| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. самаяасуд̇д̇аван̣н̣анаа
7. Samayasuttavaṇṇanā
37. сад̇д̇амз саггзсууд̇и ‘‘сагяаа вад̇а, бхо гумаараа’’д̇и (д̣̇ий. ни. 1.267) уд̣̇аанам̣ бадижжа саггаад̇и лад̣̇д̇ханаамаанам̣ рааж̇агумаараанам̣ ниваасо згоби ж̇анабад̣̇о руул̣хийсад̣̇д̣̇зна саггаад̇и вужжад̇и . д̇асмим̣ саггзсу ж̇анабад̣̇з. махааванзд̇и саяам̣ж̇аад̇з аробимз химаванд̇зна сад̣̇д̇хим̣ згааб̣ад̣̇д̇хз махад̇и ванз. саб̣б̣зхзва араханд̇зхийд̇и имам̣ суд̇д̇ам̣ гат̇ид̇ад̣̇ивасзязва бад̇д̇аараханд̇зхи.
37. Sattame sakkesūti ‘‘sakyā vata, bho kumārā’’ti (dī. ni. 1.267) udānaṃ paṭicca sakkāti laddhanāmānaṃ rājakumārānaṃ nivāso ekopi janapado rūḷhīsaddena sakkāti vuccati . Tasmiṃ sakkesu janapade. Mahāvaneti sayaṃjāte aropime himavantena saddhiṃ ekābaddhe mahati vane. Sabbeheva arahantehīti imaṃ suttaṃ kathitadivaseyeva pattaarahantehi.
д̇ад̇рааяам̣ анубуб̣б̣игат̇аа – саагияаголияаа хи гира габилавад̇т̇унаг̇арасса жа голияанаг̇арасса жа анд̇арз рохин̣им̣ наама над̣̇им̣ згзнзва ааваран̣зна б̣анд̇хаабзд̇ваа сассаани гаарзнд̇и. ат̇а ж̇здтамууламаасз сассзсу милааяанд̇зсу убхаяанаг̇араваасийнамби гаммагаараа саннибад̇им̣су. д̇ад̇т̇а голияанаг̇араваасино аахам̣су – ‘‘ид̣̇ам̣ уд̣̇агам̣ убхаяад̇о аахарияамаанам̣ на д̇умхаагам̣, на амхаагам̣ бахоссад̇и , амхаагам̣ бана сассам̣ згзна уд̣̇агзнзва нибпаж̇ж̇иссад̇и, ид̣̇ам̣ уд̣̇агам̣ амхаагам̣ д̣̇зт̇аа’’д̇и. габилавад̇т̇уваасино аахам̣су – ‘‘д̇умхзсу годтз буурзд̇ваа тид̇зсу маяам̣ рад̇д̇асуван̣н̣анийламан̣игаал̣агахаабан̣з жа г̇ахзд̇ваа бажчибасиб̣б̣агаад̣̇ихад̇т̇аа на сагкиссаама д̇умхаагам̣ гхарад̣̇ваарз вижарид̇ум̣, амхаагамби сассам̣ згзнзва уд̣̇агзна нибпаж̇ж̇иссад̇и, ид̣̇ам̣ уд̣̇агам̣ амхаагам̣ д̣̇зт̇аа’’д̇и. ‘‘на маяам̣ д̣̇ассаамаа’’д̇и. ‘‘маяамби на д̣̇ассаамаа’’д̇и. звам̣ гат̇ам̣ вад̣дхзд̇ваа зго удтааяа згасса бахаарам̣ ад̣̇ааси, соби ан̃н̃ассаад̇и звам̣ ан̃н̃аман̃н̃ам̣ бахарид̇ваа рааж̇агулаанам̣ ж̇аад̇им̣ гхаддзд̇ваа галахам̣ вад̣дхаяим̣су.
Tatrāyaṃ anupubbikathā – sākiyakoliyā hi kira kapilavatthunagarassa ca koliyanagarassa ca antare rohiṇiṃ nāma nadiṃ ekeneva āvaraṇena bandhāpetvā sassāni kārenti. Atha jeṭṭhamūlamāse sassesu milāyantesu ubhayanagaravāsīnampi kammakārā sannipatiṃsu. Tattha koliyanagaravāsino āhaṃsu – ‘‘idaṃ udakaṃ ubhayato āhariyamānaṃ na tumhākaṃ, na amhākaṃ pahossati , amhākaṃ pana sassaṃ ekena udakeneva nipphajjissati, idaṃ udakaṃ amhākaṃ dethā’’ti. Kapilavatthuvāsino āhaṃsu – ‘‘tumhesu koṭṭhe pūretvā ṭhitesu mayaṃ rattasuvaṇṇanīlamaṇikāḷakahāpaṇe ca gahetvā pacchipasibbakādihatthā na sakkhissāma tumhākaṃ gharadvāre vicarituṃ, amhākampi sassaṃ ekeneva udakena nipphajjissati, idaṃ udakaṃ amhākaṃ dethā’’ti. ‘‘Na mayaṃ dassāmā’’ti. ‘‘Mayampi na dassāmā’’ti. Evaṃ kathaṃ vaḍḍhetvā eko uṭṭhāya ekassa pahāraṃ adāsi, sopi aññassāti evaṃ aññamaññaṃ paharitvā rājakulānaṃ jātiṃ ghaṭṭetvā kalahaṃ vaḍḍhayiṃsu.
голияагаммагаараа вад̣̇анд̇и – ‘‘д̇умхз габилавад̇т̇уваасигз г̇ахзд̇ваа г̇аж̇ж̇ат̇а, яз сон̣асин̇г̇аалаад̣̇аяо вияа ад̇д̇ано бхаг̇инийхи сад̣̇д̇хим̣ сам̣васим̣су, зд̇зсам̣ хад̇т̇ино жа ассаа жа палагаавуд̇хаани жа амхаагам̣ гим̣ гариссанд̇ий’’д̇и? саагияагаммагаараа вад̣̇анд̇и – ‘‘д̇умхз д̣̇аани гудтино д̣̇аарагз г̇ахзд̇ваа г̇аж̇ж̇ат̇а, яз анаат̇аа ниг̇г̇ад̇игаа д̇иражчаанаа вияа голаругкз васим̣су, зд̇зсам̣ хад̇т̇ино жа ассаа жа палагаавуд̇хаани жа амхаагам̣ гим̣ гариссанд̇ий’’д̇и? д̇з г̇анд̇ваа д̇асмим̣ гаммз нияуд̇д̇аамажжаанам̣ гат̇зсум̣, амажжаа рааж̇агулаанам̣ гат̇зсум̣. д̇ад̇о саагияаа – ‘‘бхаг̇инийхи сад̣̇д̇хим̣ сам̣васид̇агаанам̣ т̇ааман̃жа б̣алан̃жа д̣̇ассзссаамаа’’д̇и яуд̣̇д̇хасаж̇ж̇аа нигкамим̣су. голияааби – ‘‘голаругкаваасийнам̣ т̇ааман̃жа б̣алан̃жа д̣̇ассзссаамаа’’д̇и яуд̣̇д̇хасаж̇ж̇аа нигкамим̣су.
Koliyakammakārā vadanti – ‘‘tumhe kapilavatthuvāsike gahetvā gajjatha, ye soṇasiṅgālādayo viya attano bhaginīhi saddhiṃ saṃvasiṃsu, etesaṃ hatthino ca assā ca phalakāvudhāni ca amhākaṃ kiṃ karissantī’’ti? Sākiyakammakārā vadanti – ‘‘tumhe dāni kuṭṭhino dārake gahetvā gajjatha, ye anāthā niggatikā tiracchānā viya kolarukkhe vasiṃsu, etesaṃ hatthino ca assā ca phalakāvudhāni ca amhākaṃ kiṃ karissantī’’ti? Te gantvā tasmiṃ kamme niyuttaamaccānaṃ kathesuṃ, amaccā rājakulānaṃ kathesuṃ. Tato sākiyā – ‘‘bhaginīhi saddhiṃ saṃvasitakānaṃ thāmañca balañca dassessāmā’’ti yuddhasajjā nikkhamiṃsu. Koliyāpi – ‘‘kolarukkhavāsīnaṃ thāmañca balañca dassessāmā’’ti yuddhasajjā nikkhamiṃsu.
бхаг̇авааби рад̇д̇ияаа бажжуусасамаязва махаагарун̣аасамаабад̇д̇ид̇о удтааяа логам̣ вологзнд̇о имз звам̣ яуд̣̇д̇хасаж̇ж̇з нигкаманд̇з ад̣̇д̣̇аса. д̣̇исваа – ‘‘маяи г̇ад̇з аяам̣ галахо вуубасаммиссад̇и ну ко уд̣̇ааху но’’д̇и убад̇хаарзнд̇о – ‘‘ахамзд̇т̇а г̇анд̇ваа галахавуубасаманад̇т̇ам̣ д̇ийн̣и ж̇аад̇агаани гат̇зссаами, д̇ад̇о галахо вуубасаммиссад̇и. ат̇а саамаг̇г̇ид̣̇ийбанад̇т̇ааяа д̣̇вз ж̇аад̇агаани гат̇зд̇ваа ад̇д̇ад̣̇ан̣д̣асуд̇д̇ам̣ д̣̇зсзссаами. д̣̇зсанам̣ суд̇ваа убхаяанаг̇араваасиноби ад̣дхад̇ияаани ад̣дхад̇ияаани гумаарасад̇аани д̣̇ассанд̇и, ахам̣ д̇з баб̣б̣ааж̇зссаами, д̇ад̣̇аа махаасамааг̇амо бхависсад̇ий’’д̇и саннидтаанам̣ агааси. д̇асмаа имзсу яуд̣̇д̇хасаж̇ж̇зсу нигкаманд̇зсу гассажи анаарожзд̇ваа саяамзва бад̇д̇ажийварамаад̣̇ааяа г̇анд̇ваа д̣̇виннам̣ сзнаанам̣ анд̇арз аагаасз баллан̇гам̣ аабхуж̇ид̇ваа чаб̣б̣ан̣н̣арасмияо виссаж̇ж̇зд̇ваа нисийд̣̇и.
Bhagavāpi rattiyā paccūsasamayeva mahākaruṇāsamāpattito uṭṭhāya lokaṃ volokento ime evaṃ yuddhasajje nikkhamante addasa. Disvā – ‘‘mayi gate ayaṃ kalaho vūpasammissati nu kho udāhu no’’ti upadhārento – ‘‘ahamettha gantvā kalahavūpasamanatthaṃ tīṇi jātakāni kathessāmi, tato kalaho vūpasammissati. Atha sāmaggidīpanatthāya dve jātakāni kathetvā attadaṇḍasuttaṃ desessāmi. Desanaṃ sutvā ubhayanagaravāsinopi aḍḍhatiyāni aḍḍhatiyāni kumārasatāni dassanti, ahaṃ te pabbājessāmi, tadā mahāsamāgamo bhavissatī’’ti sanniṭṭhānaṃ akāsi. Tasmā imesu yuddhasajjesu nikkhamantesu kassaci anārocetvā sayameva pattacīvaramādāya gantvā dvinnaṃ senānaṃ antare ākāse pallaṅkaṃ ābhujitvā chabbaṇṇarasmiyo vissajjetvā nisīdi.
габилавад̇т̇уваасино бхаг̇аванд̇ам̣ д̣̇исваава, ‘‘амхаагам̣ н̃аад̇исздто сад̇т̇аа ааг̇ад̇о. д̣̇идто ну ко д̇зна амхаагам̣ галахагаран̣абхааво’’д̇и жинд̇зд̇ваа, ‘‘на ко бана саггаа бхаг̇авад̇и ааг̇ад̇з амхзхи барасса сарийрз сад̇т̇ам̣ баад̇зд̇ум̣. голияанаг̇араваасино амхз хананд̇у ваа б̣аж̇жханд̇у ваа’’д̇и. аавуд̇хаани чад̣д̣зд̇ваа, бхаг̇аванд̇ам̣ ванд̣̇ид̇ваа, нисийд̣̇им̣су. голияанаг̇араваасиноби д̇ат̇зва жинд̇зд̇ваа аавуд̇хаани чад̣д̣зд̇ваа, бхаг̇аванд̇ам̣ ванд̣̇ид̇ваа, нисийд̣̇им̣су.
Kapilavatthuvāsino bhagavantaṃ disvāva, ‘‘amhākaṃ ñātiseṭṭho satthā āgato. Diṭṭho nu kho tena amhākaṃ kalahakaraṇabhāvo’’ti cintetvā, ‘‘na kho pana sakkā bhagavati āgate amhehi parassa sarīre satthaṃ pātetuṃ. Koliyanagaravāsino amhe hanantu vā bajjhantu vā’’ti. Āvudhāni chaḍḍetvā, bhagavantaṃ vanditvā, nisīdiṃsu. Koliyanagaravāsinopi tatheva cintetvā āvudhāni chaḍḍetvā, bhagavantaṃ vanditvā, nisīdiṃsu.
бхаг̇аваа ж̇аананд̇ова, ‘‘гасмаа ааг̇ад̇ад̇т̇а, махаарааж̇аа’’д̇и бужчи? ‘‘на, бхаг̇аваа, д̇ид̇т̇агийл̣ааяа на баб̣б̣ад̇агийл̣ааяа, на над̣̇ийгийл̣ааяа, на г̇ирид̣̇ассанад̇т̇ам̣, имасмим̣ бана таанз сан̇г̇аамам̣ бажжубадтабзд̇ваа ааг̇ад̇амхаа’’д̇и. ‘‘гим̣ ниссааяа во галахо, махаарааж̇аад̇и? уд̣̇агам̣, бханд̇зд̇и. уд̣̇агам̣ гим̣ аг̇гхад̇и, махаарааж̇аад̇и? аббам̣, бханд̇зд̇и. бат̇авий наама гим̣ аг̇гхад̇и, махаарааж̇аад̇и? анаг̇гхаа, бханд̇зд̇и. кад̇д̇ияаа гим̣ аг̇гханд̇ийд̇и? кад̇д̇ияаа наама анаг̇гхаа, бханд̇зд̇и. аббамуулам̣ уд̣̇агам̣ ниссааяа гимад̇т̇ам̣ анаг̇гхз кад̇д̇ияз наасзт̇а, махаарааж̇а, галахз ассаад̣̇о наама над̇т̇и, галахавасзна, махаарааж̇а, адтаанз взрам̣ гад̇ваа згааяа ругкад̣̇звад̇ааяа гаал̣асийхзна сад̣̇д̇хим̣ б̣ад̣̇д̇хаагхаад̇о сагаламби имам̣ габбам̣ ануббад̇д̇оязваад̇и вад̇ваа панд̣̇анаж̇аад̇агам̣ (ж̇аа. 1.13.14 аад̣̇аяо) гат̇зси’’. д̇ад̇о ‘‘барабад̇д̇иязна наама, махаарааж̇а, на бхавид̇аб̣б̣ам̣. барабад̇д̇ияаа худ̇ваа хи згасса сасагасса гат̇ааяа д̇ияож̇анасахассавид̇т̇ад̇з химаванд̇з жад̇уббад̣̇аг̇ан̣аа махаасамуд̣̇д̣̇ам̣ багканд̣̇ино ахзсум̣. д̇асмаа барабад̇д̇иязна на бхавид̇аб̣б̣а’’нд̇и вад̇ваа, бат̇авийунд̣̇рияаж̇аад̇агам̣ гат̇зси. д̇ад̇о ‘‘гад̣̇аажи, махаарааж̇а, д̣̇уб̣б̣алоби махааб̣аласса ранд̇хам̣ виварам̣ бассад̇и, гад̣̇аажи махааб̣ало д̣̇уб̣б̣аласса. ладугигааби хи сагун̣игаа хад̇т̇инааг̇ам̣ гхаад̇зсий’’д̇и ладугигаж̇аад̇агам̣ (ж̇аа. 1.5.39 аад̣̇аяо) гат̇зси. звам̣ галахавуубасаманад̇т̇ааяа д̇ийн̣и ж̇аад̇агаани гат̇зд̇ваа саамаг̇г̇ибарид̣̇ийбанад̇т̇ааяа д̣̇вз ж̇аад̇агаани гат̇зси. гат̇ам̣? ‘‘самаг̇г̇аанан̃хи, махаарааж̇а, гожи од̇аарам̣ наама бассид̇ум̣ на саггод̇ийд̇и вад̇ваа, ругкад̇хаммаж̇аад̇агам̣ (ж̇аа. 1.1.74) гат̇зси . д̇ад̇о ‘‘самаг̇г̇аанам̣, махаарааж̇а, гожи виварам̣ д̣̇ассид̇ум̣ на сагки. яад̣̇аа бана ан̃н̃аман̃н̃ам̣ виваад̣̇амагам̣су, ат̇а д̇з нзсаад̣̇абуд̇д̇о ж̇ийвид̇аа воробзд̇ваа аад̣̇ааяа г̇ад̇од̇и виваад̣̇з ассаад̣̇о наама над̇т̇ий’’д̇и вад̇ваа, ваддагаж̇аад̇агам̣ (ж̇аа. 1.1.118) гат̇зси. звам̣ имаани бан̃жа ж̇аад̇агаани гат̇зд̇ваа авасаанз ад̇д̇ад̣̇ан̣д̣асуд̇д̇ам̣ (су. ни. 941 аад̣̇аяо) гат̇зси.
Bhagavā jānantova, ‘‘kasmā āgatattha, mahārājā’’ti pucchi? ‘‘Na, bhagavā, titthakīḷāya na pabbatakīḷāya, na nadīkīḷāya, na giridassanatthaṃ, imasmiṃ pana ṭhāne saṅgāmaṃ paccupaṭṭhapetvā āgatamhā’’ti. ‘‘Kiṃ nissāya vo kalaho, mahārājāti? Udakaṃ, bhanteti. Udakaṃ kiṃ agghati, mahārājāti? Appaṃ, bhanteti. Pathavī nāma kiṃ agghati, mahārājāti? Anagghā, bhanteti. Khattiyā kiṃ agghantīti? Khattiyā nāma anagghā, bhanteti. Appamūlaṃ udakaṃ nissāya kimatthaṃ anagghe khattiye nāsetha, mahārāja, kalahe assādo nāma natthi, kalahavasena, mahārāja, aṭṭhāne veraṃ katvā ekāya rukkhadevatāya kāḷasīhena saddhiṃ baddhāghāto sakalampi imaṃ kappaṃ anuppattoyevāti vatvā phandanajātakaṃ (jā. 1.13.14 ādayo) kathesi’’. Tato ‘‘parapattiyena nāma, mahārāja, na bhavitabbaṃ. Parapattiyā hutvā hi ekassa sasakassa kathāya tiyojanasahassavitthate himavante catuppadagaṇā mahāsamuddaṃ pakkhandino ahesuṃ. Tasmā parapattiyena na bhavitabba’’nti vatvā, pathavīundriyajātakaṃ kathesi. Tato ‘‘kadāci, mahārāja, dubbalopi mahābalassa randhaṃ vivaraṃ passati, kadāci mahābalo dubbalassa. Laṭukikāpi hi sakuṇikā hatthināgaṃ ghātesī’’ti laṭukikajātakaṃ (jā. 1.5.39 ādayo) kathesi. Evaṃ kalahavūpasamanatthāya tīṇi jātakāni kathetvā sāmaggiparidīpanatthāya dve jātakāni kathesi. Kathaṃ? ‘‘Samaggānañhi, mahārāja, koci otāraṃ nāma passituṃ na sakkotīti vatvā, rukkhadhammajātakaṃ (jā. 1.1.74) kathesi . Tato ‘‘samaggānaṃ, mahārāja, koci vivaraṃ dassituṃ na sakkhi. Yadā pana aññamaññaṃ vivādamakaṃsu, atha te nesādaputto jīvitā voropetvā ādāya gatoti vivāde assādo nāma natthī’’ti vatvā, vaṭṭakajātakaṃ (jā. 1.1.118) kathesi. Evaṃ imāni pañca jātakāni kathetvā avasāne attadaṇḍasuttaṃ (su. ni. 941 ādayo) kathesi.
рааж̇аано басаннаа – ‘‘сажз сад̇т̇аа нааг̇амисса, маяам̣ сахад̇т̇аа ан̃н̃аман̃н̃ам̣ вад̇хид̇ваа лохид̇анад̣̇им̣ бавад̇д̇аяиссаама. амхаагам̣ буд̇д̇абхаад̇аро жа г̇зхад̣̇ваарз на бассзяяаама, саасанабадисаасанамби но аахаран̣аго наабхависса. сад̇т̇аарам̣ ниссааяа но ж̇ийвид̇ам̣ лад̣̇д̇хам̣. сажз бана сад̇т̇аа ааг̇аарам̣ аж̇жхаавасисса д̣̇ийбасахассад̣̇ваяабариваарам̣ жад̇умахаад̣̇ийбараж̇ж̇амасса хад̇т̇аг̇ад̇ам̣ абхависса, ад̇ирзгасахассам̣ ко банасса буд̇д̇аа абхависсам̣су, д̇ад̇о кад̇д̇ияабаривааро авижарисса. д̇ам̣ ко банзса самбад̇д̇им̣ бахааяа нигкамид̇ваа самб̣од̇хим̣ бад̇д̇о. ид̣̇ааниби кад̇д̇ияабариваароязва вижарад̇уу’’д̇и убхаяанаг̇араваасино ад̣дхад̇ияаани ад̣дхад̇ияаани гумаарасад̇аани ад̣̇ам̣су. бхаг̇авааби д̇з баб̣б̣ааж̇зд̇ваа махааванам̣ аг̇амааси. д̇зсам̣ г̇аруг̇ааравзна на ад̇д̇ано ружияаа баб̣б̣аж̇ид̇аанам̣ анабхирад̇и уббаж̇ж̇и. бураан̣ад̣̇уд̇ияигааяоби д̇зсам̣ – ‘‘аяяабуд̇д̇аа угган̣танд̇у, гхарааваасо на сан̣таад̇ий’’д̇иаад̣̇ийни вад̇ваа саасанам̣ бзсзнд̇и. д̇з жа ад̇ирзгад̇арам̣ угган̣тим̣су.
Rājāno pasannā – ‘‘sace satthā nāgamissa, mayaṃ sahatthā aññamaññaṃ vadhitvā lohitanadiṃ pavattayissāma. Amhākaṃ puttabhātaro ca gehadvāre na passeyyāma, sāsanapaṭisāsanampi no āharaṇako nābhavissa. Satthāraṃ nissāya no jīvitaṃ laddhaṃ. Sace pana satthā āgāraṃ ajjhāvasissa dīpasahassadvayaparivāraṃ catumahādīparajjamassa hatthagataṃ abhavissa, atirekasahassaṃ kho panassa puttā abhavissaṃsu, tato khattiyaparivāro avicarissa. Taṃ kho panesa sampattiṃ pahāya nikkhamitvā sambodhiṃ patto. Idānipi khattiyaparivāroyeva vicaratū’’ti ubhayanagaravāsino aḍḍhatiyāni aḍḍhatiyāni kumārasatāni adaṃsu. Bhagavāpi te pabbājetvā mahāvanaṃ agamāsi. Tesaṃ garugāravena na attano ruciyā pabbajitānaṃ anabhirati uppajji. Purāṇadutiyikāyopi tesaṃ – ‘‘ayyaputtā ukkaṇṭhantu, gharāvāso na saṇṭhātī’’tiādīni vatvā sāsanaṃ pesenti. Te ca atirekataraṃ ukkaṇṭhiṃsu.
бхаг̇аваа ааваж̇ж̇знд̇о д̇зсам̣ анабхирад̇ибхаавам̣ н̃ад̇ваа – ‘‘имз бхигкуу маад̣̇исзна б̣уд̣̇д̇хзна сад̣̇д̇хим̣ згад̇о васанд̇аа угган̣танд̇и, ханд̣̇а нзсам̣ гун̣аалад̣̇ахасса ван̣н̣ам̣ гат̇зд̇ваа д̇ад̇т̇а нзд̇ваа анабхирад̇им̣ винод̣̇змий’’д̇и гун̣аалад̣̇ахасса ван̣н̣ам̣ гат̇зси. д̇з д̇ам̣ д̣̇адтугаамаа ахзсум̣. д̣̇адтугаамад̇т̇а, бхигкавз, гун̣аалад̣̇аханд̇и? аама бхаг̇аваад̇и. яад̣̇и звам̣ зт̇а г̇ажчаамаад̇и. ид̣̇д̇химанд̇аанам̣ бхаг̇аваа г̇аманадтаанам̣ маяам̣ гат̇ам̣ г̇амиссаамаад̇и. д̇умхз г̇анд̇угаамаа хот̇а, ахам̣ мамаанубхаавзна г̇ахзд̇ваа г̇амиссаамийд̇и. саад̇ху, бханд̇зд̇и. бхаг̇аваа бан̃жа бхигкусад̇аани г̇ахзд̇ваа аагаасз уббад̇ид̇ваа гун̣аалад̣̇ахз бад̇идтааяа д̇з бхигкуу ааха – ‘‘бхигкавз, имасмим̣ гун̣аалад̣̇ахз язсам̣ мажчаанам̣ наамам̣ на ж̇аанаат̇а мамам̣ бужчат̇аа’’д̇и.
Bhagavā āvajjento tesaṃ anabhiratibhāvaṃ ñatvā – ‘‘ime bhikkhū mādisena buddhena saddhiṃ ekato vasantā ukkaṇṭhanti, handa nesaṃ kuṇāladahassa vaṇṇaṃ kathetvā tattha netvā anabhiratiṃ vinodemī’’ti kuṇāladahassa vaṇṇaṃ kathesi. Te taṃ daṭṭhukāmā ahesuṃ. Daṭṭhukāmattha, bhikkhave, kuṇāladahanti? Āma bhagavāti. Yadi evaṃ etha gacchāmāti. Iddhimantānaṃ bhagavā gamanaṭṭhānaṃ mayaṃ kathaṃ gamissāmāti. Tumhe gantukāmā hotha, ahaṃ mamānubhāvena gahetvā gamissāmīti. Sādhu, bhanteti. Bhagavā pañca bhikkhusatāni gahetvā ākāse uppatitvā kuṇāladahe patiṭṭhāya te bhikkhū āha – ‘‘bhikkhave, imasmiṃ kuṇāladahe yesaṃ macchānaṃ nāmaṃ na jānātha mamaṃ pucchathā’’ti.
д̇з бужчим̣су. бхаг̇аваа бужчид̇ам̣ бужчид̇ам̣ гат̇зси. на гзвалан̃жа, мажчаанам̣язва, д̇асмим̣ ванасан̣д̣з ругкаанамби баб̣б̣ад̇абаад̣̇з д̣̇вибад̣̇ажад̇уббад̣̇асагун̣аанамби наамаани бужчаабзд̇ваа гат̇зси. ат̇а д̣̇вийхи сагун̣зхи мукад̇ун̣д̣агзна д̣ам̣сид̇ваа г̇ахид̇ад̣̇ан̣д̣агз нисинно гун̣ааласагун̣арааж̇аа бурад̇о бажчад̇о убхосу жа бассзсу сагун̣асан̇гхабаривуд̇о ааг̇ажчад̇и. бхигкуу д̇ам̣ д̣̇исваа – ‘‘зса, бханд̇з, имзсам̣ сагун̣аанам̣ рааж̇аа бхависсад̇и, бариваараа зд̇з зд̇ассаа’’д̇и ман̃н̃аамаад̇и. звамзд̇ам̣, бхигкавз, аяамби мамзва вам̣со мама бавзн̣ийд̇и. ид̣̇аани д̇аава маяам̣, бханд̇з, зд̇з сагун̣з бассаама. яам̣ бана бхаг̇аваа ‘‘аяамби мамзва вам̣со мама бавзн̣ий’’д̇и ааха, д̇ам̣ сод̇угаамамхаад̇и. сод̇угаамад̇т̇а, бхигкавзд̇и? аама бхаг̇аваад̇и. д̇зна хи сун̣аат̇аад̇и д̇ийхи г̇аат̇аасад̇зхи ман̣д̣зд̇ваа гун̣аалаж̇аад̇агам̣ (ж̇аа. 2.21.гун̣аалаж̇аад̇ага) гат̇знд̇о анабхирад̇им̣ винод̣̇зси. д̣̇зсанаабарияосаанз саб̣б̣зби сод̇аабад̇д̇ипалз бад̇идтахим̣су, маг̇г̇знзва жа нзсам̣ ид̣̇д̇хиби ааг̇ад̇аа. бхаг̇аваа ‘‘ход̇у д̇аава зд̇д̇агам̣ д̇зсам̣ бхигкууна’’нд̇и аагаасз уббад̇ид̇ваа махааванамзва аг̇амааси. д̇зби бхигкуу г̇аманагаалз д̣̇асаб̣аласса аанубхаавзна г̇анд̇ваа ааг̇аманагаалз ад̇д̇ано аанубхаавзна бхаг̇аванд̇ам̣ бариваарзд̇ваа махааванз од̇арим̣су.
Te pucchiṃsu. Bhagavā pucchitaṃ pucchitaṃ kathesi. Na kevalañca, macchānaṃyeva, tasmiṃ vanasaṇḍe rukkhānampi pabbatapāde dvipadacatuppadasakuṇānampi nāmāni pucchāpetvā kathesi. Atha dvīhi sakuṇehi mukhatuṇḍakena ḍaṃsitvā gahitadaṇḍake nisinno kuṇālasakuṇarājā purato pacchato ubhosu ca passesu sakuṇasaṅghaparivuto āgacchati. Bhikkhū taṃ disvā – ‘‘esa, bhante, imesaṃ sakuṇānaṃ rājā bhavissati, parivārā ete etassā’’ti maññāmāti. Evametaṃ, bhikkhave, ayampi mameva vaṃso mama paveṇīti. Idāni tāva mayaṃ, bhante, ete sakuṇe passāma. Yaṃ pana bhagavā ‘‘ayampi mameva vaṃso mama paveṇī’’ti āha, taṃ sotukāmamhāti. Sotukāmattha, bhikkhaveti? Āma bhagavāti. Tena hi suṇāthāti tīhi gāthāsatehi maṇḍetvā kuṇālajātakaṃ (jā. 2.21.kuṇālajātaka) kathento anabhiratiṃ vinodesi. Desanāpariyosāne sabbepi sotāpattiphale patiṭṭhahiṃsu, maggeneva ca nesaṃ iddhipi āgatā. Bhagavā ‘‘hotu tāva ettakaṃ tesaṃ bhikkhūna’’nti ākāse uppatitvā mahāvanameva agamāsi. Tepi bhikkhū gamanakāle dasabalassa ānubhāvena gantvā āgamanakāle attano ānubhāvena bhagavantaṃ parivāretvā mahāvane otariṃsu.
бхаг̇аваа бан̃н̃ад̇д̇аасанз нисийд̣̇ид̇ваа д̇з бхигкуу ааманд̇зд̇ваа – ‘‘зт̇а, бхигкавз, нисийд̣̇ат̇а. убаримаг̇г̇ад̇д̇аяаваж̇жхаанам̣ во гилзсаанам̣ гаммадтаанам̣ гат̇зссаамий’’д̇и гаммадтаанам̣ гат̇зси. бхигкуу жинд̇аяим̣су – ‘‘бхаг̇аваа амхаагам̣ анабхирад̇абхаавам̣ н̃ад̇ваа гун̣аалад̣̇ахам̣ нзд̇ваа анабхирад̇им̣ винод̣̇зси, д̇ад̇т̇а сод̇аабад̇д̇ипалам̣ бад̇д̇аанам̣ но ид̣̇аани ид̇ха д̇ин̣н̣ам̣ маг̇г̇аанам̣ гаммадтаанам̣ ад̣̇ааси, на ко бана амхзхи ‘сод̇аабаннаа маяа’нд̇и вийд̇инаамзд̇ум̣ ваддад̇и, бурисабурисзхи но бхавид̇ум̣ ваддад̇ий’’д̇и д̇з д̣̇асаб̣аласса баад̣̇з ванд̣̇ид̇ваа удтааяа нисийд̣̇анам̣ бабподзд̇ваа висум̣ висум̣ баб̣бхаараругкамуулзсу нисийд̣̇им̣су.
Bhagavā paññattāsane nisīditvā te bhikkhū āmantetvā – ‘‘etha, bhikkhave, nisīdatha. Uparimaggattayavajjhānaṃ vo kilesānaṃ kammaṭṭhānaṃ kathessāmī’’ti kammaṭṭhānaṃ kathesi. Bhikkhū cintayiṃsu – ‘‘bhagavā amhākaṃ anabhiratabhāvaṃ ñatvā kuṇāladahaṃ netvā anabhiratiṃ vinodesi, tattha sotāpattiphalaṃ pattānaṃ no idāni idha tiṇṇaṃ maggānaṃ kammaṭṭhānaṃ adāsi, na kho pana amhehi ‘sotāpannā maya’nti vītināmetuṃ vaṭṭati, purisapurisehi no bhavituṃ vaṭṭatī’’ti te dasabalassa pāde vanditvā uṭṭhāya nisīdanaṃ papphoṭetvā visuṃ visuṃ pabbhārarukkhamūlesu nisīdiṃsu.
бхаг̇аваа жинд̇зси – ‘‘имз бхигкуу багад̇ияааби ависсадтагаммадтаанаа, лад̣̇д̇хубааяасса бана бхигкуно гиламанагааран̣ам̣ наама над̇т̇и. г̇ажчанд̇аа г̇ажчанд̇аа жа вибассанам̣ вад̣дхзд̇ваа арахад̇д̇ам̣ бад̇ваа ‘ад̇д̇анаа бадивид̣̇д̇хаг̇ун̣ам̣ аарожзссаамаа’д̇и мама санд̇игам̣ ааг̇амиссанд̇и. зд̇зсу ааг̇ад̇зсу д̣̇асасахассажаггаваал̣ад̣̇звад̇аа згажаггаваал̣з саннибад̇иссанд̇и, махаасамаяо бхависсад̇и, вивид̇д̇з огаасз маяаа нисийд̣̇ид̇ум̣ ваддад̇ий’’д̇и д̇ад̇о вивид̇д̇з огаасз б̣уд̣̇д̇хаасанам̣ бан̃н̃аабзд̇ваа нисийд̣̇и.
Bhagavā cintesi – ‘‘ime bhikkhū pakatiyāpi avissaṭṭhakammaṭṭhānā, laddhupāyassa pana bhikkhuno kilamanakāraṇaṃ nāma natthi. Gacchantā gacchantā ca vipassanaṃ vaḍḍhetvā arahattaṃ patvā ‘attanā paṭividdhaguṇaṃ ārocessāmā’ti mama santikaṃ āgamissanti. Etesu āgatesu dasasahassacakkavāḷadevatā ekacakkavāḷe sannipatissanti, mahāsamayo bhavissati, vivitte okāse mayā nisīdituṃ vaṭṭatī’’ti tato vivitte okāse buddhāsanaṃ paññāpetvā nisīdi.
саб̣б̣абатамам̣ гаммадтаанам̣ г̇ахзд̇ваа г̇ад̇ад̇т̇зро саха бадисамбхид̣̇аахи арахад̇д̇ам̣ баабун̣и. д̇ад̇о абаро д̇ад̇о абарод̇и бан̃жасад̇ааби бад̣̇уминияам̣ бад̣̇умаани вияа вигасим̣су. саб̣б̣абатамам̣ арахад̇д̇ам̣ бад̇д̇абхигку ‘‘бхаг̇авад̇о аарожзссаамий’’д̇и баллан̇гам̣ виниб̣бхуж̇ид̇ваа нисийд̣̇анам̣ бабподзд̇ваа удтааяа д̣̇асаб̣алаабхимуко ахоси. звам̣ абароби абаробийд̇и бан̃жасад̇аа бхад̇д̇асаалам̣ бависанд̇аа вияа бадибаадияаава ааг̇амим̣су. батамам̣ ааг̇ад̇о ванд̣̇ид̇ваа нисийд̣̇анам̣ бан̃н̃аабзд̇ваа, згаманд̇ам̣ нисийд̣̇ид̇ваа, бадивид̣̇д̇хаг̇ун̣ам̣ аарожзд̇угаамо ‘‘ад̇т̇и ну ко ан̃н̃о гожи? над̇т̇ий’’д̇и нивад̇д̇ид̇ваа ааг̇ад̇амаг̇г̇ам̣ ологзнд̇о абарамби ад̣̇д̣̇аса абарамби ад̣̇д̣̇асаязваад̇и саб̣б̣зби д̇з ааг̇анд̇ваа згаманд̇ам̣ нисийд̣̇ид̇ваа, аяам̣ имасса харааяамаано на гат̇зси, аяам̣ имасса харааяамаано на гат̇зси. кийн̣аасаваанам̣ гира д̣̇вз аагаараа хонд̇и – ‘‘ахо вад̇а маяаа бадивид̣̇д̇хаг̇ун̣ам̣ сад̣̇зваго лого киббамзва бадивиж̇жхзяяаа’’д̇и жид̇д̇ам̣ уббаж̇ж̇ад̇и. бадивид̣̇д̇хабхаавам̣ бана нид̇хилад̣̇д̇хабурисо вияа на ан̃н̃асса аарожзд̇угаамаа хонд̇и.
Sabbapaṭhamaṃ kammaṭṭhānaṃ gahetvā gatatthero saha paṭisambhidāhi arahattaṃ pāpuṇi. Tato aparo tato aparoti pañcasatāpi paduminiyaṃ padumāni viya vikasiṃsu. Sabbapaṭhamaṃ arahattaṃ pattabhikkhu ‘‘bhagavato ārocessāmī’’ti pallaṅkaṃ vinibbhujitvā nisīdanaṃ papphoṭetvā uṭṭhāya dasabalābhimukho ahosi. Evaṃ aparopi aparopīti pañcasatā bhattasālaṃ pavisantā viya paṭipāṭiyāva āgamiṃsu. Paṭhamaṃ āgato vanditvā nisīdanaṃ paññāpetvā, ekamantaṃ nisīditvā, paṭividdhaguṇaṃ ārocetukāmo ‘‘atthi nu kho añño koci? Natthī’’ti nivattitvā āgatamaggaṃ olokento aparampi addasa aparampi addasayevāti sabbepi te āgantvā ekamantaṃ nisīditvā, ayaṃ imassa harāyamāno na kathesi, ayaṃ imassa harāyamāno na kathesi. Khīṇāsavānaṃ kira dve ākārā honti – ‘‘aho vata mayā paṭividdhaguṇaṃ sadevako loko khippameva paṭivijjheyyā’’ti cittaṃ uppajjati. Paṭividdhabhāvaṃ pana nidhiladdhapuriso viya na aññassa ārocetukāmā honti.
звам̣ осадамад̇д̇з бана д̇асмим̣ арияаман̣д̣алз баажийнаяуг̇анд̇харабаригкзбад̇о аб̣бхаа махигаа д̇хуумо раж̇о раахууд̇и, имзхи убаггилзсзхи виббамуд̇д̇ам̣ б̣уд̣̇д̇хуббаад̣̇абадиман̣д̣ид̇асса логасса рааман̣зяяагад̣̇ассанад̇т̇ам̣ баажийнад̣̇исааяа угкид̇д̇араж̇ад̇амаяамахаааад̣̇аасаман̣д̣алам̣ вияа, нзмиваддияам̣ г̇ахзд̇ваа, баривад̇д̇ияамаанараж̇ад̇ажаггасассиригам̣ бун̣н̣ажанд̣̇аман̣д̣алам̣ уллан̇гхид̇ваа, анилабат̇ам̣ бадибаж̇ж̇ид̇т̇а. ид̇и зваруубз кан̣з лаяз мухуд̇д̇з бхаг̇аваа саггзсу вихарад̇и габилавад̇т̇усмим̣ махааванз махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи саб̣б̣зхзва араханд̇зхи.
Evaṃ osaṭamatte pana tasmiṃ ariyamaṇḍale pācīnayugandharaparikkhepato abbhā mahikā dhūmo rajo rāhūti, imehi upakkilesehi vippamuttaṃ buddhuppādapaṭimaṇḍitassa lokassa rāmaṇeyyakadassanatthaṃ pācīnadisāya ukkhittarajatamayamahāādāsamaṇḍalaṃ viya, nemivaṭṭiyaṃ gahetvā, parivattiyamānarajatacakkasassirikaṃ puṇṇacandamaṇḍalaṃ ullaṅghitvā, anilapathaṃ paṭipajjittha. Iti evarūpe khaṇe laye muhutte bhagavā sakkesu viharati kapilavatthusmiṃ mahāvane mahatā bhikkhusaṅghena saddhiṃ pañcamattehi bhikkhusatehi sabbeheva arahantehi.
д̇ад̇т̇а бхаг̇авааби махаасаммад̇асса вам̣сз уббанно, д̇зби бан̃жасад̇аа бхигкуу махаасаммад̇асса гулз уббаннаа. бхаг̇авааби кад̇д̇ияаг̇аб̣бхз ж̇аад̇о, д̇зби кад̇д̇ияаг̇аб̣бхз ж̇аад̇аа. бхаг̇авааби рааж̇абаб̣б̣аж̇ид̇о, д̇зби рааж̇абаб̣б̣аж̇ид̇аа. бхаг̇авааби сзд̇ажчад̇д̇ам̣ бахааяа хад̇т̇аг̇ад̇ам̣ жаггавад̇д̇ираж̇ж̇ам̣ ниссаж̇ж̇ид̇ваа баб̣б̣аж̇ид̇о, д̇зби сзд̇ажчад̇д̇ам̣ бахааяа хад̇т̇аг̇ад̇аани раж̇ж̇аани виссаж̇ж̇ид̇ваа баб̣б̣аж̇ид̇аа. ид̇и бхаг̇аваа барисуд̣̇д̇хз огаасз, барисуд̣̇д̇хз рад̇д̇ибхааг̇з, саяам̣ барисуд̣̇д̇хо барисуд̣̇д̇хабаривааро, вийд̇арааг̇о вийд̇арааг̇абаривааро, вийд̇ад̣̇осо вийд̇ад̣̇осабаривааро, вийд̇амохо вийд̇амохабаривааро, нид̇д̇ан̣хо нид̇д̇ан̣хабаривааро, ниггилзсо ниггилзсабаривааро, санд̇о санд̇абаривааро, д̣̇анд̇о д̣̇анд̇абаривааро, муд̇д̇о муд̇д̇абаривааро, ад̇ивияа вирожад̇ийд̇и. ван̣н̣абхууми наамзсаа, яад̇д̇агам̣ саггод̇и, д̇ад̇д̇агам̣ вад̇д̇аб̣б̣ам̣. ид̇и имз бхигкуу санд̇хааяа вуд̇д̇ам̣, ‘‘бан̃жамад̇д̇зхи бхигкусад̇зхи саб̣б̣зхзва араханд̇зхий’’д̇и.
Tattha bhagavāpi mahāsammatassa vaṃse uppanno, tepi pañcasatā bhikkhū mahāsammatassa kule uppannā. Bhagavāpi khattiyagabbhe jāto, tepi khattiyagabbhe jātā. Bhagavāpi rājapabbajito, tepi rājapabbajitā. Bhagavāpi setacchattaṃ pahāya hatthagataṃ cakkavattirajjaṃ nissajjitvā pabbajito, tepi setacchattaṃ pahāya hatthagatāni rajjāni vissajjitvā pabbajitā. Iti bhagavā parisuddhe okāse, parisuddhe rattibhāge, sayaṃ parisuddho parisuddhaparivāro, vītarāgo vītarāgaparivāro, vītadoso vītadosaparivāro, vītamoho vītamohaparivāro, nittaṇho nittaṇhaparivāro, nikkileso nikkilesaparivāro, santo santaparivāro, danto dantaparivāro, mutto muttaparivāro, ativiya virocatīti. Vaṇṇabhūmi nāmesā, yattakaṃ sakkoti, tattakaṃ vattabbaṃ. Iti ime bhikkhū sandhāya vuttaṃ, ‘‘pañcamattehi bhikkhusatehi sabbeheva arahantehī’’ti.
язбхуяязнаад̇и б̣ахуд̇араа саннибад̇ид̇аа, манд̣̇аа на саннибад̇ид̇аа асан̃н̃ий аруубааважарад̣̇звад̇аа самаабаннад̣̇звад̇ааяо жа. д̇ад̇рааяам̣ саннибаад̇аггамо – махааванасса гира сааманд̇аа д̣̇звад̇аа жалим̣су, ‘‘ааяаама бхо! б̣уд̣̇д̇хад̣̇ассанам̣ наама б̣ахуубагаарам̣, д̇хаммассаванам̣ б̣ахуубагаарам̣, бхигкусан̇гхад̣̇ассанам̣ б̣ахуубагаарам̣. ааяаама ааяаамаа’’д̇и! махаасад̣̇д̣̇ам̣ гурумаанаа ааг̇анд̇ваа бхаг̇аванд̇ан̃жа д̇ам̣мухуд̇д̇ам̣ арахад̇д̇аббад̇д̇акийн̣аасавз жа ванд̣̇ид̇ваа згаманд̇ам̣ адтам̣су. зд̇знзва убааязна д̇аасам̣ д̇аасам̣ сад̣̇д̣̇ам̣ суд̇ваа сад̣̇д̣̇анд̇араад̣дхаг̇аавуд̇аг̇аавуд̇аад̣дхаяож̇анаяож̇анаад̣̇ивасзна д̇ияож̇анасахассавид̇т̇ад̇з химаванд̇з, д̇игкад̇д̇ум̣ д̇зсадтияаа наг̇арасахассзсу, наванавуд̇ияаа д̣̇он̣амукасад̇асахассзсу, чанавуд̇ияаа бадданагодисад̇асахассзсу, чабан̣н̣аасааяа рад̇анаагарзсууд̇и сагалаж̇амб̣уд̣̇ийбз, буб̣б̣авид̣̇зхз, абараг̇ояаанз, уд̇д̇арагурумхи, д̣̇вийсу барид̇д̇ад̣̇ийбасахассзсууд̇и сагалажаггаваал̣з, д̇ад̇о д̣̇уд̇ияад̇ад̇ияажаггаваал̣зд̇и звам̣ д̣̇асасахассажаггаваал̣зсу д̣̇звад̇аа саннибад̇ид̇аад̇и взд̣̇ид̇аб̣б̣аа. д̣̇асасахассажаггаваал̣ан̃хи ид̇ха д̣̇асалогад̇хаад̇уяод̇и ад̇хиббзд̇ам̣. д̇зна вуд̇д̇ам̣ – ‘‘д̣̇асахи жа логад̇хаад̇уухи д̣̇звад̇аа язбхуяязна саннибад̇ид̇аа хонд̇ий’’д̇и.
Yebhuyyenāti bahutarā sannipatitā, mandā na sannipatitā asaññī arūpāvacaradevatā samāpannadevatāyo ca. Tatrāyaṃ sannipātakkamo – mahāvanassa kira sāmantā devatā caliṃsu, ‘‘āyāma bho! Buddhadassanaṃ nāma bahūpakāraṃ, dhammassavanaṃ bahūpakāraṃ, bhikkhusaṅghadassanaṃ bahūpakāraṃ. Āyāma āyāmā’’ti! Mahāsaddaṃ kurumānā āgantvā bhagavantañca taṃmuhuttaṃ arahattappattakhīṇāsave ca vanditvā ekamantaṃ aṭṭhaṃsu. Eteneva upāyena tāsaṃ tāsaṃ saddaṃ sutvā saddantaraaḍḍhagāvutagāvutaaḍḍhayojanayojanādivasena tiyojanasahassavitthate himavante, tikkhattuṃ tesaṭṭhiyā nagarasahassesu, navanavutiyā doṇamukhasatasahassesu, chanavutiyā paṭṭanakoṭisatasahassesu, chapaṇṇāsāya ratanākaresūti sakalajambudīpe, pubbavidehe, aparagoyāne, uttarakurumhi, dvīsu parittadīpasahassesūti sakalacakkavāḷe, tato dutiyatatiyacakkavāḷeti evaṃ dasasahassacakkavāḷesu devatā sannipatitāti veditabbā. Dasasahassacakkavāḷañhi idha dasalokadhātuyoti adhippetaṃ. Tena vuttaṃ – ‘‘dasahi ca lokadhātūhi devatā yebhuyyena sannipatitā hontī’’ti.
звам̣ саннибад̇ид̇аахи д̣̇звад̇аахи сагалажаггаваал̣аг̇аб̣бхам̣ яаава б̣рахмалогаа суужигхарз ниранд̇арам̣ багкид̇д̇асуужийхи вияа барибун̣н̣ам̣ ход̇и. д̇ад̇т̇а б̣рахмалогасса звам̣ ужжад̇д̇анам̣ взд̣̇ид̇аб̣б̣ам̣ – лохабаасаад̣̇з гира сад̇д̇агуудааг̇аарасамо баасаан̣о б̣рахмалогз тад̇ваа ад̇хо кид̇д̇о жад̇уухи маасзхи бат̇авим̣ баабун̣аад̇и. звам̣ маханд̇з огаасз яат̇аа хздтаа тад̇ваа кид̇д̇аани бубпаани ваа д̇хуумо ваа убари г̇анд̇ум̣, убари ваа тад̇ваа кид̇д̇асаасабаа хздтаа од̇арид̇ум̣ анд̇арам̣ на лабханд̇и, звам̣ ниранд̇араа д̣̇звад̇аа ахзсум̣. яат̇аа ко бана жаггавад̇д̇иран̃н̃о нисиннадтаанам̣ асамб̣аад̇хам̣ ход̇и, ааг̇ад̇ааг̇ад̇аа махзсагкаа кад̇д̇ияаа огаасам̣ лабханд̇иязва, барад̇о барад̇о бана ад̇исамб̣аад̇хам̣ ход̇и. звамзва бхаг̇авад̇о нисиннадтаанам̣ асамб̣аад̇хам̣, ааг̇ад̇ааг̇ад̇аа махзсагкаа д̣̇зваа жа б̣рахмаано жа огаасам̣ лабханд̇иязва. аби суд̣̇ам̣ бхаг̇авад̇о аасаннаасаннадтаанз ваалаг̇г̇анид̇д̇уд̣̇анамад̇д̇з бад̣̇зсз д̣̇асаби вийсад̇иби д̣̇зваа сукумз ад̇д̇абхаавз маабзд̇ваа адтам̣су. саб̣б̣абарад̇о садти садти д̣̇звад̇аа адтам̣су.
Evaṃ sannipatitāhi devatāhi sakalacakkavāḷagabbhaṃ yāva brahmalokā sūcighare nirantaraṃ pakkhittasūcīhi viya paripuṇṇaṃ hoti. Tattha brahmalokassa evaṃ uccattanaṃ veditabbaṃ – lohapāsāde kira sattakūṭāgārasamo pāsāṇo brahmaloke ṭhatvā adho khitto catūhi māsehi pathaviṃ pāpuṇāti. Evaṃ mahante okāse yathā heṭṭhā ṭhatvā khittāni pupphāni vā dhūmo vā upari gantuṃ, upari vā ṭhatvā khittasāsapā heṭṭhā otarituṃ antaraṃ na labhanti, evaṃ nirantarā devatā ahesuṃ. Yathā kho pana cakkavattirañño nisinnaṭṭhānaṃ asambādhaṃ hoti, āgatāgatā mahesakkhā khattiyā okāsaṃ labhantiyeva, parato parato pana atisambādhaṃ hoti. Evameva bhagavato nisinnaṭṭhānaṃ asambādhaṃ, āgatāgatā mahesakkhā devā ca brahmāno ca okāsaṃ labhantiyeva. Api sudaṃ bhagavato āsannāsannaṭṭhāne vālagganittudanamatte padese dasapi vīsatipi devā sukhume attabhāve māpetvā aṭṭhaṃsu. Sabbaparato saṭṭhi saṭṭhi devatā aṭṭhaṃsu.
суд̣̇д̇хааваасагааяигаананд̇и суд̣̇д̇хааваасаваасийнам̣. суд̣̇д̇хааваасаа наама суд̣̇д̇хаанам̣ анааг̇аамикийн̣аасаваанам̣ ааваасаа бан̃жа б̣рахмалогаа. зд̇ад̣̇ахосийд̇и гасмаа ахоси? д̇з гира б̣рахмаано самаабад̇д̇им̣ самаабаж̇ж̇ид̇ваа яат̇аа барижчзд̣̇зна вудтид̇аа б̣рахмабхаванам̣ ологзнд̇аа бажчаабхад̇д̇з бхад̇д̇аг̇зхам̣ вияа сун̃н̃ад̇ам̣ ад̣̇д̣̇асам̣су. д̇ад̇о ‘‘гухим̣ б̣рахмаано г̇ад̇аа’’д̇и ааваж̇ж̇анд̇аа махаасамааг̇амам̣ н̃ад̇ваа – ‘‘аяам̣ самааг̇амо махаа, маяам̣ охийнаа, охийнагаанам̣ бана огаасо д̣̇уллабхо ход̇и, д̇асмаа г̇ажчанд̇аа ад̇ужчахад̇т̇аа худ̇ваа згзгам̣ г̇аат̇ам̣ абхисан̇карид̇ваа г̇ажчаама. д̇ааяа махаасамааг̇амз жа ад̇д̇ано ааг̇ад̇абхаавам̣ ж̇аанаабзссаама, д̣̇асаб̣аласса жа ван̣н̣ам̣ бхаасиссаамаа’’д̇и. ид̇и д̇зсам̣ самаабад̇д̇ид̇о удтааяа ааваж̇ж̇ид̇ад̇д̇аа зд̇ад̣̇ахоси.
Suddhāvāsakāyikānanti suddhāvāsavāsīnaṃ. Suddhāvāsā nāma suddhānaṃ anāgāmikhīṇāsavānaṃ āvāsā pañca brahmalokā. Etadahosīti kasmā ahosi? Te kira brahmāno samāpattiṃ samāpajjitvā yathā paricchedena vuṭṭhitā brahmabhavanaṃ olokentā pacchābhatte bhattagehaṃ viya suññataṃ addasaṃsu. Tato ‘‘kuhiṃ brahmāno gatā’’ti āvajjantā mahāsamāgamaṃ ñatvā – ‘‘ayaṃ samāgamo mahā, mayaṃ ohīnā, ohīnakānaṃ pana okāso dullabho hoti, tasmā gacchantā atucchahatthā hutvā ekekaṃ gāthaṃ abhisaṅkharitvā gacchāma. Tāya mahāsamāgame ca attano āgatabhāvaṃ jānāpessāma, dasabalassa ca vaṇṇaṃ bhāsissāmā’’ti. Iti tesaṃ samāpattito uṭṭhāya āvajjitattā etadahosi.
бхаг̇авад̇о бурад̇о баад̇урахзсунд̇и баал̣ияам̣ бхаг̇авад̇о санд̇игз абхимукадтаанзязва од̇ин̣н̣аа вияа гад̇ваа вуд̇д̇аа, на ко банзд̇т̇а звам̣ ад̇т̇о взд̣̇ид̇аб̣б̣о. д̇з бана б̣рахмалогз тид̇ааязва г̇аат̇аа абхисан̇карид̇ваа зго бурад̇т̇имажаггаваал̣амукаваддияам̣ од̇ари, зго д̣̇агкин̣ажаггаваал̣амукаваддияам̣, зго бажчимажаггаваал̣амукаваддияам̣, зго уд̇д̇аражаггаваал̣амукаваддияам̣ од̇ари. д̇ад̇о бурад̇т̇имажаггаваал̣амукаваддияам̣ од̇ин̣н̣аб̣рахмаа нийлагасин̣ам̣ самаабаж̇ж̇ид̇ваа нийларасмияо виссаж̇ж̇зд̇ваа д̣̇асасахассажаггаваал̣ад̣̇звад̇аанам̣ ман̣иваммам̣ бадимун̃жанд̇о вияа ад̇д̇ано ааг̇ад̇абхаавам̣ ж̇аанаабзд̇ваа б̣уд̣̇д̇хавийт̇и наама гзнажи уд̇д̇арид̇ум̣ на саггаа, д̇асмаа махад̇ияаа б̣уд̣̇д̇хавийт̇ияаава ааг̇анд̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко ад̇д̇анаа абхисан̇кад̇ам̣ г̇аат̇ам̣ абхааси.
Bhagavato purato pāturahesunti pāḷiyaṃ bhagavato santike abhimukhaṭṭhāneyeva otiṇṇā viya katvā vuttā, na kho panettha evaṃ attho veditabbo. Te pana brahmaloke ṭhitāyeva gāthā abhisaṅkharitvā eko puratthimacakkavāḷamukhavaṭṭiyaṃ otari, eko dakkhiṇacakkavāḷamukhavaṭṭiyaṃ, eko pacchimacakkavāḷamukhavaṭṭiyaṃ, eko uttaracakkavāḷamukhavaṭṭiyaṃ otari. Tato puratthimacakkavāḷamukhavaṭṭiyaṃ otiṇṇabrahmā nīlakasiṇaṃ samāpajjitvā nīlarasmiyo vissajjetvā dasasahassacakkavāḷadevatānaṃ maṇivammaṃ paṭimuñcanto viya attano āgatabhāvaṃ jānāpetvā buddhavīthi nāma kenaci uttarituṃ na sakkā, tasmā mahatiyā buddhavīthiyāva āgantvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho attanā abhisaṅkhataṃ gāthaṃ abhāsi.
д̣̇агкин̣ажаггаваал̣амукаваддияам̣ од̇ин̣н̣аб̣рахмаа бийд̇агасин̣ам̣ самаабаж̇ж̇ид̇ваа суван̣н̣абабхам̣ мун̃жид̇ваа д̣̇асасахассажаггаваал̣ад̣̇звад̇аанам̣ суван̣н̣абадам̣ баарубанд̇о вияа ад̇д̇ано ааг̇ад̇абхаавам̣ ж̇аанаабзд̇ваа д̇ат̇зва агааси. бажчимажаггаваал̣амукаваддияам̣ од̇ин̣н̣аб̣рахмаа лохид̇агасин̣ам̣ самаабаж̇ж̇ид̇ваа лохид̇агарасмияо мун̃жид̇ваа д̣̇асасахассажаггаваал̣ад̣̇звад̇аанам̣ рад̇д̇аварагамб̣алзна баригкибанд̇о вияа ад̇д̇ано ааг̇ад̇абхаавам̣ ж̇аанаабзд̇ваа д̇ат̇зва агааси. уд̇д̇аражаггаваал̣амукаваддияам̣ од̇ин̣н̣аб̣рахмаа од̣̇аад̇агасин̣ам̣ самаабаж̇ж̇ид̇ваа од̣̇аад̇арасмияо виссаж̇ж̇зд̇ваа д̣̇асасахассажаггаваал̣ад̣̇звад̇аанам̣ суманагусумабадам̣ баарубанд̇о вияа ад̇д̇ано ааг̇ад̇абхаавам̣ ж̇аанаабзд̇ваа д̇ат̇зва агааси.
Dakkhiṇacakkavāḷamukhavaṭṭiyaṃ otiṇṇabrahmā pītakasiṇaṃ samāpajjitvā suvaṇṇapabhaṃ muñcitvā dasasahassacakkavāḷadevatānaṃ suvaṇṇapaṭaṃ pārupanto viya attano āgatabhāvaṃ jānāpetvā tatheva akāsi. Pacchimacakkavāḷamukhavaṭṭiyaṃ otiṇṇabrahmā lohitakasiṇaṃ samāpajjitvā lohitakarasmiyo muñcitvā dasasahassacakkavāḷadevatānaṃ rattavarakambalena parikkhipanto viya attano āgatabhāvaṃ jānāpetvā tatheva akāsi. Uttaracakkavāḷamukhavaṭṭiyaṃ otiṇṇabrahmā odātakasiṇaṃ samāpajjitvā odātarasmiyo vissajjetvā dasasahassacakkavāḷadevatānaṃ sumanakusumapaṭaṃ pārupanto viya attano āgatabhāvaṃ jānāpetvā tatheva akāsi.
баал̣ияам̣ бана бхаг̇авад̇о бурад̇о баад̇урахзсум̣. ат̇а ко д̇аа д̣̇звад̇аа бхаг̇аванд̇ам̣ абхиваад̣̇зд̇ваа згаманд̇ам̣ адтам̣сууд̇и звам̣ згагкан̣з вияа бурад̇о баад̇убхааво жа абхиваад̣̇зд̇ваа згаманд̇ам̣ тид̇абхааво жа вуд̇д̇о, со иминаа ануггамзна ахоси, згад̇о гад̇ваа бана д̣̇ассид̇о. г̇аат̇аабхаасанам̣ бана баал̣ияамби висум̣ висум̣язва вуд̇д̇ам̣.
Pāḷiyaṃ pana bhagavato purato pāturahesuṃ. Atha kho tā devatā bhagavantaṃ abhivādetvā ekamantaṃ aṭṭhaṃsūti evaṃ ekakkhaṇe viya purato pātubhāvo ca abhivādetvā ekamantaṃ ṭhitabhāvo ca vutto, so iminā anukkamena ahosi, ekato katvā pana dassito. Gāthābhāsanaṃ pana pāḷiyampi visuṃ visuṃyeva vuttaṃ.
д̇ад̇т̇а махаасамаяод̇и махаасамуухо. баванам̣ вужжад̇и ванасан̣д̣о. убхаязнаби бхаг̇аваа ‘‘имасмим̣ бана ванасан̣д̣з аж̇ж̇а махаасамуухо саннибаад̇о’’д̇и ааха. д̇ад̇о язсам̣ со саннибаад̇о, д̇з д̣̇ассзд̇ум̣ д̣̇звагааяаа самааг̇ад̇аад̇и ааха. д̇ад̇т̇а д̣̇звагааяаад̇и д̣̇звагхадаа. ааг̇ад̇амха имам̣ д̇хаммасамаяанд̇и звам̣ самааг̇ад̇з д̣̇звагааяз д̣̇исваа маяамби имам̣ д̇хаммасамуухам̣ ааг̇ад̇аа. гим̣ гааран̣аа? д̣̇агкид̇ааяз абарааж̇ид̇асан̇гханд̇и гзнажи абарааж̇ид̇ам̣ аж̇ж̇зва д̇аяо маарз мад̣̇д̣̇ид̇ваа виж̇ид̇асан̇г̇аамам̣ имам̣ абарааж̇ид̇асан̇гхам̣ д̣̇ассанад̇т̇ааяа ааг̇ад̇амхаад̇и ад̇т̇о. со бана, б̣рахмаа, имам̣ г̇аат̇ам̣ бхаасид̇ваа, бхаг̇аванд̇ам̣ абхиваад̣̇зд̇ваа, бурад̇т̇имажаггаваал̣амукаваддияам̣язва адтааси.
Tattha mahāsamayoti mahāsamūho. Pavanaṃ vuccati vanasaṇḍo. Ubhayenapi bhagavā ‘‘imasmiṃ pana vanasaṇḍe ajja mahāsamūho sannipāto’’ti āha. Tato yesaṃ so sannipāto, te dassetuṃ devakāyā samāgatāti āha. Tattha devakāyāti devaghaṭā. Āgatamha imaṃ dhammasamayanti evaṃ samāgate devakāye disvā mayampi imaṃ dhammasamūhaṃ āgatā. Kiṃ kāraṇā? Dakkhitāye aparājitasaṅghanti kenaci aparājitaṃ ajjeva tayo māre madditvā vijitasaṅgāmaṃ imaṃ aparājitasaṅghaṃ dassanatthāya āgatamhāti attho. So pana, brahmā, imaṃ gāthaṃ bhāsitvā, bhagavantaṃ abhivādetvā, puratthimacakkavāḷamukhavaṭṭiyaṃyeva aṭṭhāsi.
ат̇а д̣̇уд̇ияо вуд̇д̇анаязнзва ааг̇анд̇ваа абхааси. д̇ад̇т̇а д̇ад̇ра бхигкавод̇и д̇асмим̣ саннибаад̇адтаанз бхигкуу. самаад̣̇ахам̣сууд̇и самаад̇хинаа яож̇зсум̣. жид̇д̇амад̇д̇ано уж̇угам̣ агам̣сууд̇и ад̇д̇ано жид̇д̇з саб̣б̣з ван̇гагудилаж̇имхабхаавз харид̇ваа уж̇угам̣ агарим̣су. саарат̇ийва нзд̇д̇аани г̇ахзд̇ваад̇и яат̇аа самаббавад̇д̇зсу синд̇хавзсу од̇хасд̇абад̇од̣̇о саарат̇ий саб̣б̣аяод̇д̇аани г̇ахзд̇ваа ажод̣̇знд̇о аваарзнд̇о д̇идтад̇и, звам̣ чал̣ан̇г̇убзгкааяа саманнааг̇ад̇аа г̇уд̇д̇ад̣̇ваараа саб̣б̣збзд̇з бан̃жасад̇аа бхигкуу инд̣̇рияаани рагканд̇и бан̣д̣ид̇аа, зд̇з д̣̇адтум̣ ид̇хааг̇ад̇амхаа бхаг̇аваад̇и, соби г̇анд̇ваа яат̇аатаанзязва адтааси.
Atha dutiyo vuttanayeneva āgantvā abhāsi. Tattha tatra bhikkhavoti tasmiṃ sannipātaṭṭhāne bhikkhū. Samādahaṃsūti samādhinā yojesuṃ. Cittamattano ujukaṃ akaṃsūti attano citte sabbe vaṅkakuṭilajimhabhāve haritvā ujukaṃ akariṃsu. Sārathīva nettāni gahetvāti yathā samappavattesu sindhavesu odhastapatodo sārathī sabbayottāni gahetvā acodento avārento tiṭṭhati, evaṃ chaḷaṅgupekkhāya samannāgatā guttadvārā sabbepete pañcasatā bhikkhū indriyāni rakkhanti paṇḍitā, ete daṭṭhuṃ idhāgatamhā bhagavāti, sopi gantvā yathāṭhāneyeva aṭṭhāsi.
ат̇а д̇ад̇ияо вуд̇д̇анаязнзва ааг̇анд̇ваа абхааси. д̇ад̇т̇а чзд̇ваа кийланд̇и рааг̇ад̣̇осамохакийлам̣ чинд̣̇ид̇ваа. балигханд̇и рааг̇ад̣̇осамохабалигхамзва. инд̣̇акийланд̇и рааг̇ад̣̇осамохаинд̣̇акийламзва . уухажжа манзж̇аад̇и зд̇з д̇ан̣хаазж̇ааяа анзж̇аа бхигкуу инд̣̇акийлам̣ уухажжа самууханид̇ваа жад̇уусу д̣̇исаасу аббадихад̇ажааригам̣ жаранд̇и. суд̣̇д̇хаад̇и нирубаггилзсаа. вималаад̇и ниммалаа. ид̣̇ам̣ д̇ассзва взважанам̣. жагкумад̇аад̇и бан̃жахи жагкуухи жагкуманд̇зна. суд̣̇анд̇аад̇и жагкуд̇оби д̣̇анд̇аа сод̇ад̇оби гхаанад̇оби ж̇ивхаад̇оби гааяад̇оби манад̇оби д̣̇анд̇аа. сусунааг̇аад̇и д̇арун̣анааг̇аа. д̇ад̇рааяам̣ важанад̇т̇о – чанд̣̇аад̣̇ийхи на г̇ажчанд̇ийд̇и нааг̇аа, д̇зна д̇зна маг̇г̇зна бахийнз гилзсз на ааг̇ажчанд̇ийд̇и нааг̇аа, наанаббагаарам̣ ааг̇ум̣ на гаронд̇ийд̇и нааг̇аа. аяамзд̇т̇а сан̇кзбо, вид̇т̇ааро бана махаанид̣̇д̣̇зсз (махаани. 80) вуд̇д̇анаязнзва взд̣̇ид̇аб̣б̣о.
Atha tatiyo vuttanayeneva āgantvā abhāsi. Tattha chetvā khīlanti rāgadosamohakhīlaṃ chinditvā. Palighanti rāgadosamohapalighameva. Indakhīlanti rāgadosamohaindakhīlameva . Ūhacca manejāti ete taṇhāejāya anejā bhikkhū indakhīlaṃ ūhacca samūhanitvā catūsu disāsu appaṭihatacārikaṃ caranti. Suddhāti nirupakkilesā. Vimalāti nimmalā. Idaṃ tasseva vevacanaṃ. Cakkhumatāti pañcahi cakkhūhi cakkhumantena. Sudantāti cakkhutopi dantā sotatopi ghānatopi jivhātopi kāyatopi manatopi dantā. Susunāgāti taruṇanāgā. Tatrāyaṃ vacanattho – chandādīhi na gacchantīti nāgā, tena tena maggena pahīne kilese na āgacchantīti nāgā, nānappakāraṃ āguṃ na karontīti nāgā. Ayamettha saṅkhepo, vitthāro pana mahāniddese (mahāni. 80) vuttanayeneva veditabbo.
абижа –
Apica –
‘‘ааг̇ум̣ на гарод̇и гин̃жи логз,
‘‘Āguṃ na karoti kiñci loke,
саб̣б̣асам̣яог̇а висаж̇ж̇а б̣анд̇ханаани;
Sabbasaṃyoga visajja bandhanāni;
саб̣б̣ад̇т̇а на саж̇ж̇ад̇ий вимуд̇д̇о,
Sabbattha na sajjatī vimutto,
нааг̇о д̇аад̣̇и бавужжад̇з д̇ат̇ад̇д̇аа’’д̇и. –
Nāgo tādi pavuccate tathattā’’ti. –
звамзд̇т̇а ад̇т̇о взд̣̇ид̇аб̣б̣о. сусунааг̇аад̇и сусуу нааг̇аа, сусунааг̇абхаавасамбад̇д̇им̣ бад̇д̇аад̇и ад̇т̇о. д̇з зваруубз ануд̇д̇арзна яог̇г̇аажариязна д̣̇амид̇з д̇арун̣анааг̇з д̣̇ассанааяа ааг̇ад̇амха бхаг̇аваад̇и. соби г̇анд̇ваа яат̇аатаанзязва адтааси.
Evamettha attho veditabbo. Susunāgāti susū nāgā, susunāgabhāvasampattiṃ pattāti attho. Te evarūpe anuttarena yoggācariyena damite taruṇanāge dassanāya āgatamha bhagavāti. Sopi gantvā yathāṭhāneyeva aṭṭhāsi.
ат̇а жад̇уд̇т̇о вуд̇д̇анаязнзва ааг̇анд̇ваа абхааси. д̇ад̇т̇а г̇ад̇аасзд̇и ниб̣б̣змад̇игасаран̣аг̇аманзна г̇ад̇аа. соби г̇анд̇ваа яат̇аатаанзязва адтаасийд̇и. сад̇д̇амам̣.
Atha catuttho vuttanayeneva āgantvā abhāsi. Tattha gatāseti nibbematikasaraṇagamanena gatā. Sopi gantvā yathāṭhāneyeva aṭṭhāsīti. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. самаяасуд̇д̇ам̣ • 7. Samayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. самаяасуд̇д̇аван̣н̣анаа • 7. Samayasuttavaṇṇanā
