| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೫. ಸಾಮಞ್ಞವಗ್ಗೋ
5. Sāmaññavaggo
೧-೧೦. ಸಮ್ಬಾಧಸುತ್ತಾದಿವಣ್ಣನಾ
1-10. Sambādhasuttādivaṇṇanā
೪೨-೫೧. ಪಞ್ಚಮಸ್ಸ ಪಠಮೇ ಉದಾಯೀತಿ ತಯೋ ಥೇರಾ ಉದಾಯೀ ನಾಮ ಕಾಳುದಾಯೀ, ಲಾಳುದಾಯೀ, ಮಹಾಉದಾಯೀತಿ, ಇಧ ಕಾಳುದಾಯೀ ಅಧಿಪ್ಪೇತೋತಿ ಆಹ ‘‘ಉದಾಯೀತಿ ಕಾಳುದಾಯಿತ್ಥೇರೋ’’ತಿ। ಸಮ್ಬಾಧೇತಿ ಸಮ್ಪೀಳಿತತಣ್ಹಾಸಂಕಿಲೇಸಾದಿನಾ ಸಉಪ್ಪೀಳನತಾಯ ಪರಮಸಮ್ಬಾಧೇ। ಅತಿವಿಯ ಸಙ್ಕರಟ್ಠಾನಭೂತೋ ಹಿ ನೀವರಣಸಮ್ಬಾಧೋ ಅಧಿಪ್ಪೇತೋ। ಓಕಾಸೋತಿ ಝಾನಸ್ಸೇತಂ ನಾಮಂ। ನೀವರಣಸಮ್ಬಾಧಾಭಾವೇನ ಹಿ ಝಾನಂ ಇಧ ‘‘ಓಕಾಸೋ’’ತಿ ವುತ್ತಂ। ಪಟಿಲೀನನಿಸಭೋತಿ ವಾ ಪಟಿಲೀನೋ ಹುತ್ವಾ ಸೇಟ್ಠೋ, ಪಟಿಲೀನಾನಂ ವಾ ಸೇಟ್ಠೋತಿ ಪಟಿಲೀನನಿಸಭೋ। ಪಟಿಲೀನಾ ನಾಮ ಪಹೀನಮಾನಾ ವುಚ್ಚನ್ತಿ ಮಾನುಸ್ಸಯವಸೇನ ಉಣ್ಣತಾಭಾವತೋ। ಯಥಾಹ ‘‘ಕಥಞ್ಚ, ಭಿಕ್ಖವೇ, ಭಿಕ್ಖು ಪಟಿಲೀನೋ ಹೋತಿ? ಇಧ, ಭಿಕ್ಖವೇ, ಭಿಕ್ಖುನೋ ಅಸ್ಮಿಮಾನೋ ಪಹೀನೋ ಹೋತಿ ಉಚ್ಛಿನ್ನಮೂಲೋ ತಾಲಾವತ್ಥುಕತೋ ಅನಭಾವಂಗತೋ ಆಯತಿಂ ಅನುಪ್ಪಾದಧಮ್ಮೋ’’ತಿ (ಅ॰ ನಿ॰ ೪.೩೮; ಮಹಾನಿ॰ ೮೭)। ಸೇಸಂ ಸಬ್ಬತ್ಥ ಉತ್ತಾನಮೇವ।
42-51. Pañcamassa paṭhame udāyīti tayo therā udāyī nāma kāḷudāyī, lāḷudāyī, mahāudāyīti, idha kāḷudāyī adhippetoti āha ‘‘udāyīti kāḷudāyitthero’’ti. Sambādheti sampīḷitataṇhāsaṃkilesādinā sauppīḷanatāya paramasambādhe. Ativiya saṅkaraṭṭhānabhūto hi nīvaraṇasambādho adhippeto. Okāsoti jhānassetaṃ nāmaṃ. Nīvaraṇasambādhābhāvena hi jhānaṃ idha ‘‘okāso’’ti vuttaṃ. Paṭilīnanisabhoti vā paṭilīno hutvā seṭṭho, paṭilīnānaṃ vā seṭṭhoti paṭilīnanisabho. Paṭilīnā nāma pahīnamānā vuccanti mānussayavasena uṇṇatābhāvato. Yathāha ‘‘kathañca, bhikkhave, bhikkhu paṭilīno hoti? Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṃgato āyatiṃ anuppādadhammo’’ti (a. ni. 4.38; mahāni. 87). Sesaṃ sabbattha uttānameva.
ಸಮ್ಬಾಧಸುತ್ತಾದಿವಣ್ಣನಾ ನಿಟ್ಠಿತಾ।
Sambādhasuttādivaṇṇanā niṭṭhitā.
ಇತಿ ಮನೋರಥಪೂರಣಿಯಾ ಅಙ್ಗುತ್ತರನಿಕಾಯ-ಅಟ್ಠಕಥಾಯ
Iti manorathapūraṇiyā aṅguttaranikāya-aṭṭhakathāya
ನವಕನಿಪಾತವಣ್ಣನಾಯ ಅನುತ್ತಾನತ್ಥದೀಪನಾ ಸಮತ್ತಾ।
Navakanipātavaṇṇanāya anuttānatthadīpanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೧. ಸಮ್ಬಾಧಸುತ್ತಂ • 1. Sambādhasuttaṃ
೨. ಕಾಯಸಕ್ಖೀಸುತ್ತಂ • 2. Kāyasakkhīsuttaṃ
೩. ಪಞ್ಞಾವಿಮುತ್ತಸುತ್ತಂ • 3. Paññāvimuttasuttaṃ
೪. ಉಭತೋಭಾಗವಿಮುತ್ತಸುತ್ತಂ • 4. Ubhatobhāgavimuttasuttaṃ
೫. ಸನ್ದಿಟ್ಠಿಕಧಮ್ಮಸುತ್ತಂ • 5. Sandiṭṭhikadhammasuttaṃ
೬. ಸನ್ದಿಟ್ಠಿಕನಿಬ್ಬಾನಸುತ್ತಂ • 6. Sandiṭṭhikanibbānasuttaṃ
೭. ನಿಬ್ಬಾನಸುತ್ತಂ • 7. Nibbānasuttaṃ
೮. ಪರಿನಿಬ್ಬಾನಸುತ್ತಂ • 8. Parinibbānasuttaṃ
೯. ತದಙ್ಗನಿಬ್ಬಾನಸುತ್ತಂ • 9. Tadaṅganibbānasuttaṃ
೧೦. ದಿಟ್ಠಧಮ್ಮನಿಬ್ಬಾನಸುತ್ತಂ • 10. Diṭṭhadhammanibbānasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೧. ಸಮ್ಬಾಧಸುತ್ತವಣ್ಣನಾ • 1. Sambādhasuttavaṇṇanā
೨. ಕಾಯಸಕ್ಖಿಸುತ್ತವಣ್ಣನಾ • 2. Kāyasakkhisuttavaṇṇanā
೩. ಪಞ್ಞಾವಿಮುತ್ತಸುತ್ತವಣ್ಣನಾ • 3. Paññāvimuttasuttavaṇṇanā
೪. ಉಭತೋಭಾಗವಿಮುತ್ತಸುತ್ತವಣ್ಣನಾ • 4. Ubhatobhāgavimuttasuttavaṇṇanā
೫-೧೦. ಸನ್ದಿಟ್ಠಿಕಧಮ್ಮಸುತ್ತಾದಿವಣ್ಣನಾ • 5-10. Sandiṭṭhikadhammasuttādivaṇṇanā
