| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. самаяасуд̇д̇ам̣
4. Samayasuttaṃ
54. ‘‘бан̃жимз , бхигкавз, асамаяаа бад̇хаанааяа. гад̇амз бан̃жа? ид̇ха , бхигкавз, бхигку ж̇ин̣н̣о ход̇и ж̇арааяаабхибхууд̇о. аяам̣, бхигкавз, батамо асамаяо бад̇хаанааяа.
54. ‘‘Pañcime , bhikkhave, asamayā padhānāya. Katame pañca? Idha , bhikkhave, bhikkhu jiṇṇo hoti jarāyābhibhūto. Ayaṃ, bhikkhave, paṭhamo asamayo padhānāya.
‘‘буна жабарам̣, бхигкавз, бхигку б̣яаад̇хид̇о ход̇и б̣яаад̇хинаабхибхууд̇о. аяам̣, бхигкавз, д̣̇уд̇ияо асамаяо бад̇хаанааяа.
‘‘Puna caparaṃ, bhikkhave, bhikkhu byādhito hoti byādhinābhibhūto. Ayaṃ, bhikkhave, dutiyo asamayo padhānāya.
‘‘буна жабарам̣, бхигкавз, д̣̇уб̣бхигкам̣ ход̇и д̣̇уссассам̣ д̣̇уллабхабин̣д̣ам̣, на сугарам̣ ун̃чзна баг̇г̇ахзна яаабзд̇ум̣. аяам̣, бхигкавз, д̇ад̇ияо асамаяо бад̇хаанааяа.
‘‘Puna caparaṃ, bhikkhave, dubbhikkhaṃ hoti dussassaṃ dullabhapiṇḍaṃ, na sukaraṃ uñchena paggahena yāpetuṃ. Ayaṃ, bhikkhave, tatiyo asamayo padhānāya.
‘‘буна жабарам̣, бхигкавз, бхаяам̣ ход̇и адависан̇гобо, жаггасамааруул̣хаа ж̇аанабад̣̇аа барияааяанд̇и. аяам̣, бхигкавз, жад̇уд̇т̇о асамаяо бад̇хаанааяа.
‘‘Puna caparaṃ, bhikkhave, bhayaṃ hoti aṭavisaṅkopo, cakkasamārūḷhā jānapadā pariyāyanti. Ayaṃ, bhikkhave, catuttho asamayo padhānāya.
‘‘буна жабарам̣, бхигкавз, сан̇гхо бхинно ход̇и. сан̇гхз ко бана, бхигкавз, бхиннз ан̃н̃аман̃н̃ам̣ аггосаа жа хонд̇и, ан̃н̃аман̃н̃ам̣ барибхаасаа жа хонд̇и, ан̃н̃аман̃н̃ам̣ баригкзбаа жа хонд̇и, ан̃н̃аман̃н̃ам̣ барижжаж̇аа жа хонд̇и. д̇ад̇т̇а аббасаннаа жзва наббасийд̣̇анд̇и, басаннаанан̃жа згажжаанам̣ ан̃н̃ат̇ад̇д̇ам̣ ход̇и. аяам̣, бхигкавз, бан̃жамо асамаяо бад̇хаанааяа. имз ко, бхигкавз, бан̃жа асамаяаа бад̇хаанааяаад̇и.
‘‘Puna caparaṃ, bhikkhave, saṅgho bhinno hoti. Saṅghe kho pana, bhikkhave, bhinne aññamaññaṃ akkosā ca honti, aññamaññaṃ paribhāsā ca honti, aññamaññaṃ parikkhepā ca honti, aññamaññaṃ pariccajā ca honti. Tattha appasannā ceva nappasīdanti, pasannānañca ekaccānaṃ aññathattaṃ hoti. Ayaṃ, bhikkhave, pañcamo asamayo padhānāya. Ime kho, bhikkhave, pañca asamayā padhānāyāti.
‘‘бан̃жимз, бхигкавз, самаяаа бад̇хаанааяа. гад̇амз бан̃жа? ид̇ха, бхигкавз, бхигку д̣̇ахаро ход̇и яуваа сусу гаал̣агзсо бхад̣̇рзна яоб̣б̣анзна саманнааг̇ад̇о батамзна ваяасаа. аяам̣, бхигкавз, батамо самаяо бад̇хаанааяа.
‘‘Pañcime, bhikkhave, samayā padhānāya. Katame pañca? Idha, bhikkhave, bhikkhu daharo hoti yuvā susu kāḷakeso bhadrena yobbanena samannāgato paṭhamena vayasā. Ayaṃ, bhikkhave, paṭhamo samayo padhānāya.
‘‘буна жабарам̣, бхигкавз, бхигку аббааб̣аад̇хо ход̇и аббаад̇ан̇го, самавзбаагинияаа г̇ахан̣ияаа саманнааг̇ад̇о наад̇исийд̇ааяа наажжун̣хааяа маж̇жхимааяа бад̇хаанагкамааяа. аяам̣, бхигкавз, д̣̇уд̇ияо самаяо бад̇хаанааяа.
‘‘Puna caparaṃ, bhikkhave, bhikkhu appābādho hoti appātaṅko, samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya. Ayaṃ, bhikkhave, dutiyo samayo padhānāya.
‘‘буна жабарам̣, бхигкавз, субхигкам̣ ход̇и сусассам̣ сулабхабин̣д̣ам̣, сугарам̣ ун̃чзна баг̇г̇ахзна яаабзд̇ум̣. аяам̣, бхигкавз, д̇ад̇ияо самаяо бад̇хаанааяа.
‘‘Puna caparaṃ, bhikkhave, subhikkhaṃ hoti susassaṃ sulabhapiṇḍaṃ, sukaraṃ uñchena paggahena yāpetuṃ. Ayaṃ, bhikkhave, tatiyo samayo padhānāya.
‘‘буна жабарам̣, бхигкавз, мануссаа самаг̇г̇аа саммод̣̇амаанаа авивад̣̇амаанаа кийрод̣̇агийбхууд̇аа ан̃н̃аман̃н̃ам̣ бияажагкуухи самбассанд̇аа вихаранд̇и. аяам̣, бхигкавз, жад̇уд̇т̇о самаяо бад̇хаанааяа.
‘‘Puna caparaṃ, bhikkhave, manussā samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharanti. Ayaṃ, bhikkhave, catuttho samayo padhānāya.
‘‘буна жабарам̣, бхигкавз, сан̇гхо самаг̇г̇о саммод̣̇амаано авивад̣̇амаано згуд̣̇д̣̇зсо паасу вихарад̇и. сан̇гхз ко бана, бхигкавз, самаг̇г̇з на жзва ан̃н̃аман̃н̃ам̣ аггосаа хонд̇и, на жа ан̃н̃аман̃н̃ам̣ барибхаасаа хонд̇и, на жа ан̃н̃аман̃н̃ам̣ баригкзбаа хонд̇и, на жа ан̃н̃аман̃н̃ам̣ барижжаж̇аа хонд̇и. д̇ад̇т̇а аббасаннаа жзва басийд̣̇анд̇и, басаннаанан̃жа бхияяобхааво 1 ход̇и. аяам̣, бхигкавз, бан̃жамо самаяо бад̇хаанааяа. имз ко, бхигкавз, бан̃жа самаяаа бад̇хаанааяаа’’д̇и. жад̇уд̇т̇ам̣.
‘‘Puna caparaṃ, bhikkhave, saṅgho samaggo sammodamāno avivadamāno ekuddeso phāsu viharati. Saṅghe kho pana, bhikkhave, samagge na ceva aññamaññaṃ akkosā honti, na ca aññamaññaṃ paribhāsā honti, na ca aññamaññaṃ parikkhepā honti, na ca aññamaññaṃ pariccajā honti. Tattha appasannā ceva pasīdanti, pasannānañca bhiyyobhāvo 2 hoti. Ayaṃ, bhikkhave, pañcamo samayo padhānāya. Ime kho, bhikkhave, pañca samayā padhānāyā’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. самаяасуд̇д̇аван̣н̣анаа • 4. Samayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. бад̇хаанияан̇г̇асуд̇д̇аад̣̇иван̣н̣анаа • 3-4. Padhāniyaṅgasuttādivaṇṇanā
