| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಸಮಥಸಮ್ಮುಖಾವಿನಯವಾರಾದಿವಣ್ಣನಾ
Samathasammukhāvinayavārādivaṇṇanā
೩೦೧-೩. ಏಕಾದಸಮವಾರೇಪಿ ಸಮ್ಮುಖಾವಿನಯೋತಿಆದಿ ಪುಚ್ಛಾ। ಯೇಭುಯ್ಯಸಿಕಾ ಸತಿವಿನಯೋತಿಆದಿ ವಿಸಜ್ಜನಂ। ಏವಂ ವಿನಯವಾರೇ ಕುಸಲ-ವಾರೇ ತತೋ ಪರೇಸುಪಿ ಪುಚ್ಛಾವಿಸಜ್ಜನಪರಿಚ್ಛೇದೋ ವೇದಿತಬ್ಬೋ।
301-3. Ekādasamavārepi sammukhāvinayotiādi pucchā. Yebhuyyasikā sativinayotiādi visajjanaṃ. Evaṃ vinayavāre kusala-vāre tato paresupi pucchāvisajjanaparicchedo veditabbo.
ತತ್ಥ ಸಮ್ಮುಖಾವಿನಯೋ ಸಿಯಾ ಕುಸಲೋತಿಆದೀಸು ತಸ್ಮಿಂ ತಸ್ಮಿಂ ವಿನಯಕಮ್ಮೇ, ವಿವಾದಾದಿಮ್ಹಿ ಚ ನಿಯುತ್ತಪುಗ್ಗಲಾನಂ ಸಮುಪ್ಪಜ್ಜನಕಕುಸಲಾದೀನಂ ವಸೇನ ಸಮ್ಮುಖಾವಿನಯಾದೀನಂ, ವಿವಾದಾದೀನಞ್ಚ ಕುಸಲಾದಿಭಾವೋ ತೇನ ತೇನ ಉಪಚಾರೇನ ವುತ್ತೋ। ಯಸ್ಮಾ ಪನೇತಸ್ಸ ಸಮ್ಮುಖಾವಿನಯೋ ನಾಮ ಸಙ್ಘಸಮ್ಮುಖತಾದಯೋ ಹೋನ್ತಿ, ತೇಸಞ್ಚ ಅನವಜ್ಜಸಭಾವತ್ತಾ ಅಕುಸಲೇ ವಿಜ್ಜಮಾನೇಪಿ ಅಕುಸಲತ್ತೂಪಚಾರೋ ನ ಯುತ್ತೋ ಆಪತ್ತಾಧಿಕರಣಸ್ಸ ಅಕುಸಲತ್ತೂಪಚಾರೋ ವಿಯ, ತಸ್ಮಾ ನತ್ಥಿ ಸಮ್ಮುಖಾವಿನಯೋ ಅಕುಸಲೋತಿ ಅತ್ಥೋ।
Tattha sammukhāvinayo siyā kusalotiādīsu tasmiṃ tasmiṃ vinayakamme, vivādādimhi ca niyuttapuggalānaṃ samuppajjanakakusalādīnaṃ vasena sammukhāvinayādīnaṃ, vivādādīnañca kusalādibhāvo tena tena upacārena vutto. Yasmā panetassa sammukhāvinayo nāma saṅghasammukhatādayo honti, tesañca anavajjasabhāvattā akusale vijjamānepi akusalattūpacāro na yutto āpattādhikaraṇassa akusalattūpacāro viya, tasmā natthi sammukhāvinayo akusaloti attho.
೩೦೪. ತತೋ ಪರೇಸು ಯತ್ಥ ಯೇಭುಯ್ಯಸಿಕಾ ಲಬ್ಭತಿ, ತತ್ಥ ಸಮ್ಮುಖಾವಿನಯೋ ಲಬ್ಭತೀತಿಆದಿ ಸಮ್ಮುಖಾವಿನಯಸ್ಸ ಇತರೇಹಿ ಸಮಥೇಹಿ ನಿಯಮೇನ ಸಂಸಟ್ಠತಂ, ಇತರೇಸಂ ಪನ ಛನ್ನಂ ಅಞ್ಞಮಞ್ಞಂ ಸಂಸಗ್ಗಾಭಾವಞ್ಚ ದಸ್ಸೇತುಂ ವುತ್ತಂ।
304. Tato paresu yattha yebhuyyasikā labbhati, tattha sammukhāvinayo labbhatītiādi sammukhāvinayassa itarehi samathehi niyamena saṃsaṭṭhataṃ, itaresaṃ pana channaṃ aññamaññaṃ saṃsaggābhāvañca dassetuṃ vuttaṃ.
ಸಮಥಸಮ್ಮುಖಾವಿನಯವಾರಾದಿವಣ್ಣನಾ ನಿಟ್ಠಿತಾ।
Samathasammukhāvinayavārādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೧೧. ಸಮಥಸಮ್ಮುಖಾವಿನಯವಾರೋ • 11. Samathasammukhāvinayavāro
೧೨. ವಿನಯವಾರೋ • 12. Vinayavāro
೧೩. ಕುಸಲವಾರೋ • 13. Kusalavāro
೧೪. ಯತ್ಥವಾರೋ, ಪುಚ್ಛಾವಾರೋ • 14. Yatthavāro, pucchāvāro
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā
ವಿನಯವಾರಕಥಾವಣ್ಣನಾ • Vinayavārakathāvaṇṇanā
ಕುಸಲವಾರಕಥಾವಣ್ಣನಾ • Kusalavārakathāvaṇṇanā
ಸಮಥವಾರವಿಸ್ಸಜ್ಜನಾವಾರಕಥಾವಣ್ಣನಾ • Samathavāravissajjanāvārakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā
ಅಧಿಕರಣಪರಿಯಾಯವಾರಾದಿವಣ್ಣನಾ • Adhikaraṇapariyāyavārādivaṇṇanā
ಯತ್ಥವಾರಪುಚ್ಛಾವಾರವಣ್ಣನಾ • Yatthavārapucchāvāravaṇṇanā
