| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
209. самад̇д̇им̣савирзжанагат̇аа
209. Samattiṃsavirecanakathā
336. д̇зна ко бана самаязна бхаг̇авад̇о гааяо д̣̇осаабхисанно ход̇и. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘д̣̇осаабхисанно ко, аананд̣̇а, д̇ат̇ааг̇ад̇асса гааяо. ижчад̇и д̇ат̇ааг̇ад̇о вирзжанам̣ баад̇у’’нд̇и. ат̇а ко ааяасмаа аананд̣̇о язна ж̇ийваго гомаарабхажжо д̇знубасан̇гами; убасан̇гамид̇ваа ж̇ийвагам̣ гомаарабхажжам̣ зд̇ад̣̇авожа – ‘‘д̣̇осаабхисанно ко, аавусо ж̇ийвага, д̇ат̇ааг̇ад̇асса гааяо. ижчад̇и д̇ат̇ааг̇ад̇о вирзжанам̣ баад̇у’’нд̇и. ‘‘д̇зна хи, бханд̇з аананд̣̇а, бхаг̇авад̇о гааяам̣ гад̇ибаахам̣ синзхзт̇аа’’д̇и. ат̇а ко ааяасмаа аананд̣̇о бхаг̇авад̇о гааяам̣ гад̇ибаахам̣ синзхзд̇ваа язна ж̇ийваго гомаарабхажжо д̇знубасан̇гами; убасан̇гамид̇ваа ж̇ийвагам̣ гомаарабхажжам̣ зд̇ад̣̇авожа – ‘‘синид̣̇д̇хо ко, аавусо ж̇ийвага, д̇ат̇ааг̇ад̇асса гааяо. яасса д̣̇аани гаалам̣ ман̃н̃асий’’д̇и. ат̇а ко ж̇ийвагасса гомаарабхажжасса зд̇ад̣̇ахоси – ‘‘на ко мзд̇ам̣ бад̇ируубам̣ яохам̣ бхаг̇авад̇о ол̣ааригам̣ вирзжанам̣ д̣̇ад̣̇зяяа’’нд̇и. д̇ийн̣и уббалахад̇т̇аани наанаабхзсаж̇ж̇зхи барибхаавзд̇ваа язна бхаг̇аваа д̇знубасан̇гами, убасан̇гамид̇ваа згам̣ уббалахад̇т̇ам̣ бхаг̇авад̇о убанаамзси – ‘‘имам̣, бханд̇з, бхаг̇аваа батамам̣ уббалахад̇т̇ам̣ убасин̇гхад̇у. ид̣̇ам̣ бхаг̇аванд̇ам̣ д̣̇асагкад̇д̇ум̣ вирзжзссад̇ий’’д̇и. д̣̇уд̇ияам̣ уббалахад̇т̇ам̣ бхаг̇авад̇о убанаамзси – ‘‘имам̣, бханд̇з, бхаг̇аваа д̣̇уд̇ияам̣ уббалахад̇т̇ам̣ убасин̇гхад̇у. ид̣̇ам̣ бхаг̇аванд̇ам̣ д̣̇асагкад̇д̇ум̣ вирзжзссад̇ий’’д̇и. д̇ад̇ияам̣ уббалахад̇т̇ам̣ бхаг̇авад̇о убанаамзси – ‘‘имам̣, бханд̇з , бхаг̇аваа д̇ад̇ияам̣ уббалахад̇т̇ам̣ убасин̇гхад̇у. ид̣̇ам̣ бхаг̇аванд̇ам̣ д̣̇асагкад̇д̇ум̣ вирзжзссад̇ий’’д̇и . звам̣ бхаг̇авад̇о самад̇д̇им̣сааяа вирзжанам̣ бхависсад̇ийд̇и. ат̇а ко ж̇ийваго гомаарабхажжо бхаг̇авад̇о самад̇д̇им̣сааяа вирзжанам̣ д̣̇ад̇ваа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко ж̇ийвагасса гомаарабхажжасса б̣ахи д̣̇ваарагодтагаа нигканд̇асса зд̇ад̣̇ахоси – ‘‘маяаа ко бхаг̇авад̇о самад̇д̇им̣сааяа вирзжанам̣ д̣̇иннам̣. д̣̇осаабхисанно д̇ат̇ааг̇ад̇асса гааяо . на бхаг̇аванд̇ам̣ самад̇д̇им̣сагкад̇д̇ум̣ вирзжзссад̇и, згуунад̇д̇им̣сагкад̇д̇ум̣ бхаг̇аванд̇ам̣ вирзжзссад̇и. аби жа, бхаг̇аваа вирид̇д̇о нахааяиссад̇и. нахаад̇ам̣ бхаг̇аванд̇ам̣ сагим̣ вирзжзссад̇и. звам̣ бхаг̇авад̇о самад̇д̇им̣сааяа вирзжанам̣ бхависсад̇ий’’д̇и.
336. Tena kho pana samayena bhagavato kāyo dosābhisanno hoti. Atha kho bhagavā āyasmantaṃ ānandaṃ āmantesi – ‘‘dosābhisanno kho, ānanda, tathāgatassa kāyo. Icchati tathāgato virecanaṃ pātu’’nti. Atha kho āyasmā ānando yena jīvako komārabhacco tenupasaṅkami; upasaṅkamitvā jīvakaṃ komārabhaccaṃ etadavoca – ‘‘dosābhisanno kho, āvuso jīvaka, tathāgatassa kāyo. Icchati tathāgato virecanaṃ pātu’’nti. ‘‘Tena hi, bhante ānanda, bhagavato kāyaṃ katipāhaṃ sinehethā’’ti. Atha kho āyasmā ānando bhagavato kāyaṃ katipāhaṃ sinehetvā yena jīvako komārabhacco tenupasaṅkami; upasaṅkamitvā jīvakaṃ komārabhaccaṃ etadavoca – ‘‘siniddho kho, āvuso jīvaka, tathāgatassa kāyo. Yassa dāni kālaṃ maññasī’’ti. Atha kho jīvakassa komārabhaccassa etadahosi – ‘‘na kho metaṃ patirūpaṃ yohaṃ bhagavato oḷārikaṃ virecanaṃ dadeyya’’nti. Tīṇi uppalahatthāni nānābhesajjehi paribhāvetvā yena bhagavā tenupasaṅkami, upasaṅkamitvā ekaṃ uppalahatthaṃ bhagavato upanāmesi – ‘‘imaṃ, bhante, bhagavā paṭhamaṃ uppalahatthaṃ upasiṅghatu. Idaṃ bhagavantaṃ dasakkhattuṃ virecessatī’’ti. Dutiyaṃ uppalahatthaṃ bhagavato upanāmesi – ‘‘imaṃ, bhante, bhagavā dutiyaṃ uppalahatthaṃ upasiṅghatu. Idaṃ bhagavantaṃ dasakkhattuṃ virecessatī’’ti. Tatiyaṃ uppalahatthaṃ bhagavato upanāmesi – ‘‘imaṃ, bhante , bhagavā tatiyaṃ uppalahatthaṃ upasiṅghatu. Idaṃ bhagavantaṃ dasakkhattuṃ virecessatī’’ti . Evaṃ bhagavato samattiṃsāya virecanaṃ bhavissatīti. Atha kho jīvako komārabhacco bhagavato samattiṃsāya virecanaṃ datvā bhagavantaṃ abhivādetvā padakkhiṇaṃ katvā pakkāmi. Atha kho jīvakassa komārabhaccassa bahi dvārakoṭṭhakā nikkhantassa etadahosi – ‘‘mayā kho bhagavato samattiṃsāya virecanaṃ dinnaṃ. Dosābhisanno tathāgatassa kāyo . Na bhagavantaṃ samattiṃsakkhattuṃ virecessati, ekūnattiṃsakkhattuṃ bhagavantaṃ virecessati. Api ca, bhagavā viritto nahāyissati. Nahātaṃ bhagavantaṃ sakiṃ virecessati. Evaṃ bhagavato samattiṃsāya virecanaṃ bhavissatī’’ti.
ат̇а ко бхаг̇аваа ж̇ийвагасса гомаарабхажжасса жзд̇асаа жзд̇обаривид̇аггаман̃н̃ааяа ааяасманд̇ам̣ аананд̣̇ам̣ ааманд̇зси – ‘‘ид̇хаананд̣̇а, ж̇ийвагасса гомаарабхажжасса б̣ахи д̣̇ваарагодтагаа нигканд̇асса зд̇ад̣̇ахоси – ‘маяаа ко бхаг̇авад̇о самад̇д̇им̣сааяа вирзжанам̣ д̣̇иннам̣. д̣̇осаабхисанно д̇ат̇ааг̇ад̇асса гааяо. на бхаг̇аванд̇ам̣ самад̇им̣сагкад̇д̇ум̣ вирзжзссад̇и, згуунад̇им̣сагкад̇д̇ум̣ бхаг̇аванд̇ам̣ вирзжзссад̇и. аби жа, бхаг̇аваа вирид̇д̇о нахааяиссад̇и. нахаад̇ам̣ бхаг̇аванд̇ам̣ сагим̣ вирзжзссад̇и. звам̣ бхаг̇авад̇о самад̇д̇им̣сааяа вирзжанам̣ бхависсад̇ий’д̇и. д̇зна хаананд̣̇а, ун̣ход̣̇агам̣ бадияаад̣̇зхий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссун̣ид̇ваа ун̣ход̣̇агам̣ бадияаад̣̇зси.
Atha kho bhagavā jīvakassa komārabhaccassa cetasā cetoparivitakkamaññāya āyasmantaṃ ānandaṃ āmantesi – ‘‘idhānanda, jīvakassa komārabhaccassa bahi dvārakoṭṭhakā nikkhantassa etadahosi – ‘mayā kho bhagavato samattiṃsāya virecanaṃ dinnaṃ. Dosābhisanno tathāgatassa kāyo. Na bhagavantaṃ samatiṃsakkhattuṃ virecessati, ekūnatiṃsakkhattuṃ bhagavantaṃ virecessati. Api ca, bhagavā viritto nahāyissati. Nahātaṃ bhagavantaṃ sakiṃ virecessati. Evaṃ bhagavato samattiṃsāya virecanaṃ bhavissatī’ti. Tena hānanda, uṇhodakaṃ paṭiyādehī’’ti. ‘‘Evaṃ, bhante’’ti kho āyasmā ānando bhagavato paṭissuṇitvā uṇhodakaṃ paṭiyādesi.
ат̇а ко ж̇ийваго гомаарабхажжо язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ж̇ийваго гомаарабхажжо бхаг̇аванд̇ам̣ зд̇ад̣̇авожа – ‘‘вирид̇д̇о, бханд̇з, бхаг̇аваа’’д̇и? ‘‘вирид̇д̇омхи, ж̇ийвагаа’’д̇и. ид̇ха маяхам̣, бханд̇з, б̣ахи д̣̇ваарагодтагаа нигканд̇асса зд̇ад̣̇ахоси – ‘‘маяаа ко бхаг̇авад̇о самад̇д̇им̣сааяа вирзжанам̣ д̣̇иннам̣. д̣̇осаабхисанно д̇ат̇ааг̇ад̇асса гааяо. на бхаг̇аванд̇ам̣ самад̇д̇им̣сагкад̇д̇ум̣ вирзжзссад̇и, згуунад̇д̇им̣сагкад̇д̇ум̣ бхаг̇аванд̇ам̣ вирзжзссад̇и. аби жа, бхаг̇аваа вирид̇д̇о нахааяиссад̇и. нахаад̇ам̣ бхаг̇аванд̇ам̣ сагим̣ вирзжзссад̇и. звам̣ бхаг̇авад̇о самад̇д̇им̣сааяа вирзжанам̣ бхависсад̇ий’’д̇и. нахааяад̇у, бханд̇з, бхаг̇аваа, нахааяад̇у суг̇ад̇од̇и. ат̇а ко бхаг̇аваа ун̣ход̣̇агам̣ нахааяи. нахаад̇ам̣ бхаг̇аванд̇ам̣ сагим̣ вирзжзси. звам̣ бхаг̇авад̇о самад̇д̇им̣сааяа вирзжанам̣ ахоси. ат̇а ко ж̇ийваго гомаарабхажжо бхаг̇аванд̇ам̣ зд̇ад̣̇авожа – ‘‘яаава, бханд̇з, бхаг̇авад̇о гааяо багад̇ад̇д̇о ход̇и, алам̣ 1 яуусабин̣д̣абаад̇знаа’’д̇и.
Atha kho jīvako komārabhacco yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho jīvako komārabhacco bhagavantaṃ etadavoca – ‘‘viritto, bhante, bhagavā’’ti? ‘‘Virittomhi, jīvakā’’ti. Idha mayhaṃ, bhante, bahi dvārakoṭṭhakā nikkhantassa etadahosi – ‘‘mayā kho bhagavato samattiṃsāya virecanaṃ dinnaṃ. Dosābhisanno tathāgatassa kāyo. Na bhagavantaṃ samattiṃsakkhattuṃ virecessati, ekūnattiṃsakkhattuṃ bhagavantaṃ virecessati. Api ca, bhagavā viritto nahāyissati. Nahātaṃ bhagavantaṃ sakiṃ virecessati. Evaṃ bhagavato samattiṃsāya virecanaṃ bhavissatī’’ti. Nahāyatu, bhante, bhagavā, nahāyatu sugatoti. Atha kho bhagavā uṇhodakaṃ nahāyi. Nahātaṃ bhagavantaṃ sakiṃ virecesi. Evaṃ bhagavato samattiṃsāya virecanaṃ ahosi. Atha kho jīvako komārabhacco bhagavantaṃ etadavoca – ‘‘yāva, bhante, bhagavato kāyo pakatatto hoti, alaṃ 2 yūsapiṇḍapātenā’’ti.
самад̇д̇им̣савирзжанагат̇аа нидтид̇аа.
Samattiṃsavirecanakathā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / самад̇д̇им̣савирзжанагат̇аа • Samattiṃsavirecanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баж̇ж̇од̇арааж̇авад̇т̇угат̇аад̣̇иван̣н̣анаа • Pajjotarājavatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / самад̇д̇им̣савирзжанагат̇ааван̣н̣анаа • Samattiṃsavirecanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 209. самад̇д̇им̣савирзжанагат̇аа • 209. Samattiṃsavirecanakathā
