| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಸಮಥಾಸಮಥಸ್ಸಸಾಧಾರಣವಾರವಣ್ಣನಾ
Samathāsamathassasādhāraṇavāravaṇṇanā
೨೯೯. ನವಮೇ ಸಮಥಾಸಮಥಸಾಧಾರಣವಾರೇ ‘‘ಸಬ್ಬೇ ಸಮಥಾ ಏಕತೋವ ಅಧಿಕರಣಂ ಸಮೇನ್ತಿ ಉದಾಹು ನಾನಾ’’ತಿ ಪುಚ್ಛನ್ತೇನ ‘‘ಸಮಥಾ ಸಮಥಸ್ಸ ಸಾಧಾರಣಾ, ಸಮಥಾ ಸಮಥಸ್ಸ ಅಸಾಧಾರಣಾ’’ತಿ ವುತ್ತಂ। ವಿವಾದಾದಿಅಧಿಕರಣಕ್ಕಮೇನ ತಬ್ಬೂಪಸಮಹೇತುಭೂತೇ ಸಮಥೇ ಉದ್ಧರನ್ತೋ ‘‘ಯೇಭುಯ್ಯಸಿಕಾ’’ತಿಆದಿಮಾಹ। ಸಮ್ಮುಖಾವಿನಯಂ ವಿನಾ ಕಸ್ಸಚಿ ಸಮಥಸ್ಸ ಅಸಮ್ಭವಾ ಸೇಸಾ ಛಪಿ ಸಮಥಾ ಸಮ್ಮುಖಾವಿನಯಸ್ಸ ಸಾಧಾರಣಾ ವುತ್ತಾ, ತೇಸಂ ಪನ ಛನ್ನಂ ಅಞ್ಞಮಞ್ಞಾಪೇಕ್ಖಾಭಾವತೋ ತೇ ಅಞ್ಞಮಞ್ಞಂ ಅಸಾಧಾರಣಾ ವುತ್ತಾ। ತಬ್ಭಾಗಿಯವಾರೇಪಿ ಏಸೇವ ನಯೋ।
299. Navame samathāsamathasādhāraṇavāre ‘‘sabbe samathā ekatova adhikaraṇaṃ samenti udāhu nānā’’ti pucchantena ‘‘samathā samathassa sādhāraṇā, samathā samathassa asādhāraṇā’’ti vuttaṃ. Vivādādiadhikaraṇakkamena tabbūpasamahetubhūte samathe uddharanto ‘‘yebhuyyasikā’’tiādimāha. Sammukhāvinayaṃ vinā kassaci samathassa asambhavā sesā chapi samathā sammukhāvinayassa sādhāraṇā vuttā, tesaṃ pana channaṃ aññamaññāpekkhābhāvato te aññamaññaṃ asādhāraṇā vuttā. Tabbhāgiyavārepi eseva nayo.
ಸಮಥಾಸಮಥಸ್ಸಸಾಧಾರಣವಾರವಣ್ಣನಾ ನಿಟ್ಠಿತಾ।
Samathāsamathassasādhāraṇavāravaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೯. ಸಮಥಾ ಸಮಥಸ್ಸ ಸಾಧಾರಣವಾರೋ • 9. Samathā samathassa sādhāraṇavāro
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಸಮಥಾ ಸಮಥಸ್ಸ ಸಾಧಾರಣವಾರಕಥಾವಣ್ಣನಾ • Samathā samathassa sādhāraṇavārakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಅಧಿಕರಣಪರಿಯಾಯವಾರಾದಿವಣ್ಣನಾ • Adhikaraṇapariyāyavārādivaṇṇanā
