| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. සමත්‌තසුත්‌තං
6. Samattasuttaṃ
818. ‘‘යෙ හි කෙචි, භික්‌ඛවෙ, අතීතමද්‌ධානං සමණා වා බ්‍රාහ්‌මණා වා සමත්‌තං ඉද්‌ධිං අභිනිප්‌ඵාදෙසුං, සබ්‌බෙ තෙ චතුන්‌නං ඉද්‌ධිපාදානං භාවිතත්‌තා බහුලීකතත්‌තා. යෙ හි කෙචි, භික්‌ඛවෙ, අනාගතමද්‌ධානං සමණා වා බ්‍රාහ්‌මණා වා සමත්‌තං ඉද්‌ධිං අභිනිප්‌ඵාදෙස්‌සන්‌ති, සබ්‌බෙ තෙ චතුන්‌නං ඉද්‌ධිපාදානං භාවිතත්‌තා බහුලීකතත්‌තා. යෙ හි කෙචි, භික්‌ඛවෙ, එතරහි සමණා වා බ්‍රාහ්‌මණා වා සමත්‌තං ඉද්‌ධිං අභිනිප්‌ඵාදෙන්‌ති , සබ්‌බෙ තෙ චතුන්‌නං ඉද්‌ධිපාදානං භාවිතත්‌තා බහුලීකතත්‌තා.
818. ‘‘Ye hi keci, bhikkhave, atītamaddhānaṃ samaṇā vā brāhmaṇā vā samattaṃ iddhiṃ abhinipphādesuṃ, sabbe te catunnaṃ iddhipādānaṃ bhāvitattā bahulīkatattā. Ye hi keci, bhikkhave, anāgatamaddhānaṃ samaṇā vā brāhmaṇā vā samattaṃ iddhiṃ abhinipphādessanti, sabbe te catunnaṃ iddhipādānaṃ bhāvitattā bahulīkatattā. Ye hi keci, bhikkhave, etarahi samaṇā vā brāhmaṇā vā samattaṃ iddhiṃ abhinipphādenti , sabbe te catunnaṃ iddhipādānaṃ bhāvitattā bahulīkatattā.
‘‘කතමෙසං චතුන්‌නං? ඉධ, භික්‌ඛවෙ, භික්‌ඛු ඡන්‌දසමාධිප්‌පධානසඞ්‌ඛාරසමන්‌නාගතං ඉද්‌ධිපාදං භාවෙති, වීරියසමාධි…පෙ.… චිත්‌තසමාධි…පෙ.… වීමංසාසමාධිප්‌පධානසඞ්‌ඛාරසමන්‌නාගතං ඉද්‌ධිපාදං භාවෙති. යෙ හි කෙචි, භික්‌ඛවෙ, අතීතමද්‌ධානං සමණා වා බ්‍රාහ්‌මණා වා සමත්‌තං ඉද්‌ධිං අභිනිප්‌ඵාදෙසුං, සබ්‌බෙ තෙ ඉමෙසංයෙව චතුන්‌නං ඉද්‌ධිපාදානං භාවිතත්‌තා බහුලීකතත්‌තා. යෙ හි කෙචි, භික්‌ඛවෙ, අනාගතමද්‌ධානං සමණා වා බ්‍රාහ්‌මණා වා සමත්‌තං ඉද්‌ධිං අභිනිප්‌ඵාදෙස්‌සන්‌ති, සබ්‌බෙ තෙ ඉමෙසංයෙව චතුන්‌නං ඉද්‌ධිපාදානං භාවිතත්‌තා බහුලීකතත්‌තා. යෙ හි කෙචි, භික්‌ඛවෙ, එතරහි සමණා වා බ්‍රාහ්‌මණා වා සමත්‌තං ඉද්‌ධිං අභිනිප්‌ඵාදෙන්‌ති, සබ්‌බෙ තෙ ඉමෙසංයෙව චතුන්‌නං ඉද්‌ධිපාදානං භාවිතත්‌තා බහුලීකතත්‌තා’’ති. ඡට්‌ඨං.
‘‘Katamesaṃ catunnaṃ? Idha, bhikkhave, bhikkhu chandasamādhippadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi…pe… vīmaṃsāsamādhippadhānasaṅkhārasamannāgataṃ iddhipādaṃ bhāveti. Ye hi keci, bhikkhave, atītamaddhānaṃ samaṇā vā brāhmaṇā vā samattaṃ iddhiṃ abhinipphādesuṃ, sabbe te imesaṃyeva catunnaṃ iddhipādānaṃ bhāvitattā bahulīkatattā. Ye hi keci, bhikkhave, anāgatamaddhānaṃ samaṇā vā brāhmaṇā vā samattaṃ iddhiṃ abhinipphādessanti, sabbe te imesaṃyeva catunnaṃ iddhipādānaṃ bhāvitattā bahulīkatattā. Ye hi keci, bhikkhave, etarahi samaṇā vā brāhmaṇā vā samattaṃ iddhiṃ abhinipphādenti, sabbe te imesaṃyeva catunnaṃ iddhipādānaṃ bhāvitattā bahulīkatattā’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. සමත්‌තසුත්‌තවණ්‌ණනා • 6. Samattasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. සමත්‌තසුත්‌තවණ්‌ණනා • 6. Samattasuttavaṇṇanā
