| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨੦੯. ਸਮਤ੍ਤਿਂਸવਿਰੇਚਨਕਥਾ
209. Samattiṃsavirecanakathā
੩੩੬. ਕਿਂਪਨਾਤਿ ਏਤ੍ਥ ਕਿਂਸਦ੍ਦੋ ਅਨਿਯਮਤ੍ਥੋ। ਲੂਖੋ ਕਿਂ, ਨ ਲੂਖੋ ਕਿਨ੍ਤਿ ਹਿ ਅਤ੍ਥੋ। ‘‘ਸਿਨੇਹਪਾਨਂ ਪਨ ਤੇਮੇਤੀ’’ਤਿ ਚ ‘‘ਕਰੋਤੀ’’ਤਿ ਚ ਸਮ੍ਬਨ੍ਧੋ। ਸਬ੍ਬਤ੍ਥਾਤਿ ਸਕਲਕਾਯੇ। ਸਿਰਾਤਿ ਕਣ੍ਡਰਾ। ਅਯਨ੍ਤਿ ਜੀવਕੋ। ਓਲ਼ਾਰਿਕਦੋਸਹਰਣਤ੍ਥਨ੍ਤਿ ਓਲ਼ਾਰਿਕਸ੍ਸ ਦੋਸਸ੍ਸ ਅਪਨਯਨਤ੍ਥਂ। ਪਕਤਤ੍ਤੇਤਿ ਪਕਤਿਸਙ੍ਖਾਤੇ ਸਭਾવੇ ਸਤੀਤਿ ਸਮ੍ਬਨ੍ਧੋ। ਭਗવਾ ਭਨ੍ਤੇਤਿ ਯੋਜਨਾ। ਕੁਤੋਤਿ ਕਸ੍ਸ ਸਨ੍ਤਿਕਾ। વਟ੍ਟਤਿ ਨੁ ਖੋਤਿ ਚਿਨ੍ਤੇਸੀਤਿ ਯੋਜਨਾ। ਤਤੋਤਿ ਚਿਨ੍ਤਨਤੋ। ਸੋਣੋਤਿ ਕੋਲ਼ਿવੀਸਸੋਣੋ, ਭੁਞ੍ਜਤੀਤਿ ਸਮ੍ਬਨ੍ਧੋ। ਤਤੋਤਿ ਸੋਣਸ੍ਸ ਸਨ੍ਤਿਕਾ। ਤਸ੍ਸਾਤਿ ਸੋਣਸ੍ਸ। ਸੋਤਿ ਸੋਣੋ। ਥੇਰਸ੍ਸਾਤਿ ਮੋਗ੍ਗਲ੍ਲਾਨਤ੍ਥੇਰਸ੍ਸ। ਇਦਂ ‘‘ਪਤ੍ਤ’’ਨ੍ਤਿਪਦੇ ਸਾਮੀ, ‘‘ਅਦਾਸੀ’’ਤਿ ਪਦੇ ਸਮ੍ਪਦਾਨਂ। ਅਞ੍ਞਂ ਪਿਣ੍ਡਪਾਤਨ੍ਤਿ ਸਮ੍ਬਨ੍ਧੋ।
336.Kiṃpanāti ettha kiṃsaddo aniyamattho. Lūkho kiṃ, na lūkho kinti hi attho. ‘‘Sinehapānaṃ pana temetī’’ti ca ‘‘karotī’’ti ca sambandho. Sabbatthāti sakalakāye. Sirāti kaṇḍarā. Ayanti jīvako. Oḷārikadosaharaṇatthanti oḷārikassa dosassa apanayanatthaṃ. Pakatatteti pakatisaṅkhāte sabhāve satīti sambandho. Bhagavā bhanteti yojanā. Kutoti kassa santikā. Vaṭṭati nu khoti cintesīti yojanā. Tatoti cintanato. Soṇoti koḷivīsasoṇo, bhuñjatīti sambandho. Tatoti soṇassa santikā. Tassāti soṇassa. Soti soṇo. Therassāti moggallānattherassa. Idaṃ ‘‘patta’’ntipade sāmī, ‘‘adāsī’’ti pade sampadānaṃ. Aññaṃ piṇḍapātanti sambandho.
ਰਾਜਾਪਿ ਖੋ ਭੁਞ੍ਜਿਤੁਕਾਮੋ ਅਹੋਸੀਤਿ ਸਮ੍ਬਨ੍ਧੋ। ਯਞ੍ਚ ਸੁਜਾਤਾ ਅਦਾਸਿ, ਯਞ੍ਚ ਪਰਿਨਿਬ੍ਬਾਨਕਾਲੇ ਚੁਨ੍ਦੋ ਕਮ੍ਮਾਰਪੁਤ੍ਤੋ, ਭਾਜਨਗਤੇਸੁ ਦ੍વੀਸੁਯੇવ ਤੇਸੁ ਪਿਣ੍ਡਪਾਤੇਸੁ ਦੇવਤਾ ਓਜਂ ਪਕ੍ਖਿਪਨ੍ਤੀਤਿ ਯੋਜਨਾ। ਅਞ੍ਞੇਸੂਤਿ ਦ੍વੀਹਿ ਪਿਣ੍ਡਪਾਤੇਹਿ ਅਞ੍ਞੇਸੁ। ਇਚ੍ਛਨ੍ਤਿ ਰੁਚਿਂ। ਸੋਤਿ ਬਿਮ੍ਬਿਸਾਰੋ ਰਾਜਾ। ਤવੇવਾਤਿ ਤੁਯ੍ਹਮੇવ। ਤਨ੍ਤਿ ਭਗવਤੋ વਚਨਂ। ਰਾਜਾ ਅਕਾਸੀਤਿ ਸਮ੍ਬਨ੍ਧੋ। ਤੇਤਿ ਅਸੀਤਿਕੁਲਪੁਤ੍ਤਸਹਸ੍ਸਾ। ਏਤਦਤ੍ਥਮੇવਾਤਿ ਸੋਣਸ੍ਸ ਅਰਹਤ੍ਤੇ ਪਤਿਟ੍ਠਾਪਨਤ੍ਥਮੇવ, ਨ ਰਞ੍ਞੋ ਅਨੁਗ੍ਗਹਤ੍ਥਨ੍ਤਿ ਅਧਿਪ੍ਪਾਯੋ।
Rājāpi kho bhuñjitukāmo ahosīti sambandho. Yañca sujātā adāsi, yañca parinibbānakāle cundo kammāraputto, bhājanagatesu dvīsuyeva tesu piṇḍapātesu devatā ojaṃ pakkhipantīti yojanā. Aññesūti dvīhi piṇḍapātehi aññesu. Icchanti ruciṃ. Soti bimbisāro rājā. Tavevāti tuyhameva. Tanti bhagavato vacanaṃ. Rājā akāsīti sambandho. Teti asītikulaputtasahassā. Etadatthamevāti soṇassa arahatte patiṭṭhāpanatthameva, na rañño anuggahatthanti adhippāyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੦੯. ਸਮਤ੍ਤਿਂਸવਿਰੇਚਨਕਥਾ • 209. Samattiṃsavirecanakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸਮਤ੍ਤਿਂਸવਿਰੇਚਨਕਥਾ • Samattiṃsavirecanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਜ੍ਜੋਤਰਾਜવਤ੍ਥੁਕਥਾਦਿવਣ੍ਣਨਾ • Pajjotarājavatthukathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਮਤ੍ਤਿਂਸવਿਰੇਚਨਕਥਾવਣ੍ਣਨਾ • Samattiṃsavirecanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਜੀવਕવਤ੍ਥੁਕਥਾਦਿવਣ੍ਣਨਾ • Jīvakavatthukathādivaṇṇanā
