| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
༧. སམཐཝཱརོ
7. Samathavāro
༡༩༩. མེཐུནཾ དྷམྨཾ པཊིསེཝནཔཙྩཡཱ ཨཱཔཏྟིཡོ སཏྟནྣཾ སམཐཱནཾ ཀཏིཧི སམཐེཧི སམྨནྟི? མེཐུནཾ དྷམྨཾ པཊིསེཝནཔཙྩཡཱ ཨཱཔཏྟིཡོ སཏྟནྣཾ སམཐཱནཾ ཏཱིཧི སམཐེཧི སམྨནྟི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ; སིཡཱ སམྨུཁཱཝིནཡེན ཏིཎཝཏྠཱརཀེན ཙ…པེ॰…།
199. Methunaṃ dhammaṃ paṭisevanapaccayā āpattiyo sattannaṃ samathānaṃ katihi samathehi sammanti? Methunaṃ dhammaṃ paṭisevanapaccayā āpattiyo sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca; siyā sammukhāvinayena tiṇavatthārakena ca…pe….
ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི སཏྟནྣཾ སམཐཱནཾ ཀཏིཧི སམཐེཧི སམྨཏི? ཨནཱདརིཡཾ པཊིཙྩ ཨུདཀེ ཨུཙྩཱརཾ ཝཱ པསྶཱཝཾ ཝཱ ཁེལ༹ཾ ཝཱ ཀརཎཔཙྩཡཱ ཨཱཔཏྟི སཏྟནྣཾ སམཐཱནཾ ཏཱིཧི སམཐེཧི སམྨཏི – སིཡཱ སམྨུཁཱཝིནཡེན ཙ པཊིཉྙཱཏཀརཎེན ཙ, སིཡཱ སམྨུཁཱཝིནཡེན ཙ ཏིཎཝཏྠཱརཀེན ཙཱཏི།
Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti sattannaṃ samathānaṃ katihi samathehi sammati? Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti sattannaṃ samathānaṃ tīhi samathehi sammati – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena cāti.
སམཐཝཱརོ ནིཊྛིཏོ སཏྟམོ།
Samathavāro niṭṭhito sattamo.
