| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๒๐๙. สมตฺติํสวิเรจนกถา
209. Samattiṃsavirecanakathā
๓๓๖. กิํปนาติ เอตฺถ กิํสโทฺท อนิยมโตฺถฯ ลูโข กิํ, น ลูโข กินฺติ หิ อโตฺถฯ ‘‘สิเนหปานํ ปน เตเมตี’’ติ จ ‘‘กโรตี’’ติ จ สมฺพโนฺธฯ สพฺพตฺถาติ สกลกาเยฯ สิราติ กณฺฑราฯ อยนฺติ ชีวโกฯ โอฬาริกโทสหรณตฺถนฺติ โอฬาริกสฺส โทสสฺส อปนยนตฺถํฯ ปกตเตฺตติ ปกติสงฺขาเต สภาเว สตีติ สมฺพโนฺธฯ ภควา ภเนฺตติ โยชนาฯ กุโตติ กสฺส สนฺติกาฯ วฎฺฎติ นุ โขติ จิเนฺตสีติ โยชนาฯ ตโตติ จินฺตนโตฯ โสโณติ โกฬิวีสโสโณ, ภุญฺชตีติ สมฺพโนฺธฯ ตโตติ โสณสฺส สนฺติกาฯ ตสฺสาติ โสณสฺสฯ โสติ โสโณฯ เถรสฺสาติ โมคฺคลฺลานเตฺถรสฺสฯ อิทํ ‘‘ปตฺต’’นฺติปเท สามี, ‘‘อทาสี’’ติ ปเท สมฺปทานํฯ อญฺญํ ปิณฺฑปาตนฺติ สมฺพโนฺธฯ
336.Kiṃpanāti ettha kiṃsaddo aniyamattho. Lūkho kiṃ, na lūkho kinti hi attho. ‘‘Sinehapānaṃ pana temetī’’ti ca ‘‘karotī’’ti ca sambandho. Sabbatthāti sakalakāye. Sirāti kaṇḍarā. Ayanti jīvako. Oḷārikadosaharaṇatthanti oḷārikassa dosassa apanayanatthaṃ. Pakatatteti pakatisaṅkhāte sabhāve satīti sambandho. Bhagavā bhanteti yojanā. Kutoti kassa santikā. Vaṭṭati nu khoti cintesīti yojanā. Tatoti cintanato. Soṇoti koḷivīsasoṇo, bhuñjatīti sambandho. Tatoti soṇassa santikā. Tassāti soṇassa. Soti soṇo. Therassāti moggallānattherassa. Idaṃ ‘‘patta’’ntipade sāmī, ‘‘adāsī’’ti pade sampadānaṃ. Aññaṃ piṇḍapātanti sambandho.
ราชาปิ โข ภุญฺชิตุกาโม อโหสีติ สมฺพโนฺธฯ ยญฺจ สุชาตา อทาสิ, ยญฺจ ปรินิพฺพานกาเล จุโนฺท กมฺมารปุโตฺต, ภาชนคเตสุ ทฺวีสุเยว เตสุ ปิณฺฑปาเตสุ เทวตา โอชํ ปกฺขิปนฺตีติ โยชนาฯ อเญฺญสูติ ทฺวีหิ ปิณฺฑปาเตหิ อเญฺญสุฯ อิจฺฉนฺติ รุจิํฯ โสติ พิมฺพิสาโร ราชาฯ ตเววาติ ตุยฺหเมวฯ ตนฺติ ภควโต วจนํฯ ราชา อกาสีติ สมฺพโนฺธฯ เตติ อสีติกุลปุตฺตสหสฺสาฯ เอตทตฺถเมวาติ โสณสฺส อรหเตฺต ปติฎฺฐาปนตฺถเมว, น รโญฺญ อนุคฺคหตฺถนฺติ อธิปฺปาโยฯ
Rājāpi kho bhuñjitukāmo ahosīti sambandho. Yañca sujātā adāsi, yañca parinibbānakāle cundo kammāraputto, bhājanagatesu dvīsuyeva tesu piṇḍapātesu devatā ojaṃ pakkhipantīti yojanā. Aññesūti dvīhi piṇḍapātehi aññesu. Icchanti ruciṃ. Soti bimbisāro rājā. Tavevāti tuyhameva. Tanti bhagavato vacanaṃ. Rājā akāsīti sambandho. Teti asītikulaputtasahassā. Etadatthamevāti soṇassa arahatte patiṭṭhāpanatthameva, na rañño anuggahatthanti adhippāyo.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๒๐๙. สมตฺติํสวิเรจนกถา • 209. Samattiṃsavirecanakathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / สมตฺติํสวิเรจนกถา • Samattiṃsavirecanakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปโชฺชตราชวตฺถุกถาทิวณฺณนา • Pajjotarājavatthukathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / สมตฺติํสวิเรจนกถาวณฺณนา • Samattiṃsavirecanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ชีวกวตฺถุกถาทิวณฺณนา • Jīvakavatthukathādivaṇṇanā
