| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
самат̇аваарависсаж̇ж̇анааваараван̣н̣анаа
Samathavāravissajjanāvāravaṇṇanā
305. яасмим̣ самаяз саммукаавинаязна жаад̇иаад̣̇и д̇ассаа виссаж̇ж̇анам̣. яасмим̣ самаяз саммукаавинаязна жа язбхуяяасигааяа жа ад̇хигаран̣ам̣ вуубасаммад̇и, д̇асмим̣ самаяз яад̇т̇а язбхуяяасигаа лаб̣бхад̇и, д̇ад̇т̇а саммукаавинаяо лаб̣бхад̇ийд̇и звам̣ саб̣б̣ад̇т̇а самб̣анд̇хо. яад̇т̇а бадин̃н̃аад̇агаран̣ам̣ лаб̣бхад̇и, д̇ад̇т̇а саммукаавинаяо лаб̣бхад̇ийд̇и зд̇т̇а згам̣ ваа д̣̇вз ваа б̣ахуу ваа аабад̇д̇ияо аабанно бхигку ‘‘имам̣ наама аабад̇д̇им̣ аабанносий’’д̇и бужчид̇о ‘‘аамаа’’д̇и аабад̇д̇им̣ бадиж̇аанаад̇и, д̣̇взби лаб̣бханд̇и. д̇ад̇т̇а сан̇гхасаммукад̇аа д̇хаммавинаяабуг̇г̇аласаммукад̇аад̇и звам̣ вуд̇д̇асаммукаавинаяз сан̇гхасса бурад̇о бадин̃н̃аад̇ам̣ гад̇ам̣ жз, сан̇гхасаммукад̇аа. д̇ад̇т̇зва д̣̇зсид̇ам̣ жз, д̇хаммавинаяасаммукад̇ааяоби лад̣̇д̇хаа хонд̇и. авивад̣̇анд̇аа ан̃н̃аман̃н̃ам̣ бадиж̇аананд̇и жз, буг̇г̇аласаммукад̇аа. д̇ассзва санд̇игз д̣̇зсид̇ам̣ жз, д̇хаммавинаяасаммукад̇ааяоби лад̣̇д̇хаа хонд̇и. згассзва ваа згасса санд̇игз аабад̇д̇ид̣̇зсанагаалз ‘‘бассаси, бассаамий’’д̇и вуд̇д̇з д̇ад̇т̇а д̇хаммавинаяабуг̇г̇аласаммукад̇аасан̃н̃ид̇о саммукаавинаяо жа бадин̃н̃аад̇агаран̣ан̃жа лад̣̇д̇хам̣ ход̇и.
305.Yasmiṃ samaye sammukhāvinayena cātiādi tassā vissajjanaṃ. Yasmiṃ samaye sammukhāvinayena ca yebhuyyasikāya ca adhikaraṇaṃ vūpasammati, tasmiṃ samaye yattha yebhuyyasikā labbhati, tattha sammukhāvinayo labbhatīti evaṃ sabbattha sambandho. Yattha paṭiññātakaraṇaṃ labbhati, tattha sammukhāvinayo labbhatīti ettha ekaṃ vā dve vā bahū vā āpattiyo āpanno bhikkhu ‘‘imaṃ nāma āpattiṃ āpannosī’’ti pucchito ‘‘āmā’’ti āpattiṃ paṭijānāti, dvepi labbhanti. Tattha saṅghasammukhatā dhammavinayapuggalasammukhatāti evaṃ vuttasammukhāvinaye saṅghassa purato paṭiññātaṃ kataṃ ce, saṅghasammukhatā. Tattheva desitaṃ ce, dhammavinayasammukhatāyopi laddhā honti. Avivadantā aññamaññaṃ paṭijānanti ce, puggalasammukhatā. Tasseva santike desitaṃ ce, dhammavinayasammukhatāyopi laddhā honti. Ekasseva vā ekassa santike āpattidesanakāle ‘‘passasi, passāmī’’ti vutte tattha dhammavinayapuggalasammukhatāsaññito sammukhāvinayo ca paṭiññātakaraṇañca laddhaṃ hoti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 15. самат̇авааро, виссаж̇ж̇анаавааро • 15. Samathavāro, vissajjanāvāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / самат̇аваарависсаж̇ж̇анааваарагат̇ааван̣н̣анаа • Samathavāravissajjanāvārakathāvaṇṇanā
