| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
30-32. самад̇ид̇д̇игаад̣̇исигкаабад̣̇аван̣н̣анаа
30-32. Samatittikādisikkhāpadavaṇṇanā
самад̇ид̇д̇иганд̇и бхааванабум̣саганид̣̇д̣̇зсо, самад̇ид̇д̇игам̣ гад̇ваад̇и ад̇т̇о. зваман̃н̃зсуби ийд̣̇исзсу таанзсу ад̇т̇о д̣̇адтаб̣б̣о. самабун̣н̣анд̇и (саарад̇т̇а. дий. баажид̇д̇ияа 3.605) бад̇д̇асса анд̇омукаваддилзкаасамабун̣н̣ам̣. самабхарид̇анд̇и зд̇т̇ааби зсзва наяо. д̇ан̃жа ко ад̇хидтаанубаг̇абад̇д̇ассзва, нзд̇арасса. д̇знааха ‘‘ад̇хидтаанубаг̇абад̇д̇ассаа’’д̇иаад̣̇и. ражид̇анд̇и гад̇ам̣, багкид̇д̇ам̣ буурид̇анд̇и ад̇т̇о. яам̣ гин̃жи яаавагаалиганд̇и яааг̇убхад̇д̇апалаапалаад̣̇им̣ яам̣ гин̃жи аамисаж̇аад̇игам̣. яад̇т̇а гад̇т̇ажийд̇и ад̇хидтаанубаг̇о ваа ход̇у, анад̇хидтаанубаг̇о ваа яад̇т̇а гад̇т̇ажи бад̇д̇з . т̇уубийгад̇аанийд̇и т̇уубам̣ вияа гад̇аани, ад̇хидтаанубаг̇асса бад̇д̇асса анд̇омукаваддилзкам̣ ад̇иггамид̇ваа гад̇аанийд̇и ад̇т̇о. ид̣̇ан̃жа ‘‘яаамагаалигаад̣̇ийний’’д̇и имасса васзна вуд̇д̇ам̣, ‘‘яаавагаалига’’нд̇и имасса бана васзна важанаб̣яад̇д̇аяам̣ гад̇ваа ‘‘т̇уубийгад̇амби ваддад̇ий’’д̇и яож̇зд̇аб̣б̣ам̣. би-сад̣̇д̣̇зна ат̇уубийгад̇аани вадданд̇ийд̇и зд̇т̇а гат̇аава над̇т̇ийд̇и д̣̇ассзд̇и. хздтаа орохад̇ийд̇и саманд̇аа огаасасаб̣бхаавад̇о жаалияамаанам̣ хздтаа бхассад̇и . д̇агголавадам̣сагаад̣̇аяод̇и зд̇т̇а мад̇т̇агз табид̇ад̇агголамзва вадам̣сагасад̣̇исад̇д̇аа д̇агголавадам̣сагам̣. аад̣̇исад̣̇д̣̇зна бубпавадам̣сагагадугапалаад̣̇ивадам̣сагаанам̣ (баажи. адта. 605) г̇ахан̣ам̣, на д̇ам̣ т̇уубийгад̇ам̣ наама ход̇и баадзггам̣ бхааж̇анад̇д̇аа бан̣н̣аад̣̇ийнам̣.
Samatittikanti bhāvanapuṃsakaniddeso, samatittikaṃ katvāti attho. Evamaññesupi īdisesu ṭhānesu attho daṭṭhabbo. Samapuṇṇanti (sārattha. ṭī. pācittiya 3.605) pattassa antomukhavaṭṭilekhāsamapuṇṇaṃ. Samabharitanti etthāpi eseva nayo. Tañca kho adhiṭṭhānupagapattasseva, netarassa. Tenāha ‘‘adhiṭṭhānupagapattassā’’tiādi. Racitanti kataṃ, pakkhittaṃ pūritanti attho. Yaṃ kiñci yāvakālikanti yāgubhattaphalāphalādiṃ yaṃ kiñci āmisajātikaṃ. Yattha katthacīti adhiṭṭhānupago vā hotu, anadhiṭṭhānupago vā yattha katthaci patte . Thūpīkatānīti thūpaṃ viya katāni, adhiṭṭhānupagassa pattassa antomukhavaṭṭilekhaṃ atikkamitvā katānīti attho. Idañca ‘‘yāmakālikādīnī’’ti imassa vasena vuttaṃ, ‘‘yāvakālika’’nti imassa pana vasena vacanabyattayaṃ katvā ‘‘thūpīkatampi vaṭṭatī’’ti yojetabbaṃ. Pi-saddena athūpīkatāni vaṭṭantīti ettha kathāva natthīti dasseti. Heṭṭhā orohatīti samantā okāsasabbhāvato cāliyamānaṃ heṭṭhā bhassati . Takkolavaṭaṃsakādayoti ettha matthake ṭhapitatakkolameva vaṭaṃsakasadisattā takkolavaṭaṃsakaṃ. Ādisaddena pupphavaṭaṃsakakaṭukaphalādivaṭaṃsakānaṃ (pāci. aṭṭha. 605) gahaṇaṃ, na taṃ thūpīkataṃ nāma hoti pāṭekkaṃ bhājanattā paṇṇādīnaṃ.
самад̇ид̇д̇игаад̣̇исигкаабад̣̇аван̣н̣анаа нидтид̇аа.
Samatittikādisikkhāpadavaṇṇanā niṭṭhitā.
