| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
10. саамаат̇зрийг̇аат̇ааван̣н̣анаа
10. Sāmātherīgāthāvaṇṇanā
жад̇угкад̇д̇ум̣ бан̃жагкад̇д̇унд̇иаад̣̇игаа саамааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа суг̇ад̇ийсуязва сам̣саранд̇ий имасмим̣ б̣уд̣̇д̇хуббаад̣̇з госамб̣ияам̣ г̇ахабад̇имахаасаалагулз ниб̣б̣ад̇д̇ид̇ваа саамаад̇иссаа наамам̣ ахоси. саа вин̃н̃уд̇ам̣ бад̇д̇аа саамаавад̇ияаа убаасигааяа бияасахааяигаа худ̇ваа д̇ааяа гаалан̇гад̇ааяа сан̃ж̇аад̇асам̣взг̇аа баб̣б̣аж̇и. баб̣б̣аж̇ид̇ваа жа саамаавад̇игам̣ аараб̣бха уббаннасогам̣ винод̣̇зд̇ум̣ асаггонд̇ий арияамаг̇г̇ам̣ г̇ан̣хид̇ум̣ наасагки. абарабхааг̇з аасанасаалааяа нисиннасса аананд̣̇ад̇т̇зрасса оваад̣̇ам̣ суд̇ваа вибассанам̣ бадтабзд̇ваа д̇ад̇о сад̇д̇амз д̣̇ивасз саха бадисамбхид̣̇аахи арахад̇д̇ам̣ баабун̣и.
Catukkhattuṃpañcakkhattuntiādikā sāmāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinitvā sugatīsuyeva saṃsarantī imasmiṃ buddhuppāde kosambiyaṃ gahapatimahāsālakule nibbattitvā sāmātissā nāmaṃ ahosi. Sā viññutaṃ pattā sāmāvatiyā upāsikāya piyasahāyikā hutvā tāya kālaṅkatāya sañjātasaṃvegā pabbaji. Pabbajitvā ca sāmāvatikaṃ ārabbha uppannasokaṃ vinodetuṃ asakkontī ariyamaggaṃ gaṇhituṃ nāsakkhi. Aparabhāge āsanasālāya nisinnassa ānandattherassa ovādaṃ sutvā vipassanaṃ paṭṭhapetvā tato sattame divase saha paṭisambhidāhi arahattaṃ pāpuṇi.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа д̇ам̣ багаасзнд̇ий –
Arahattaṃ pana patvā attano paṭipattiṃ paccavekkhitvā taṃ pakāsentī –
37.
37.
‘‘жад̇угкад̇д̇ум̣ бан̃жагкад̇д̇ум̣, вихаараа убанигкамим̣;
‘‘Catukkhattuṃ pañcakkhattuṃ, vihārā upanikkhamiṃ;
алад̣̇д̇хаа жзд̇асо санд̇им̣, жид̇д̇з авасавад̇д̇иний;
Aladdhā cetaso santiṃ, citte avasavattinī;
д̇ассаа мз адтамий рад̇д̇и, яад̇о д̇ан̣хаа самуухад̇аа.
Tassā me aṭṭhamī ratti, yato taṇhā samūhatā.
38.
38.
‘‘б̣ахуухи д̣̇угкад̇хаммзхи, аббамаад̣̇арад̇ааяа мз;
‘‘Bahūhi dukkhadhammehi, appamādaratāya me;
д̇ан̣хагкаяо ануббад̇д̇о, гад̇ам̣ б̣уд̣̇д̇хасса саасана’’нд̇и. –
Taṇhakkhayo anuppatto, kataṃ buddhassa sāsana’’nti. –
уд̣̇аанавасзна имаа д̣̇вз г̇аат̇аа абхааси.
Udānavasena imā dve gāthā abhāsi.
д̇ад̇т̇а жад̇угкад̇д̇ум̣ бан̃жагкад̇д̇ум̣, вихаараа убанигкаминд̇и ‘‘мама васанагавихаарз вибассанааманасигаарзна нисиннаа саман̣агижжам̣ мад̇т̇агам̣ баабзд̇ум̣ асаггонд̇ий уд̇усаббааяаабхаавзна нану ко маяхам̣ вибассанаа маг̇г̇зна гхаддзд̇ий’’д̇и жинд̇зд̇ваа жад̇д̇ааро бан̃жа жаад̇и нава ваарз вихаараа убассаяад̇о б̣ахи нигкамим̣. д̇знааха ‘‘алад̣̇д̇хаа жзд̇асо санд̇им̣, жид̇д̇з авасавад̇д̇иний’’д̇и. д̇ад̇т̇а жзд̇асо санд̇инд̇и арияамаг̇г̇асамаад̇хим̣ санд̇хааяааха. жид̇д̇з авасавад̇д̇инийд̇и вийрияасамад̇ааяа абхаавзна мама бхааванаажид̇д̇з на васавад̇д̇иний. саа гира ад̇ивияа баг̇г̇ахид̇авийрияаа ахоси. д̇ассаа мз адтамий рад̇д̇ийд̇и яад̇о бадтааяа аананд̣̇ад̇т̇зрасса санд̇игз оваад̣̇ам̣ бадилабхим̣, д̇ад̇о бадтааяа рад̇д̇инд̣̇ивамад̇анд̣̇ид̇аа вибассанааяа гаммам̣ гаронд̇ий рад̇д̇ияам̣ жад̇угкад̇д̇ум̣ бан̃жагкад̇д̇ум̣ вихаарад̇о нигкамид̇ваа манасигаарам̣ бавад̇д̇знд̇ий висзсам̣ анад̇хиг̇анд̇ваа адтамияам̣ рад̇д̇ияам̣ вийрияасамад̇ам̣ лабхид̇ваа маг̇г̇абадибаадияаа гилзсз кзбзсинд̇и ад̇т̇о. д̇зна вуд̇д̇ам̣ – ‘‘д̇ассаа мз адтамий рад̇д̇и, яад̇о д̇ан̣хаа самуухад̇аа’’д̇и. сзсам̣ вуд̇д̇анаяамзва.
Tattha catukkhattuṃ pañcakkhattuṃ, vihārā upanikkhaminti ‘‘mama vasanakavihāre vipassanāmanasikārena nisinnā samaṇakiccaṃ matthakaṃ pāpetuṃ asakkontī utusappāyābhāvena nanu kho mayhaṃ vipassanā maggena ghaṭṭetī’’ti cintetvā cattāro pañca cāti nava vāre vihārā upassayato bahi nikkhamiṃ. Tenāha ‘‘aladdhā cetaso santiṃ, citte avasavattinī’’ti. Tattha cetaso santinti ariyamaggasamādhiṃ sandhāyāha. Citte avasavattinīti vīriyasamatāya abhāvena mama bhāvanācitte na vasavattinī. Sā kira ativiya paggahitavīriyā ahosi. Tassā me aṭṭhamī rattīti yato paṭṭhāya ānandattherassa santike ovādaṃ paṭilabhiṃ, tato paṭṭhāya rattindivamatanditā vipassanāya kammaṃ karontī rattiyaṃ catukkhattuṃ pañcakkhattuṃ vihārato nikkhamitvā manasikāraṃ pavattentī visesaṃ anadhigantvā aṭṭhamiyaṃ rattiyaṃ vīriyasamataṃ labhitvā maggapaṭipāṭiyā kilese khepesinti attho. Tena vuttaṃ – ‘‘tassā me aṭṭhamī ratti, yato taṇhā samūhatā’’ti. Sesaṃ vuttanayameva.
саамаат̇зрийг̇аат̇ааван̣н̣анаа нидтид̇аа.
Sāmātherīgāthāvaṇṇanā niṭṭhitā.
д̣̇уганибаад̇аван̣н̣анаа нидтид̇аа.
Dukanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 10. саамаат̇зрийг̇аат̇аа • 10. Sāmātherīgāthā
