| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੩੦-੩੨. ਸਮਤਿਤ੍ਤਿਕਾਦਿਸਿਕ੍ਖਾਪਦવਣ੍ਣਨਾ
30-32. Samatittikādisikkhāpadavaṇṇanā
ਸਮਤਿਤ੍ਤਿਕਨ੍ਤਿ ਭਾવਨਪੁਂਸਕਨਿਦ੍ਦੇਸੋ, ਸਮਤਿਤ੍ਤਿਕਂ ਕਤ੍વਾਤਿ ਅਤ੍ਥੋ। ਏવਮਞ੍ਞੇਸੁਪਿ ਈਦਿਸੇਸੁ ਠਾਨੇਸੁ ਅਤ੍ਥੋ ਦਟ੍ਠਬ੍ਬੋ। ਸਮਪੁਣ੍ਣਨ੍ਤਿ (ਸਾਰਤ੍ਥ॰ ਟੀ॰ ਪਾਚਿਤ੍ਤਿਯ ੩.੬੦੫) ਪਤ੍ਤਸ੍ਸ ਅਨ੍ਤੋਮੁਖવਟ੍ਟਿਲੇਖਾਸਮਪੁਣ੍ਣਂ। ਸਮਭਰਿਤਨ੍ਤਿ ਏਤ੍ਥਾਪਿ ਏਸੇવ ਨਯੋ। ਤਞ੍ਚ ਖੋ ਅਧਿਟ੍ਠਾਨੁਪਗਪਤ੍ਤਸ੍ਸੇવ, ਨੇਤਰਸ੍ਸ। ਤੇਨਾਹ ‘‘ਅਧਿਟ੍ਠਾਨੁਪਗਪਤ੍ਤਸ੍ਸਾ’’ਤਿਆਦਿ। ਰਚਿਤਨ੍ਤਿ ਕਤਂ, ਪਕ੍ਖਿਤ੍ਤਂ ਪੂਰਿਤਨ੍ਤਿ ਅਤ੍ਥੋ। ਯਂ ਕਿਞ੍ਚਿ ਯਾવਕਾਲਿਕਨ੍ਤਿ ਯਾਗੁਭਤ੍ਤਫਲਾਫਲਾਦਿਂ ਯਂ ਕਿਞ੍ਚਿ ਆਮਿਸਜਾਤਿਕਂ। ਯਤ੍ਥ ਕਤ੍ਥਚੀਤਿ ਅਧਿਟ੍ਠਾਨੁਪਗੋ વਾ ਹੋਤੁ, ਅਨਧਿਟ੍ਠਾਨੁਪਗੋ વਾ ਯਤ੍ਥ ਕਤ੍ਥਚਿ ਪਤ੍ਤੇ । ਥੂਪੀਕਤਾਨੀਤਿ ਥੂਪਂ વਿਯ ਕਤਾਨਿ, ਅਧਿਟ੍ਠਾਨੁਪਗਸ੍ਸ ਪਤ੍ਤਸ੍ਸ ਅਨ੍ਤੋਮੁਖવਟ੍ਟਿਲੇਖਂ ਅਤਿਕ੍ਕਮਿਤ੍વਾ ਕਤਾਨੀਤਿ ਅਤ੍ਥੋ। ਇਦਞ੍ਚ ‘‘ਯਾਮਕਾਲਿਕਾਦੀਨੀ’’ਤਿ ਇਮਸ੍ਸ વਸੇਨ વੁਤ੍ਤਂ, ‘‘ਯਾવਕਾਲਿਕ’’ਨ੍ਤਿ ਇਮਸ੍ਸ ਪਨ વਸੇਨ વਚਨਬ੍ਯਤ੍ਤਯਂ ਕਤ੍વਾ ‘‘ਥੂਪੀਕਤਮ੍ਪਿ વਟ੍ਟਤੀ’’ਤਿ ਯੋਜੇਤਬ੍ਬਂ। ਪਿ-ਸਦ੍ਦੇਨ ਅਥੂਪੀਕਤਾਨਿ વਟ੍ਟਨ੍ਤੀਤਿ ਏਤ੍ਥ ਕਥਾવ ਨਤ੍ਥੀਤਿ ਦਸ੍ਸੇਤਿ। ਹੇਟ੍ਠਾ ਓਰੋਹਤੀਤਿ ਸਮਨ੍ਤਾ ਓਕਾਸਸਬ੍ਭਾવਤੋ ਚਾਲਿਯਮਾਨਂ ਹੇਟ੍ਠਾ ਭਸ੍ਸਤਿ । ਤਕ੍ਕੋਲવਟਂਸਕਾਦਯੋਤਿ ਏਤ੍ਥ ਮਤ੍ਥਕੇ ਠਪਿਤਤਕ੍ਕੋਲਮੇવ વਟਂਸਕਸਦਿਸਤ੍ਤਾ ਤਕ੍ਕੋਲવਟਂਸਕਂ। ਆਦਿਸਦ੍ਦੇਨ ਪੁਪ੍ਫવਟਂਸਕਕਟੁਕਫਲਾਦਿવਟਂਸਕਾਨਂ (ਪਾਚਿ॰ ਅਟ੍ਠ॰ ੬੦੫) ਗਹਣਂ, ਨ ਤਂ ਥੂਪੀਕਤਂ ਨਾਮ ਹੋਤਿ ਪਾਟੇਕ੍ਕਂ ਭਾਜਨਤ੍ਤਾ ਪਣ੍ਣਾਦੀਨਂ।
Samatittikanti bhāvanapuṃsakaniddeso, samatittikaṃ katvāti attho. Evamaññesupi īdisesu ṭhānesu attho daṭṭhabbo. Samapuṇṇanti (sārattha. ṭī. pācittiya 3.605) pattassa antomukhavaṭṭilekhāsamapuṇṇaṃ. Samabharitanti etthāpi eseva nayo. Tañca kho adhiṭṭhānupagapattasseva, netarassa. Tenāha ‘‘adhiṭṭhānupagapattassā’’tiādi. Racitanti kataṃ, pakkhittaṃ pūritanti attho. Yaṃ kiñci yāvakālikanti yāgubhattaphalāphalādiṃ yaṃ kiñci āmisajātikaṃ. Yattha katthacīti adhiṭṭhānupago vā hotu, anadhiṭṭhānupago vā yattha katthaci patte . Thūpīkatānīti thūpaṃ viya katāni, adhiṭṭhānupagassa pattassa antomukhavaṭṭilekhaṃ atikkamitvā katānīti attho. Idañca ‘‘yāmakālikādīnī’’ti imassa vasena vuttaṃ, ‘‘yāvakālika’’nti imassa pana vasena vacanabyattayaṃ katvā ‘‘thūpīkatampi vaṭṭatī’’ti yojetabbaṃ. Pi-saddena athūpīkatāni vaṭṭantīti ettha kathāva natthīti dasseti. Heṭṭhā orohatīti samantā okāsasabbhāvato cāliyamānaṃ heṭṭhā bhassati . Takkolavaṭaṃsakādayoti ettha matthake ṭhapitatakkolameva vaṭaṃsakasadisattā takkolavaṭaṃsakaṃ. Ādisaddena pupphavaṭaṃsakakaṭukaphalādivaṭaṃsakānaṃ (pāci. aṭṭha. 605) gahaṇaṃ, na taṃ thūpīkataṃ nāma hoti pāṭekkaṃ bhājanattā paṇṇādīnaṃ.
ਸਮਤਿਤ੍ਤਿਕਾਦਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Samatittikādisikkhāpadavaṇṇanā niṭṭhitā.
