| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. ஸமத்தஸுத்தங்
7. Samattasuttaṃ
393. தங்யேவ நிதா³னங். ஏகமந்தங் நிஸின்னோ கோ² ஆயஸ்மா ஸாரிபுத்தோ ஆயஸ்மந்தங் அனுருத்³த⁴ங் ஏதத³வோச – ‘‘‘அஸேகோ² , அஸேகோ²’தி, ஆவுஸோ அனுருத்³த⁴, வுச்சதி. கித்தாவதா நு கோ², ஆவுஸோ, அஸேகோ² ஹோதீ’’தி? ‘‘சதுன்னங் கோ², ஆவுஸோ, ஸதிபட்டா²னானங் ஸமத்தங் பா⁴விதத்தா அஸேகோ² ஹோதி’’.
393. Taṃyeva nidānaṃ. Ekamantaṃ nisinno kho āyasmā sāriputto āyasmantaṃ anuruddhaṃ etadavoca – ‘‘‘asekho , asekho’ti, āvuso anuruddha, vuccati. Kittāvatā nu kho, āvuso, asekho hotī’’ti? ‘‘Catunnaṃ kho, āvuso, satipaṭṭhānānaṃ samattaṃ bhāvitattā asekho hoti’’.
‘‘கதமேஸங் சதுன்னங்? இதா⁴வுஸோ, பி⁴க்கு² காயே காயானுபஸ்ஸீ விஹரதி ஆதாபீ ஸம்பஜானோ ஸதிமா, வினெய்ய லோகே அபி⁴ஜ்ஜா²தோ³மனஸ்ஸங்; வேத³னாஸு…பே॰… சித்தே…பே॰… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா, வினெய்ய லோகே அபி⁴ஜ்ஜா²தோ³மனஸ்ஸங். இமேஸங் கோ² , ஆவுஸோ, சதுன்னங் ஸதிபட்டா²னானங் ஸமத்தங் பா⁴விதத்தா அஸேகோ² ஹோதீ’’தி. ஸத்தமங்.
‘‘Katamesaṃ catunnaṃ? Idhāvuso, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Imesaṃ kho , āvuso, catunnaṃ satipaṭṭhānānaṃ samattaṃ bhāvitattā asekho hotī’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. ஸமத்தஸுத்தவண்ணனா • 7. Samattasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. ஸமத்தஸுத்தவண்ணனா • 7. Samattasuttavaṇṇanā
