| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
සමථවාරවිස්‌සජ්‌ජනාවාරකථාවණ්‌ණනා
Samathavāravissajjanāvārakathāvaṇṇanā
304-305. යත්‌ථ යෙභුය්‍යසිකා ලබ්‌භති, තත්‌ථ සම්‌මුඛාවිනයො ලබ්‌භතීතිආදි පුච්‌ඡා. යස්‌මිං සමයෙ සම්‌මුඛාවිනයෙන චාතිආදි තස්‌සා විස්‌සජ්‌ජනං, යස්‌මිං සමයෙ සම්‌මුඛාවිනයෙන ච යෙභුය්‍යසිකාය ච අධිකරණං වූපසම්‌මති, තස්‌මිං සමයෙ යත්‌ථ යෙභුය්‍යසිකා ලබ්‌භති, තත්‌ථ සම්‌මුඛාවිනයො ලබ්‌භතීති එවං සබ්‌බත්‌ථ සම්‌බන්‌ධො. යත්‌ථ පටිඤ්‌ඤාතකරණං ලබ්‌භති, තත්‌ථ සම්‌මුඛාවිනයො ලබ්‌භතීති එත්‌ථ එකං වා ද්‌වෙ වා බහූ වා භික්‌ඛූ ‘‘ඉමං නාම ආපත්‌තිං ආපන්‌නොසී’’ති පුච්‌ඡිතෙ සති ‘‘ආමා’’ති පටිජානනෙ ද්‌වෙපි පටිඤ්‌ඤාතකරණසම්‌මුඛාවිනයා ලබ්‌භන්‌ති. තත්‌ථ ‘‘සඞ්‌ඝසම්‌මුඛතා ධම්‌මවිනයපුග්‌ගලසම්‌මුඛතා’’ති එවං වුත්‌තසම්‌මුඛාවිනයෙ සඞ්‌ඝස්‌ස පුරතො පටිඤ්‌ඤාතං චෙ, සඞ්‌ඝසම්‌මුඛතා. තත්‌ථෙව දෙසිතං චෙ, ධම්‌මවිනයසම්‌මුඛතායොපි ලද්‌ධා හොන්‌ති. අථ විවදන්‌තා අඤ්‌ඤමඤ්‌ඤං පටිජානන්‌ති චෙ, පුග්‌ගලසම්‌මුඛතා. තස්‌සෙව සන්‌තිකෙ දෙසිතං චෙ, ධම්‌මවිනයසම්‌මුඛතායොපි ලද්‌ධා හොන්‌ති. එකස්‌සෙව වා එකස්‌ස සන්‌තිකෙ ආපත්‌තිදෙසනකාලෙ ‘‘පස්‌සසි, පස්‌සාමී’’ති වුත්‌තෙ තත්‌ථ ධම්‌මවිනයපුග්‌ගලසම්‌මුඛතාසඤ්‌ඤිතො සම්‌මුඛාවිනයො ච පටිඤ්‌ඤාතකරණඤ්‌ච ලද්‌ධං හොති.
304-305.Yattha yebhuyyasikā labbhati, tattha sammukhāvinayo labbhatītiādi pucchā. Yasmiṃsamaye sammukhāvinayena cātiādi tassā vissajjanaṃ, yasmiṃ samaye sammukhāvinayena ca yebhuyyasikāya ca adhikaraṇaṃ vūpasammati, tasmiṃ samaye yattha yebhuyyasikā labbhati, tattha sammukhāvinayo labbhatīti evaṃ sabbattha sambandho. Yattha paṭiññātakaraṇaṃ labbhati, tattha sammukhāvinayo labbhatīti ettha ekaṃ vā dve vā bahū vā bhikkhū ‘‘imaṃ nāma āpattiṃ āpannosī’’ti pucchite sati ‘‘āmā’’ti paṭijānane dvepi paṭiññātakaraṇasammukhāvinayā labbhanti. Tattha ‘‘saṅghasammukhatā dhammavinayapuggalasammukhatā’’ti evaṃ vuttasammukhāvinaye saṅghassa purato paṭiññātaṃ ce, saṅghasammukhatā. Tattheva desitaṃ ce, dhammavinayasammukhatāyopi laddhā honti. Atha vivadantā aññamaññaṃ paṭijānanti ce, puggalasammukhatā. Tasseva santike desitaṃ ce, dhammavinayasammukhatāyopi laddhā honti. Ekasseva vā ekassa santike āpattidesanakāle ‘‘passasi, passāmī’’ti vutte tattha dhammavinayapuggalasammukhatāsaññito sammukhāvinayo ca paṭiññātakaraṇañca laddhaṃ hoti.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
14. යත්‌ථවාරො, පුච්‌ඡාවාරො • 14. Yatthavāro, pucchāvāro
15. සමථවාරො, විස්‌සජ්‌ජනාවාරො • 15. Samathavāro, vissajjanāvāro
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
යත්‌ථවාරපුච්‌ඡාවාරවණ්‌ණනා • Yatthavārapucchāvāravaṇṇanā
සමථවාරවිස්‌සජ්‌ජනාවාරවණ්‌ණනා • Samathavāravissajjanāvāravaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සමථසම්‌මුඛාවිනයවාරාදිවණ්‌ණනා • Samathasammukhāvinayavārādivaṇṇanā
