| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
самат̇агканд̇хагагат̇ааван̣н̣анаа
Samathakkhandhakakathāvaṇṇanā
2760. ид̣̇аани самат̇авинижчаяам̣ д̣̇ассзд̇ум̣ язсу ад̇хигаран̣зсу санд̇зсу самат̇зхи бхавид̇аб̣б̣ам̣, д̇аани д̇аава д̣̇ассзнд̇о ааха ‘‘виваад̣̇аад̇хаарад̇аа’’д̇иаад̣̇и. виваад̣̇аад̇хаарад̇аад̇и виваад̣̇аад̇хигаран̣ам̣. аабад̇д̇аад̇хаарад̇аад̇и зд̇т̇ааби зсзва наяо. аад̇хаарад̇аад̇и ад̇хигаран̣абарияааяо. аад̇хаарийяад̇и абхибхуяяад̇и вуубасаммад̇и самат̇зхийд̇и аад̇хааро, виваад̣̇о жа со аад̇хааро жаад̇и виваад̣̇аад̇хааро, со зва виваад̣̇аад̇хаарад̇аа. звамаад̇хаараад̇хигаран̣а-сад̣̇д̣̇аанам̣ виваад̣̇аад̣̇исад̣̇д̣̇зхи саха гаммад̇хаараяасамаасо д̣̇адтаб̣б̣о. ад̇хигарийяад̇и абхибхуяяад̇и вуубасаммад̇и самат̇зхийд̇и ад̇хигаран̣анд̇и виваад̣̇аад̣̇ижад̇уб̣б̣ид̇хамзва баал̣ияам̣ д̣̇ассид̇ам̣. аяамад̇т̇о ‘‘зд̇зсам̣ д̇у жад̇уннамби, самад̇д̇аа самат̇аа мад̇аа’’д̇и вагкамаанзна вин̃н̃ааяад̇и.
2760. Idāni samathavinicchayaṃ dassetuṃ yesu adhikaraṇesu santesu samathehi bhavitabbaṃ, tāni tāva dassento āha ‘‘vivādādhāratā’’tiādi. Vivādādhāratāti vivādādhikaraṇaṃ. Āpattādhāratāti etthāpi eseva nayo. Ādhāratāti adhikaraṇapariyāyo. Ādhārīyati abhibhuyyati vūpasammati samathehīti ādhāro, vivādo ca so ādhāro cāti vivādādhāro, so eva vivādādhāratā. Evamādhārādhikaraṇa-saddānaṃ vivādādisaddehi saha kammadhārayasamāso daṭṭhabbo. Adhikarīyati abhibhuyyati vūpasammati samathehīti adhikaraṇanti vivādādicatubbidhameva pāḷiyaṃ dassitaṃ. Ayamattho ‘‘etesaṃ tu catunnampi, samattā samathā matā’’ti vakkhamānena viññāyati.
2761. зд̇аани жад̇д̇аари ад̇хигаран̣аани жа ‘‘ид̇ха бана, бхигкавз, бхигкуу вивад̣̇анд̇и ‘д̇хаммо’д̇и ваа ‘ад̇хаммо’д̇и ваа’’д̇и (жуул̣ава. 215) адтаараса бхзд̣̇агаарагавад̇т̇ууни жа махзсинаа вуд̇д̇аани. д̇ад̇т̇а д̇зсу жад̇уусу ад̇хигаран̣зсу виваад̣̇о ад̇хигаран̣асан̇каад̇о зд̇аани адтаараса бхзд̣̇агаравад̇т̇ууни ниссид̇о ниссааяа бавад̇д̇од̇и яож̇анаа.
2761.Etāni cattāri adhikaraṇāni ca ‘‘idha pana, bhikkhave, bhikkhū vivadanti ‘dhammo’ti vā ‘adhammo’ti vā’’ti (cūḷava. 215) aṭṭhārasa bhedakārakavatthūni ca mahesinā vuttāni. Tattha tesu catūsu adhikaraṇesu vivādo adhikaraṇasaṅkhāto etāni aṭṭhārasa bhedakaravatthūni nissito nissāya pavattoti yojanā.
2762. вибад̇д̇ияо жад̇ассоваад̇и ‘‘ид̇ха бана, бхигкавз, бхигкуу бхигкум̣ анувад̣̇анд̇и сийлавибад̇д̇ияаа ваа аажааравибад̇д̇ияаа ваа д̣̇идтивибад̇д̇ияаа ваа ааж̇ийвавибад̇д̇ияаа ваа’’д̇и (жуул̣ава. 215) вуд̇д̇аа жад̇ассо вибад̇д̇ияо. д̣̇идтаад̣̇ийнам̣ ануг̇анд̇ваа сийлавибад̇д̇иаад̣̇ийхи вад̣̇анам̣ жод̣̇анаа ануваад̣̇о. убааг̇ад̇од̇и ниссид̇о, ануваад̣̇о жад̇ассо вибад̇д̇ияо ниссааяа бавад̇д̇од̇и ад̇т̇о. ‘‘д̇ад̇т̇аа’’д̇и батамамзва нид̣̇д̇хааран̣асса вуд̇д̇ад̇д̇аа ид̇ха бунаважанз баяож̇анам̣ на д̣̇иссад̇и, ‘‘самбхаваа’’д̇и важанассааби на гожи ад̇т̇ависзсо д̣̇иссад̇и. д̇асмаа ‘‘аабад̇д̇аад̇хаарад̇аа д̇ад̇т̇а, сад̇д̇ааабад̇д̇исамбхаваа’’д̇и баато на яуж̇ж̇ад̇и, ‘‘аабад̇д̇аад̇хаарад̇аа наама, сад̇д̇а аабад̇д̇ияо мад̇аа’’д̇и баато яуд̇д̇ад̇аро, аабад̇д̇аад̇хаарад̇аа наама аабад̇д̇аад̇хигаран̣ам̣ наама сад̇д̇а аабад̇д̇ияо мад̇аа сад̇д̇а аабад̇д̇ияова ад̇хиббзд̇аад̇и ад̇т̇о.
2762.Vipattiyo catassovāti ‘‘idha pana, bhikkhave, bhikkhū bhikkhuṃ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā’’ti (cūḷava. 215) vuttā catasso vipattiyo. Diṭṭhādīnaṃ anugantvā sīlavipattiādīhi vadanaṃ codanā anuvādo. Upāgatoti nissito, anuvādo catasso vipattiyo nissāya pavattoti attho. ‘‘Tatthā’’ti paṭhamameva niddhāraṇassa vuttattā idha punavacane payojanaṃ na dissati, ‘‘sambhavā’’ti vacanassāpi na koci atthaviseso dissati. Tasmā ‘‘āpattādhāratā tattha, sattaāpattisambhavā’’ti pāṭho na yujjati, ‘‘āpattādhāratā nāma, satta āpattiyo matā’’ti pāṭho yuttataro, āpattādhāratā nāma āpattādhikaraṇaṃ nāma satta āpattiyo matā satta āpattiyova adhippetāti attho.
2763. сан̇гхагижжаани ниссааяаад̇и абалоганагаммаад̣̇ийни жад̇д̇аари сан̇гхагаммаани убаад̣̇ааяа гижжаад̇хигаран̣аабхид̇хаанам̣ сияаа, гижжаад̇хигаран̣ам̣ наама жад̇д̇аари сан̇гхагаммаанийд̇и ад̇т̇о. зд̇зсам̣ д̇у жад̇уннамбийд̇и зд̇зсам̣ бана жад̇уннамби ад̇хигаран̣аанам̣. самад̇д̇аад̇и вуубасамахзд̇уд̇д̇аа. самат̇аа мад̇аад̇и саммукаавинаяаад̣̇аяо сад̇д̇а ад̇хигаран̣асамат̇аад̇и ад̇хиббзд̇аа. ад̇хигаран̣аани самзнд̇и, самманд̇и ваа зд̇зхийд̇и ‘‘самат̇аа’’д̇и вужжанд̇ийд̇и ‘‘самад̇д̇аа самат̇аа мад̇аа’’д̇и иминаа самат̇а-сад̣̇д̣̇асса анвад̇т̇ам̣ д̣̇ийбзд̇и.
2763.Saṅghakiccāni nissāyāti apalokanakammādīni cattāri saṅghakammāni upādāya kiccādhikaraṇābhidhānaṃ siyā, kiccādhikaraṇaṃ nāma cattāri saṅghakammānīti attho. Etesaṃ tu catunnampīti etesaṃ pana catunnampi adhikaraṇānaṃ. Samattāti vūpasamahetuttā. Samathā matāti sammukhāvinayādayo satta adhikaraṇasamathāti adhippetā. Adhikaraṇāni samenti, sammanti vā etehīti ‘‘samathā’’ti vuccantīti ‘‘samattā samathā matā’’ti iminā samatha-saddassa anvatthaṃ dīpeti.
2764-5. д̇з саруубад̇о д̣̇ассзд̇умааха ‘‘саммукаа’’д̇иаад̣̇и. ‘‘винаяо’’д̇и ид̣̇ам̣ саммукаад̣̇ибад̣̇зхи бажжзгам̣ яож̇зд̇аб̣б̣ам̣ ‘‘саммукаавинаяо сад̇ивинаяо амуул̣хавинаяо’’д̇и. ‘‘бадин̃н̃аавинаяо’’д̇и жа бадин̃н̃аад̇агаран̣ам̣ вуд̇д̇ам̣. сад̇д̇амо винаяод̇и самат̇о ад̇хиббзд̇о. д̇ин̣авад̇т̇аарагод̇и имз сад̇д̇а самат̇аа б̣уд̣̇д̇хзнаад̣̇ижжаб̣анд̇хунаа вуд̇д̇аад̇и яож̇анаа.
2764-5. Te sarūpato dassetumāha ‘‘sammukhā’’tiādi. ‘‘Vinayo’’ti idaṃ sammukhādipadehi paccekaṃ yojetabbaṃ ‘‘sammukhāvinayo sativinayo amūḷhavinayo’’ti. ‘‘Paṭiññāvinayo’’ti ca paṭiññātakaraṇaṃ vuttaṃ. Sattamo vinayoti samatho adhippeto. Tiṇavatthārakoti ime satta samathā buddhenādiccabandhunā vuttāti yojanā.
2766. жад̇уусу ад̇хигаран̣зсу яам̣ ад̇хигаран̣ам̣ яад̇д̇агзхи самат̇зхи саммад̇и, д̇з сан̇г̇ахзд̇ваа д̣̇ассзнд̇о ааха ‘‘виваад̣̇о’’д̇иаад̣̇и.
2766. Catūsu adhikaraṇesu yaṃ adhikaraṇaṃ yattakehi samathehi sammati, te saṅgahetvā dassento āha ‘‘vivādo’’tiādi.
2767-9. ‘‘виваад̣̇о’’д̇иаад̣̇инаа уд̣̇д̣̇идтамад̇т̇ам̣ нид̣̇д̣̇исанд̇о ааха ‘‘чадтзнаа’’д̇иаад̣̇и. зд̇т̇а зд̇зсу жад̇уусу ад̇хигаран̣зсу, самат̇зсу жа гим̣ гзна саммад̇ийд̇и жз? виваад̣̇о виваад̣̇аад̇хигаран̣ам̣ чадтзна язбхуяяасигааяа, батамзна самат̇зна саммукаавинаязна жаад̇и д̣̇вийхи самат̇зхи саммад̇и. яассаа гирияааяа д̇хаммаваад̣̇ино б̣ахуд̇араа, зсаа язбхуяяасигаа. ‘‘сан̇гхасаммукад̇аа, д̇хаммасаммукад̇аа, винаяасаммукад̇аа, буг̇г̇аласаммукад̇аа’’д̇и (жуул̣ава. 229, 234, 236, 237, 242) вуд̇д̇аанам̣ сан̇гхаад̣̇ийнам̣ жад̇уннам̣ саннид̇хаанзна ваа г̇ан̣абуг̇г̇алзхи самияамаанам̣ виваад̣̇аад̇хигаран̣ам̣ сан̇гхасаммукад̇ам̣ винаа ид̇арзхи д̇ийхи ваа саммад̇ийд̇и вуд̇д̇ам̣ ход̇и.
2767-9. ‘‘Vivādo’’tiādinā uddiṭṭhamatthaṃ niddisanto āha ‘‘chaṭṭhenā’’tiādi. Ettha etesu catūsu adhikaraṇesu, samathesu ca kiṃ kena sammatīti ce? Vivādo vivādādhikaraṇaṃ chaṭṭhena yebhuyyasikāya, paṭhamena samathena sammukhāvinayena cāti dvīhi samathehi sammati. Yassā kiriyāya dhammavādino bahutarā, esā yebhuyyasikā. ‘‘Saṅghasammukhatā, dhammasammukhatā, vinayasammukhatā, puggalasammukhatā’’ti (cūḷava. 229, 234, 236, 237, 242) vuttānaṃ saṅghādīnaṃ catunnaṃ sannidhānena vā gaṇapuggalehi samiyamānaṃ vivādādhikaraṇaṃ saṅghasammukhataṃ vinā itarehi tīhi vā sammatīti vuttaṃ hoti.
зд̇т̇а жа гаарагасан̇гхасса сан̇гхасаамаг̇г̇ивасзна саммукийбхааво сан̇гхасаммукад̇аа, самзд̇аб̣б̣асса вад̇т̇уно бхууд̇ад̇аа д̇хаммасаммукад̇аа, яат̇аа д̇ам̣ самзд̇аб̣б̣ам̣, д̇ат̇звасса саманам̣ винаяасаммукад̇аа, яо жа вивад̣̇ад̇и, язна жа вивад̣̇ад̇и, д̇зсам̣ убхиннам̣ ад̇т̇абажжад̇т̇игаанам̣ саммукийбхааво буг̇г̇аласаммукад̇аа.
Ettha ca kārakasaṅghassa saṅghasāmaggivasena sammukhībhāvo saṅghasammukhatā, sametabbassa vatthuno bhūtatā dhammasammukhatā, yathā taṃ sametabbaṃ, tathevassa samanaṃ vinayasammukhatā, yo ca vivadati, yena ca vivadati, tesaṃ ubhinnaṃ atthapaccatthikānaṃ sammukhībhāvo puggalasammukhatā.
‘‘ануваад̣̇о жад̇уухибий’’д̇и уд̣̇д̣̇идтам̣ нид̣̇д̣̇исанд̇о ааха ‘‘саммукаа’’д̇иаад̣̇и. анубуб̣б̣знаад̇и анубадибаадияаа. саммукаавинаяаад̣̇ийхи д̇ийхибийд̇и саммукаавинаяасад̇ивинаяаамуул̣хавинаязхи д̇ийхиби. д̇ат̇зваад̇и яат̇аа д̇ийхи, д̇ат̇аа бан̃жамзна д̇ассабаабияасигаасамат̇знааби ануваад̣̇о саммад̇и, баг̇зва жад̇уухийд̇и ад̇т̇о.
‘‘Anuvādo catūhipī’’ti uddiṭṭhaṃ niddisanto āha ‘‘sammukhā’’tiādi. Anupubbenāti anupaṭipāṭiyā. Sammukhāvinayādīhi tīhipīti sammukhāvinayasativinayaamūḷhavinayehi tīhipi. Tathevāti yathā tīhi, tathā pañcamena tassapāpiyasikāsamathenāpi anuvādo sammati, pageva catūhīti attho.
яо баабуссаннад̇ааяа баабияо буг̇г̇ало, д̇асса гад̇д̇аб̣б̣ад̇о ‘‘д̇ассабаабияасигаа’’д̇и гаммам̣ вужжад̇и. ааяасмад̇о д̣̇аб̣б̣асса маллабуд̇д̇асса вияа сад̇ивзбуллаббад̇д̇асса кийн̣аасавасса гад̇аа амуулигаа сийлавибад̇д̇ижод̣̇анаа саммукаавинаязна, н̃ад̇д̇ижад̇уд̇т̇ааяа гаммаваажааяа д̣̇иннзна сад̇ивинаязна жа саммад̇и. уммад̇д̇агасса бхигкуно гад̇аа аабад̇д̇ижод̣̇анаа саммукаавинаязна жа д̇ат̇зва д̣̇иннзна амуул̣хавинаязна жа саммад̇и. сан̇гхамаж̇жхз аабад̇д̇ияаа жод̣̇ияамаанасса аваж̇аанид̇ваа бадиж̇аананаад̣̇им̣ гаронд̇асса баабабхигкуно б̣ахулаабад̇д̇ижод̣̇анаа саммукаавинаязна жзва д̇ат̇зва багад̇зна д̇ассабаабияасигаагаммзна жа вуубасаммад̇ийд̇и вуд̇д̇ам̣ ход̇и.
Yo pāpussannatāya pāpiyo puggalo, tassa kattabbato ‘‘tassapāpiyasikā’’ti kammaṃ vuccati. Āyasmato dabbassa mallaputtassa viya sativepullappattassa khīṇāsavassa katā amūlikā sīlavipatticodanā sammukhāvinayena, ñatticatutthāya kammavācāya dinnena sativinayena ca sammati. Ummattakassa bhikkhuno katā āpatticodanā sammukhāvinayena ca tatheva dinnena amūḷhavinayena ca sammati. Saṅghamajjhe āpattiyā codiyamānassa avajānitvā paṭijānanādiṃ karontassa pāpabhikkhuno bahulāpatticodanā sammukhāvinayena ceva tatheva pakatena tassapāpiyasikākammena ca vūpasammatīti vuttaṃ hoti.
‘‘аабад̇д̇и бана д̇ийхзваа’’д̇и уд̣̇д̣̇зсасса нид̣̇д̣̇зсамааха ‘‘саммукзнаа’’д̇иаад̣̇и. саммукзна саммукаавинаязна, бадин̃н̃ааяа бадин̃н̃аад̇агаран̣зна, д̇ин̣авад̇т̇аарагзна ваа имзхи д̇ийхи зва самат̇зхи саа аабад̇д̇и аабад̇д̇аад̇хигаран̣ам̣ убасамам̣ яаад̇ийд̇и яож̇анаа. зд̇т̇а бадин̃н̃аад̇агаран̣ам̣ наама аабад̇д̇им̣ бадиг̇г̇ан̣ханд̇зна ‘‘бассасий’’д̇и вуд̇д̇з аабад̇д̇им̣ д̣̇зсзнд̇зна ‘‘аама бассаамий’’д̇и самбадижчанам̣. д̇ин̣авад̇т̇аарагам̣ бана саяамзва вагкад̇и.
‘‘Āpatti pana tīhevā’’ti uddesassa niddesamāha ‘‘sammukhenā’’tiādi. Sammukhena sammukhāvinayena, paṭiññāya paṭiññātakaraṇena, tiṇavatthārakena vā imehi tīhi eva samathehi sā āpatti āpattādhikaraṇaṃ upasamaṃ yātīti yojanā. Ettha paṭiññātakaraṇaṃ nāma āpattiṃ paṭiggaṇhantena ‘‘passasī’’ti vutte āpattiṃ desentena ‘‘āma passāmī’’ti sampaṭicchanaṃ. Tiṇavatthārakaṃ pana sayameva vakkhati.
д̇ийхзва самат̇зхийд̇и зд̇т̇а г̇аругаабад̇д̇и саммукаавинаязна, бадин̃н̃аад̇агаран̣зна жаад̇и д̣̇вийхи, лахугаабад̇д̇им̣ аабаж̇ж̇ид̇ваа сан̇гхз ваа г̇ан̣з ваа буг̇г̇алз ваа д̣̇зсанааяа саммукаавинаязна жзва бадин̃н̃аад̇агаран̣зна жа, госамб̣агаанам̣ виг̇г̇ахасад̣̇исам̣ махаавиг̇г̇ахам̣ гаронд̇зхи аабаннаа анзгавид̇хаа аабад̇д̇ияо сажз хонд̇и, д̇аасу вагкамаанасаруубам̣ т̇уллаваж̇ж̇аад̣̇им̣ табзд̇ваа авасзсаа саб̣б̣аа аабад̇д̇ияо саммукаавинаязна, д̇ин̣авад̇т̇аарагзна жа самманд̇ийд̇и ад̇т̇о.
Tīheva samathehīti ettha garukāpatti sammukhāvinayena, paṭiññātakaraṇena cāti dvīhi, lahukāpattiṃ āpajjitvā saṅghe vā gaṇe vā puggale vā desanāya sammukhāvinayena ceva paṭiññātakaraṇena ca, kosambakānaṃ viggahasadisaṃ mahāviggahaṃ karontehi āpannā anekavidhā āpattiyo sace honti, tāsu vakkhamānasarūpaṃ thullavajjādiṃ ṭhapetvā avasesā sabbā āpattiyo sammukhāvinayena, tiṇavatthārakena ca sammantīti attho.
гижжам̣ гижжаад̇хигаран̣ам̣ згзна саммукаавинаязнзва саммад̇ийд̇и яож̇анаа.
Kiccaṃ kiccādhikaraṇaṃ ekena sammukhāvinayeneva sammatīti yojanā.
2770. язбхуяяасигагаммзд̇и зд̇т̇а нимид̇д̇ад̇т̇з бхуммам̣. салаагам̣ г̇аахаязд̇и винижчаяагаарагз сан̇гхз д̇хаммаваад̣̇ийнам̣ б̣ахуд̇д̇ам̣ ваа аббад̇арад̇д̇ам̣ ваа ж̇аанид̇ум̣ вагкамаанзна наязна салаагам̣ г̇аахаабзяяа. б̣уд̇ход̇и ‘‘на чанд̣̇ааг̇ад̇им̣ г̇ажчад̇и…бз… г̇ахид̇ааг̇ахид̇ан̃жа ж̇аанаад̇ий’’д̇и вуд̇д̇ам̣ бан̃жахи ан̇г̇зхи саманнааг̇ад̇ам̣ буг̇г̇алам̣ д̣̇ассзд̇и. ‘‘г̇уул̣хзнаа’’д̇иаад̣̇инаа салаагаг̇г̇аахаббагааро д̣̇ассид̇о. ган̣н̣аж̇аббзнаад̇и зд̇т̇а ган̣н̣з ж̇аббо яасмим̣ салаагаг̇г̇аахабаяог̇зд̇и виг̇г̇ахо. зд̇т̇а г̇уул̣хасалаагаг̇г̇аахо наама д̇хаммаваад̣̇исалаагаа жа ад̇хаммаваад̣̇исалаагаа жа висум̣ висум̣ жийвараган̣н̣з багкибид̇ваа буг̇г̇алаанам̣ санд̇игам̣ висум̣ висум̣ убасан̇гамид̇ваа салаагаа висум̣ висум̣ д̣̇ассзд̇ваа ‘‘ид̇о д̇ава ружжанагам̣ г̇ан̣хаахий’’д̇и рахо тад̇ваа г̇аахаабанам̣. вивадагам̣ наама д̇хаммаваад̣̇ийнам̣ б̣ахубхаавам̣ н̃ад̇ваа саб̣б̣зсу ж̇аананд̇зсу буг̇г̇алаанам̣ санд̇игам̣ г̇аахаабанам̣. ган̣н̣аж̇аббанам̣ наама звамзва ган̣н̣амуулз рахо тад̇ваа г̇аахаабанам̣.
2770.Yebhuyyasikakammeti ettha nimittatthe bhummaṃ. Salākaṃ gāhayeti vinicchayakārake saṅghe dhammavādīnaṃ bahuttaṃ vā appatarattaṃ vā jānituṃ vakkhamānena nayena salākaṃ gāhāpeyya. Budhoti ‘‘na chandāgatiṃ gacchati…pe… gahitāgahitañca jānātī’’ti vuttaṃ pañcahi aṅgehi samannāgataṃ puggalaṃ dasseti. ‘‘Gūḷhenā’’tiādinā salākaggāhappakāro dassito. Kaṇṇajappenāti ettha kaṇṇe jappo yasmiṃ salākaggāhapayogeti viggaho. Ettha gūḷhasalākaggāho nāma dhammavādisalākā ca adhammavādisalākā ca visuṃ visuṃ cīvarakaṇṇe pakkhipitvā puggalānaṃ santikaṃ visuṃ visuṃ upasaṅkamitvā salākā visuṃ visuṃ dassetvā ‘‘ito tava ruccanakaṃ gaṇhāhī’’ti raho ṭhatvā gāhāpanaṃ. Vivaṭakaṃ nāma dhammavādīnaṃ bahubhāvaṃ ñatvā sabbesu jānantesu puggalānaṃ santikaṃ gāhāpanaṃ. Kaṇṇajappanaṃ nāma evameva kaṇṇamūle raho ṭhatvā gāhāpanaṃ.
2771. алаж̇ж̇уссад̣̇зд̇и зд̇т̇а ‘‘сан̇гхз’’д̇и сзсо. лаж̇ж̇ису б̣аалзсууд̇и зд̇т̇ааби ‘‘уссад̣̇зсуу’’д̇и вад̇д̇аб̣б̣ам̣.
2771.Alajjussadeti ettha ‘‘saṅghe’’ti seso. Lajjisu bālesūti etthāpi ‘‘ussadesū’’ti vattabbaṃ.
2772. сагзна гаммунааязваад̇и ад̇д̇ано яам̣ гижжам̣, д̇знзваад̇и.
2772.Sakena kammunāyevāti attano yaṃ kiccaṃ, tenevāti.
2773-5. ‘‘аабаж̇ж̇ад̇ий’’д̇иаад̣̇и ‘‘алаж̇ж̇ий, лаж̇ж̇ий, б̣аало’’д̇и ж̇аананасса хзд̇убхууд̇агаммад̣̇ассанам̣. д̣̇ужжинд̇ид̇од̇и абхиж̇жхаад̣̇ид̇ивид̇хаманод̣̇ужжарид̇авасзна д̣̇удту жинд̇знд̇о. д̣̇уб̣бхаасийд̇и мусааваад̣̇аад̣̇ижад̇уб̣б̣ид̇хаважийд̣̇ужжарид̇авасзна важийд̣̇ваарз бан̃н̃ад̇д̇аанам̣ сигкаабад̣̇аанам̣ вийд̇иггамавасзна д̣̇удту бхаасанасийло. д̣̇уггадагааригод̇и баан̣аад̇ибаад̇аад̣̇ид̇ивид̇хагааяад̣̇ужжарид̇авасзна гааяад̣̇ваарз бан̃н̃ад̇д̇асигкаабад̣̇аанам̣ вийд̇иггамавасзна гужчид̇агаммасса гаран̣асийло. ид̇и лагкан̣знзваад̇и яат̇аавуд̇д̇ам̣ алаж̇ж̇ийлаж̇ж̇ийб̣аалалагкан̣ам̣ ниг̇амзд̇и.
2773-5.‘‘Āpajjatī’’tiādi ‘‘alajjī, lajjī, bālo’’ti jānanassa hetubhūtakammadassanaṃ. Duccintitoti abhijjhāditividhamanoduccaritavasena duṭṭhu cintento. Dubbhāsīti musāvādādicatubbidhavacīduccaritavasena vacīdvāre paññattānaṃ sikkhāpadānaṃ vītikkamavasena duṭṭhu bhāsanasīlo. Dukkaṭakārikoti pāṇātipātāditividhakāyaduccaritavasena kāyadvāre paññattasikkhāpadānaṃ vītikkamavasena kucchitakammassa karaṇasīlo. Iti lakkhaṇenevāti yathāvuttaṃ alajjīlajjībālalakkhaṇaṃ nigameti.
2776. ‘‘язбхуяяасигаа’’д̇иаад̣̇иг̇аат̇аахи нид̣̇д̣̇идтамзва ад̇т̇ам̣ ниг̇амзд̇умааха ‘‘д̇ид̇хаа’’д̇иаад̣̇и. д̇ид̇хаасалаагаг̇аахзнаад̇и д̇ивид̇хасса салаагаг̇аахасса ан̃н̃ад̇арзна. б̣ахугаа д̇хаммаваад̣̇ино яад̣̇и сияунд̇и яож̇анаа. гаад̇аб̣б̣анд̇и зд̇т̇а ‘‘виваад̣̇аад̇хигаран̣авуубасамана’’нд̇и сзсо.
2776. ‘‘Yebhuyyasikā’’tiādigāthāhi niddiṭṭhameva atthaṃ nigametumāha ‘‘tidhā’’tiādi. Tidhāsalākagāhenāti tividhassa salākagāhassa aññatarena. Bahukā dhammavādino yadi siyunti yojanā. Kātabbanti ettha ‘‘vivādādhikaraṇavūpasamana’’nti seso.
2777. яо буг̇г̇ало алаж̇ж̇ий жа ход̇и саануваад̣̇о жа гаммад̇о гааяагаммад̇о, важийгаммад̇о жа асужи жа самб̣уд̣̇д̇хаж̇иг̇ужчанийяод̇и ад̇т̇о. со звам̣вид̇хо баабабуг̇г̇ало д̇асса баабияасигагаммасса яог̇о ход̇ийд̇и самб̣анд̇хо. саануваад̣̇од̇и зд̇т̇а ануваад̣̇о наама жод̣̇анаа, саха ануваад̣̇зна вад̇д̇ад̇ийд̇и саануваад̣̇о, баабаг̇арахид̇абуг̇г̇алзхи гаад̇аб̣б̣ажод̣̇анааяа ануруубод̇и ад̇т̇о.
2777. Yo puggalo alajjī ca hoti sānuvādo ca kammato kāyakammato, vacīkammato ca asuci ca sambuddhajigucchanīyoti attho. So evaṃvidho pāpapuggalo tassa pāpiyasikakammassa yogo hotīti sambandho. Sānuvādoti ettha anuvādo nāma codanā, saha anuvādena vattatīti sānuvādo, pāpagarahitapuggalehi kātabbacodanāya anurūpoti attho.
2778-9. бхан̣д̣анзд̇и галахасса буб̣б̣абхааг̇з. галахзд̇и гааяаважийд̣̇ваараббавад̇д̇з хад̇т̇абараамасаад̣̇игз галахз жа. виваад̣̇амхи анаббагзд̇и б̣ахувид̇хз виваад̣̇з ж̇аад̇з. б̣ахуассааман̣з жин̣н̣зд̇и саман̣аанам̣ ананужчавигз наанаббагаарз гааяигаваажасигавийд̇иггамз жа гад̇з. анаг̇г̇зд̇и ананд̇з. бхассагзд̇и гужчид̇з аманаабаважанз жин̣н̣зд̇и яож̇анаа, бхаасид̇зд̇и ад̇т̇о. г̇авзсанд̇анд̇и г̇авзсияамаанам̣, аабад̇д̇аад̇хигаран̣анд̇и сзсо. ваал̣анд̇и жан̣д̣ам̣. гагкал̣анд̇и аасаж̇ж̇ам̣. гаад̇аб̣б̣анд̇и вуубасамзд̇аб̣б̣ам̣.
2778-9.Bhaṇḍaneti kalahassa pubbabhāge. Kalaheti kāyavacīdvārappavatte hatthaparāmasādike kalahe ca. Vivādamhi anappaketi bahuvidhe vivāde jāte. Bahuassāmaṇe ciṇṇeti samaṇānaṃ ananucchavike nānappakāre kāyikavācasikavītikkame ca kate. Anaggeti anante. Bhassaketi kucchite amanāpavacane ciṇṇeti yojanā, bhāsiteti attho. Gavesantanti gavesiyamānaṃ, āpattādhikaraṇanti seso. Vāḷanti caṇḍaṃ. Kakkhaḷanti āsajjaṃ. Kātabbanti vūpasametabbaṃ.
2780-2. яат̇аа жа вуубасаммад̇и, д̇ат̇аа д̇ин̣авад̇т̇аарагз суд̣̇д̇хо ход̇ийд̇и самб̣анд̇хо.
2780-2. Yathā ca vūpasammati, tathā tiṇavatthārake suddho hotīti sambandho.
т̇уллаваж̇ж̇анд̇и баарааж̇иган̃жзва сан̇гхаад̣̇исзсан̃жа. г̇ихийхи бадисам̣яуд̇анд̇и г̇ихийнам̣ ж̇аад̇иаад̣̇ийхи баал̣ияаа ааг̇ад̇зхи д̣̇асахи аггосавад̇т̇уухи, адтагат̇ааг̇ад̇зхи жа д̇ад̣̇ан̃н̃зхи аггосавад̇т̇уухи кум̣санавамбханабажжаяаа жа д̇хаммигабадиссавасса асажжаабанабажжаяаа жа аабаннаабад̇д̇им̣. зсаа зва хи аабад̇д̇и г̇ихибадисам̣яуд̇д̇аа наама бариваарз ‘‘ад̇т̇и г̇ихибадисам̣яуд̇д̇аа, ад̇т̇и наг̇ихибадисам̣яуд̇д̇аа’’д̇и д̣̇угам̣ нигкибид̇ваа ‘‘г̇ихибадисам̣яуд̇д̇аад̇и суд̇хаммад̇т̇зрасса аабад̇д̇и, яаа жа д̇хаммигасса бадиссавасса асажжаабанз аабад̇д̇и. авасзсаа наг̇ихибадисам̣яуд̇д̇аа’’д̇и (бари. адта. 321) важанад̇о.
Thullavajjanti pārājikañceva saṅghādisesañca. Gihīhi paṭisaṃyutanti gihīnaṃ jātiādīhi pāḷiyā āgatehi dasahi akkosavatthūhi, aṭṭhakathāgatehi ca tadaññehi akkosavatthūhi khuṃsanavambhanapaccayā ca dhammikapaṭissavassa asaccāpanapaccayā ca āpannāpattiṃ. Esā eva hi āpatti gihipaṭisaṃyuttā nāma parivāre ‘‘atthi gihipaṭisaṃyuttā, atthi nagihipaṭisaṃyuttā’’ti dukaṃ nikkhipitvā ‘‘gihipaṭisaṃyuttāti sudhammattherassa āpatti, yā ca dhammikassa paṭissavassa asaccāpane āpatti. Avasesā nagihipaṭisaṃyuttā’’ti (pari. aṭṭha. 321) vacanato.
суд̇хаммад̇т̇зрасса аабад̇д̇ийд̇и жа д̇зна жид̇д̇асса г̇ахабад̇ино ж̇аад̇им̣ бадижжа кум̣санавамбханабажжаяаа аабаннаа омасаваад̣̇асигкаабад̣̇авибхааг̇аг̇ад̇аа д̣̇уггадаабад̇д̇и г̇ахзд̇аб̣б̣аа. ид̣̇ан̃жа убалагкан̣амад̇д̇ам̣, д̇асмаа ид̇арзхиби аггосавад̇т̇уухи г̇ихим̣ кум̣сзнд̇аанам̣ вамбхзнд̇аанам̣ ид̇арзсам̣ бхигкуунам̣ саа аабад̇д̇и г̇ихибадисам̣яуд̇д̇ааваад̇и взд̣̇ид̇аб̣б̣ам̣. д̇ат̇аа аабаннам̣ аабад̇д̇им̣ д̣̇зсаабзнд̇зна д̣̇ассануубажаарам̣ авиж̇ахаабзд̇ваа савануубажаарам̣ ж̇ахаабзд̇ваа згам̣сз уд̇д̇араасан̇г̇ам̣ гаараабзд̇ваа уггудигам̣ нисийд̣̇аабзд̇ваа ан̃ж̇алим̣ баг̇г̇ан̣хаабзд̇ваа саа аабад̇д̇и д̣̇зсаабзд̇аб̣б̣аа.
Sudhammattherassa āpattīti ca tena cittassa gahapatino jātiṃ paṭicca khuṃsanavambhanapaccayā āpannā omasavādasikkhāpadavibhāgagatā dukkaṭāpatti gahetabbā. Idañca upalakkhaṇamattaṃ, tasmā itarehipi akkosavatthūhi gihiṃ khuṃsentānaṃ vambhentānaṃ itaresaṃ bhikkhūnaṃ sā āpatti gihipaṭisaṃyuttāvāti veditabbaṃ. Tathā āpannaṃ āpattiṃ desāpentena dassanūpacāraṃ avijahāpetvā savanūpacāraṃ jahāpetvā ekaṃse uttarāsaṅgaṃ kārāpetvā ukkuṭikaṃ nisīdāpetvā añjaliṃ paggaṇhāpetvā sā āpatti desāpetabbā.
д̣̇идтаавигаммиганд̇и д̣̇идтаавигаммз нияуд̇д̇о д̣̇идтаавигаммиго, д̇ам̣, адтагат̇ааяам̣ ‘‘яз бана ‘на мзд̇ам̣ камад̇ий’д̇и ан̃н̃аман̃н̃ам̣ д̣̇идтаавигаммам̣ гаронд̇ий’’д̇и (жуул̣ава. адта. 214) яз буг̇г̇алаа д̣̇ассид̇аа, д̇зсаман̃н̃ад̇арассзва г̇ахан̣ам̣.
Diṭṭhāvikammikanti diṭṭhāvikamme niyutto diṭṭhāvikammiko, taṃ, aṭṭhakathāyaṃ ‘‘ye pana ‘na metaṃ khamatī’ti aññamaññaṃ diṭṭhāvikammaṃ karontī’’ti (cūḷava. aṭṭha. 214) ye puggalā dassitā, tesamaññatarasseva gahaṇaṃ.
яод̇и бхан̣д̣анагаарагзхи бхигкуухи сад̣̇д̇хим̣ маханд̇ам̣ виг̇г̇ахам̣ гад̇ваа самб̣ахулаа аабад̇д̇ияо аабанно яо бхигку. д̇ад̇т̇аад̇и д̇асмим̣ д̇ин̣авад̇т̇аарагасамат̇агаарагз бхигкусамуухз. на ход̇ийд̇и чанд̣̇ам̣ д̣̇ад̇ваа д̇ам̣ бхигкубарисам̣ анааг̇ад̇ад̇д̇аа на сам̣виж̇ж̇ад̇и. д̇ан̃жа табзд̇ваад̇и яож̇анаа.
Yoti bhaṇḍanakārakehi bhikkhūhi saddhiṃ mahantaṃ viggahaṃ katvā sambahulā āpattiyo āpanno yo bhikkhu. Tatthāti tasmiṃ tiṇavatthārakasamathakārake bhikkhusamūhe. Na hotīti chandaṃ datvā taṃ bhikkhuparisaṃ anāgatattā na saṃvijjati. Tañca ṭhapetvāti yojanā.
д̇ин̣авад̇т̇аарагз гад̇з сад̇и яаава убасамбад̣̇амаал̣ад̇о бабхуд̇и аабаннааяа сзсааяа аабад̇д̇ияаа нираабад̇д̇и худ̇ваа суд̣̇д̇хо ход̇и сан̇гход̇и яож̇анаа.
Tiṇavatthārake kate sati yāva upasampadamāḷato pabhuti āpannāya sesāya āpattiyā nirāpatti hutvā suddho hoti saṅghoti yojanā.
самат̇агканд̇хагагат̇ааван̣н̣анаа.
Samathakkhandhakakathāvaṇṇanā.
