| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. самад̇д̇асуд̇д̇ам̣
6. Samattasuttaṃ
818. ‘‘яз хи гзжи, бхигкавз, ад̇ийд̇амад̣̇д̇хаанам̣ саман̣аа ваа б̣раахман̣аа ваа самад̇д̇ам̣ ид̣̇д̇хим̣ абхинибпаад̣̇зсум̣, саб̣б̣з д̇з жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа. яз хи гзжи, бхигкавз, анааг̇ад̇амад̣̇д̇хаанам̣ саман̣аа ваа б̣раахман̣аа ваа самад̇д̇ам̣ ид̣̇д̇хим̣ абхинибпаад̣̇зссанд̇и, саб̣б̣з д̇з жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа. яз хи гзжи, бхигкавз, зд̇арахи саман̣аа ваа б̣раахман̣аа ваа самад̇д̇ам̣ ид̣̇д̇хим̣ абхинибпаад̣̇знд̇и , саб̣б̣з д̇з жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа.
818. ‘‘Ye hi keci, bhikkhave, atītamaddhānaṃ samaṇā vā brāhmaṇā vā samattaṃ iddhiṃ abhinipphādesuṃ, sabbe te catunnaṃ iddhipādānaṃ bhāvitattā bahulīkatattā. Ye hi keci, bhikkhave, anāgatamaddhānaṃ samaṇā vā brāhmaṇā vā samattaṃ iddhiṃ abhinipphādessanti, sabbe te catunnaṃ iddhipādānaṃ bhāvitattā bahulīkatattā. Ye hi keci, bhikkhave, etarahi samaṇā vā brāhmaṇā vā samattaṃ iddhiṃ abhinipphādenti , sabbe te catunnaṃ iddhipādānaṃ bhāvitattā bahulīkatattā.
‘‘гад̇амзсам̣ жад̇уннам̣? ид̇ха, бхигкавз, бхигку чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, вийрияасамаад̇хи…бз… жид̇д̇асамаад̇хи…бз… виймам̣саасамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. яз хи гзжи, бхигкавз, ад̇ийд̇амад̣̇д̇хаанам̣ саман̣аа ваа б̣раахман̣аа ваа самад̇д̇ам̣ ид̣̇д̇хим̣ абхинибпаад̣̇зсум̣, саб̣б̣з д̇з имзсам̣язва жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа. яз хи гзжи, бхигкавз, анааг̇ад̇амад̣̇д̇хаанам̣ саман̣аа ваа б̣раахман̣аа ваа самад̇д̇ам̣ ид̣̇д̇хим̣ абхинибпаад̣̇зссанд̇и, саб̣б̣з д̇з имзсам̣язва жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа. яз хи гзжи, бхигкавз, зд̇арахи саман̣аа ваа б̣раахман̣аа ваа самад̇д̇ам̣ ид̣̇д̇хим̣ абхинибпаад̣̇знд̇и, саб̣б̣з д̇з имзсам̣язва жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа’’д̇и. чадтам̣.
‘‘Katamesaṃ catunnaṃ? Idha, bhikkhave, bhikkhu chandasamādhippadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi…pe… vīmaṃsāsamādhippadhānasaṅkhārasamannāgataṃ iddhipādaṃ bhāveti. Ye hi keci, bhikkhave, atītamaddhānaṃ samaṇā vā brāhmaṇā vā samattaṃ iddhiṃ abhinipphādesuṃ, sabbe te imesaṃyeva catunnaṃ iddhipādānaṃ bhāvitattā bahulīkatattā. Ye hi keci, bhikkhave, anāgatamaddhānaṃ samaṇā vā brāhmaṇā vā samattaṃ iddhiṃ abhinipphādessanti, sabbe te imesaṃyeva catunnaṃ iddhipādānaṃ bhāvitattā bahulīkatattā. Ye hi keci, bhikkhave, etarahi samaṇā vā brāhmaṇā vā samattaṃ iddhiṃ abhinipphādenti, sabbe te imesaṃyeva catunnaṃ iddhipādānaṃ bhāvitattā bahulīkatattā’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. самад̇д̇асуд̇д̇аван̣н̣анаа • 6. Samattasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. самад̇д̇асуд̇д̇аван̣н̣анаа • 6. Samattasuttavaṇṇanā
