡྻསིཀཱཡ ན སམྨཏི, སཏིཝིནཡེན ན སམྨཏི, ཨམཱུལ༹ྷཝིནཡེན ན སམྨཏི, པཊིཉྙཱཏཀརཎེན ན སམྨཏི, ཏསྶཔཱཔིཡསིཀཱཡ ན སམྨཏི། ཨེཝཾ སིཡཱ སམཐཱ སམཐེཧི སམྨནྟི། ཨེཝཾ སིཡཱ སམཐཱ སམཐེཧི ན སམྨནྟི།
Tiṇavatthārako sammukhāvinayena sammati; yebhuyyasikāya na sammati, sativinayena na sammati, amūḷhavinayena na sammati, paṭiññātakaraṇena na sammati, tassapāpiyasikāya na sammati. Evaṃ siyā samathā samathehi sammanti. Evaṃ siyā samathā samathehi na sammanti.
༣༡༡. ཀཐཾ སིཡཱ སམཐཱ ཨདྷིཀརཎེཧི སམྨནྟི, ཀཐཾ སིཡཱ སམཐཱ ཨདྷིཀརཎེཧི ན སམྨནྟི? སམྨུཁཱཝིནཡོ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི།
311. Kathaṃ siyā samathā adhikaraṇehi sammanti, kathaṃ siyā samathā adhikaraṇehi na sammanti? Sammukhāvinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
ཡེབྷུཡྻསིཀཱ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི།
Yebhuyyasikā vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
སཏིཝིནཡོ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི།
Sativinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
ཨམཱུལ༹ྷཝིནཡོ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི།
Amūḷhavinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
པཊིཉྙཱཏཀརཎཾ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི།
Paṭiññātakaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
ཏསྶཔཱཔིཡསིཀཱ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི།
Tassapāpiyasikā vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
ཏིཎཝཏྠཱརཀོ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི། ཨེཝཾ སིཡཱ སམཐཱ ཨདྷིཀརཎེཧི སམྨནྟི། ཨེཝཾ སིཡཱ སམཐཱ ཨདྷིཀརཎེཧི ན སམྨནྟི།
Tiṇavatthārako vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati. Evaṃ siyā samathā adhikaraṇehi sammanti. Evaṃ siyā samathā adhikaraṇehi na sammanti.
༣༡༢. ཀཐཾ སིཡཱ ཨདྷིཀརཎཱ སམཐེཧི སམྨནྟི, ཀཐཾ སིཡཱ ཨདྷིཀརཎཱ སམཐེཧི ན སམྨནྟི? ཝིཝཱདཱདྷིཀརཎཾ སམྨུཁཱཝིནཡེན ཙ ཡེབྷུཡྻསིཀཱཡ ཙ སམྨཏི; སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ ན སམྨཏི།
312. Kathaṃ siyā adhikaraṇā samathehi sammanti, kathaṃ siyā adhikaraṇā samathehi na sammanti? Vivādādhikaraṇaṃ sammukhāvinayena ca yebhuyyasikāya ca sammati; sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca na sammati.
ཨནུཝཱདཱདྷིཀརཎཾ སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ སམྨཏི; ཡེབྷུཡྻསིཀཱཡ ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ ན སམྨཏི།
Anuvādādhikaraṇaṃ sammukhāvinayena ca sativinayena ca amūḷhavinayena ca tassapāpiyasikāya ca sammati; yebhuyyasikāya ca paṭiññātakaraṇena ca tiṇavatthārakena ca na sammati.
ཨཱཔཏྟཱདྷིཀརཎཾ སམྨུཁཱཝིནཡེན ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ སམྨཏི; ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ ན སམྨཏི།
Āpattādhikaraṇaṃ sammukhāvinayena ca paṭiññātakaraṇena ca tiṇavatthārakena ca sammati; yebhuyyasikāya ca sativinayena ca amūḷhavinayena ca tassapāpiyasikāya ca na sammati.
ཀིཙྩཱདྷིཀརཎཾ སམྨུཁཱཝིནཡེན སམྨཏི ; ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཏིཎཝཏྠཱརཀེན ཙ ན སམྨཏི། ཨེཝཾ སིཡཱ ཨདྷིཀརཎཱ སམཐེཧི སམྨནྟི། ཨེཝཾ སིཡཱ ཨདྷིཀརཎཱ སམཐེཧི ན སམྨནྟི།
Kiccādhikaraṇaṃ sammukhāvinayena sammati ; yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya tiṇavatthārakena ca na sammati. Evaṃ siyā adhikaraṇā samathehi sammanti. Evaṃ siyā adhikaraṇā samathehi na sammanti.
༣༡༣. ཀཐཾ སིཡཱ ཨདྷིཀརཎཱ ཨདྷིཀརཎེཧི སམྨནྟི? ཀཐཾ སིཡཱ ཨདྷིཀརཎཱ ཨདྷིཀརཎེཧི ན སམྨནྟི? ཝིཝཱདཱདྷིཀརཎཾ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི།
313. Kathaṃ siyā adhikaraṇā adhikaraṇehi sammanti? Kathaṃ siyā adhikaraṇā adhikaraṇehi na sammanti? Vivādādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
ཨནུཝཱདཱདྷིཀརཎཾ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི།
Anuvādādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
ཨཱཔཏྟཱདྷིཀརཎཾ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི།
Āpattādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
ཀིཙྩཱདྷིཀརཎཾ ཝིཝཱདཱདྷིཀརཎེན ན སམྨཏི, ཨནུཝཱདཱདྷིཀརཎེན ན སམྨཏི, ཨཱཔཏྟཱདྷིཀརཎེན ན སམྨཏི; ཀིཙྩཱདྷིཀརཎེན སམྨཏི། ཨེཝཾ སིཡཱ ཨདྷིཀརཎཱ ཨདྷིཀརཎེཧི སམྨནྟི། ཨེཝཾ སིཡཱ ཨདྷིཀརཎཱ ཨདྷིཀརཎེཧི ན སམྨནྟི།
Kiccādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati. Evaṃ siyā adhikaraṇā adhikaraṇehi sammanti. Evaṃ siyā adhikaraṇā adhikaraṇehi na sammanti.
ཚཱཔི སམཐཱ ཙཏྟཱརོཔི ཨདྷིཀརཎཱ སམྨུཁཱཝིནཡེན སམྨནྟི; སམྨུཁཱཝིནཡོ ན ཀེནཙི སམྨཏི།
Chāpi samathā cattāropi adhikaraṇā sammukhāvinayena sammanti; sammukhāvinayo na kenaci sammati.
སམཐཱདྷིཀརཎཝཱརོ ནིཊྛིཏོ ཨེཀཱུནཝཱིསཏིམོ།
Samathādhikaraṇavāro niṭṭhito ekūnavīsatimo.
Related texts:
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / སམཐཱདྷིཀརཎཝཱརཀཐཱཝཎྞནཱ • Samathādhikaraṇavārakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / སཾསཊྛཝཱརཱདིཝཎྞནཱ • Saṃsaṭṭhavārādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སཾསཊྛཝཱརཱདིཝཎྞནཱ • Saṃsaṭṭhavārādivaṇṇanā
