| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
самат̇аваарависсаж̇ж̇анааваарагат̇ааван̣н̣анаа
Samathavāravissajjanāvārakathāvaṇṇanā
304-305. яад̇т̇а язбхуяяасигаа лаб̣бхад̇и, д̇ад̇т̇а саммукаавинаяо лаб̣бхад̇ийд̇иаад̣̇и бужчаа. яасмим̣ самаяз саммукаавинаязна жаад̇иаад̣̇и д̇ассаа виссаж̇ж̇анам̣, яасмим̣ самаяз саммукаавинаязна жа язбхуяяасигааяа жа ад̇хигаран̣ам̣ вуубасаммад̇и, д̇асмим̣ самаяз яад̇т̇а язбхуяяасигаа лаб̣бхад̇и, д̇ад̇т̇а саммукаавинаяо лаб̣бхад̇ийд̇и звам̣ саб̣б̣ад̇т̇а самб̣анд̇хо. яад̇т̇а бадин̃н̃аад̇агаран̣ам̣ лаб̣бхад̇и, д̇ад̇т̇а саммукаавинаяо лаб̣бхад̇ийд̇и зд̇т̇а згам̣ ваа д̣̇вз ваа б̣ахуу ваа бхигкуу ‘‘имам̣ наама аабад̇д̇им̣ аабанносий’’д̇и бужчид̇з сад̇и ‘‘аамаа’’д̇и бадиж̇аананз д̣̇взби бадин̃н̃аад̇агаран̣асаммукаавинаяаа лаб̣бханд̇и. д̇ад̇т̇а ‘‘сан̇гхасаммукад̇аа д̇хаммавинаяабуг̇г̇аласаммукад̇аа’’д̇и звам̣ вуд̇д̇асаммукаавинаяз сан̇гхасса бурад̇о бадин̃н̃аад̇ам̣ жз, сан̇гхасаммукад̇аа. д̇ад̇т̇зва д̣̇зсид̇ам̣ жз, д̇хаммавинаяасаммукад̇ааяоби лад̣̇д̇хаа хонд̇и. ат̇а вивад̣̇анд̇аа ан̃н̃аман̃н̃ам̣ бадиж̇аананд̇и жз, буг̇г̇аласаммукад̇аа. д̇ассзва санд̇игз д̣̇зсид̇ам̣ жз, д̇хаммавинаяасаммукад̇ааяоби лад̣̇д̇хаа хонд̇и. згассзва ваа згасса санд̇игз аабад̇д̇ид̣̇зсанагаалз ‘‘бассаси, бассаамий’’д̇и вуд̇д̇з д̇ад̇т̇а д̇хаммавинаяабуг̇г̇аласаммукад̇аасан̃н̃ид̇о саммукаавинаяо жа бадин̃н̃аад̇агаран̣ан̃жа лад̣̇д̇хам̣ ход̇и.
304-305.Yattha yebhuyyasikā labbhati, tattha sammukhāvinayo labbhatītiādi pucchā. Yasmiṃsamaye sammukhāvinayena cātiādi tassā vissajjanaṃ, yasmiṃ samaye sammukhāvinayena ca yebhuyyasikāya ca adhikaraṇaṃ vūpasammati, tasmiṃ samaye yattha yebhuyyasikā labbhati, tattha sammukhāvinayo labbhatīti evaṃ sabbattha sambandho. Yattha paṭiññātakaraṇaṃ labbhati, tattha sammukhāvinayo labbhatīti ettha ekaṃ vā dve vā bahū vā bhikkhū ‘‘imaṃ nāma āpattiṃ āpannosī’’ti pucchite sati ‘‘āmā’’ti paṭijānane dvepi paṭiññātakaraṇasammukhāvinayā labbhanti. Tattha ‘‘saṅghasammukhatā dhammavinayapuggalasammukhatā’’ti evaṃ vuttasammukhāvinaye saṅghassa purato paṭiññātaṃ ce, saṅghasammukhatā. Tattheva desitaṃ ce, dhammavinayasammukhatāyopi laddhā honti. Atha vivadantā aññamaññaṃ paṭijānanti ce, puggalasammukhatā. Tasseva santike desitaṃ ce, dhammavinayasammukhatāyopi laddhā honti. Ekasseva vā ekassa santike āpattidesanakāle ‘‘passasi, passāmī’’ti vutte tattha dhammavinayapuggalasammukhatāsaññito sammukhāvinayo ca paṭiññātakaraṇañca laddhaṃ hoti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
14. яад̇т̇авааро, бужчаавааро • 14. Yatthavāro, pucchāvāro
15. самат̇авааро, виссаж̇ж̇анаавааро • 15. Samathavāro, vissajjanāvāro
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
яад̇т̇аваарабужчааваараван̣н̣анаа • Yatthavārapucchāvāravaṇṇanā
самат̇аваарависсаж̇ж̇анааваараван̣н̣анаа • Samathavāravissajjanāvāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / самат̇асаммукаавинаяаваараад̣̇иван̣н̣анаа • Samathasammukhāvinayavārādivaṇṇanā
