| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. ஸாமஞ்ஞவக்³கோ³
5. Sāmaññavaggo
1. ஸம்பா³த⁴ஸுத்தவண்ணனா
1. Sambādhasuttavaṇṇanā
42. பஞ்சமஸ்ஸ பட²மே உதா³யீதி காளுதா³யித்தே²ரோ. அவித்³வாதி அஞ்ஞாஸி. பூ⁴ரிமேத⁴ஸோதி மஹாபஞ்ஞோ. யோ ஜா²னமபு³ஜ்ஜீ²தி யோ ஜா²னங் அபு³ஜ்ஜி². படிலீனநிஸபோ⁴தி ஏகீபா⁴வவஸேன படிலீனோ சேவ உத்தமட்டே²ன ச நிஸபோ⁴. முனீதி பு³த்³த⁴முனி. பரியாயேனாதி ஏகேன காரணேன. காமஸம்பா³த⁴ஸ்ஸ ஹி அபா⁴வமத்தேனேவ பட²மஜ்ஜா²னங் ஓகாஸாதி⁴க³மோ நாம, ந ஸப்³ப³தா² ஸப்³ப³ங். தத்ராபத்தி² ஸம்பா³தோ⁴தி தஸ்மிம்பி பட²மஜ்ஜா²னே ஸம்பா³தோ⁴ படிபீளனங் அத்தி²யேவ. தத்ராபித்தீ²திபி பாடோ². கிஞ்ச தத்த² ஸம்பா³தோ⁴தி தஸ்மிங் பன ஜா²னே கிங் ஸம்பா³தோ⁴ நாம. அயமெத்த² ஸம்பா³தோ⁴தி அயங் விதக்கவிசாரானங் அனிருத்³த⁴பா⁴வோ ஸம்பா³தோ⁴ ஸங்பீளா நாம. இமினா உபாயேன ஸப்³ப³வாரேஸு அத்தோ² வேதி³தப்³போ³. நிப்பரியாயேனாதி ந ஏகேன காரணேன, அத² கோ² ஆஸவக்க²யோ நாம ஸப்³ப³ஸம்பா³தா⁴னங் பஹீனத்தா ஸப்³பே³ன ஸப்³ப³ங் ஓகாஸாதி⁴க³மோ நாமாதி.
42. Pañcamassa paṭhame udāyīti kāḷudāyitthero. Avidvāti aññāsi. Bhūrimedhasoti mahāpañño. Yo jhānamabujjhīti yo jhānaṃ abujjhi. Paṭilīnanisabhoti ekībhāvavasena paṭilīno ceva uttamaṭṭhena ca nisabho. Munīti buddhamuni. Pariyāyenāti ekena kāraṇena. Kāmasambādhassa hi abhāvamatteneva paṭhamajjhānaṃ okāsādhigamo nāma, na sabbathā sabbaṃ. Tatrāpatthi sambādhoti tasmimpi paṭhamajjhāne sambādho paṭipīḷanaṃ atthiyeva. Tatrāpitthītipi pāṭho. Kiñca tattha sambādhoti tasmiṃ pana jhāne kiṃ sambādho nāma. Ayamettha sambādhoti ayaṃ vitakkavicārānaṃ aniruddhabhāvo sambādho saṃpīḷā nāma. Iminā upāyena sabbavāresu attho veditabbo. Nippariyāyenāti na ekena kāraṇena, atha kho āsavakkhayo nāma sabbasambādhānaṃ pahīnattā sabbena sabbaṃ okāsādhigamo nāmāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. ஸம்பா³த⁴ஸுத்தங் • 1. Sambādhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. ஸம்பா³த⁴ஸுத்தாதி³வண்ணனா • 1-10. Sambādhasuttādivaṇṇanā
