| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৫. সামঞ্ঞৰগ্গো
5. Sāmaññavaggo
১. সম্বাধসুত্তৰণ্ণনা
1. Sambādhasuttavaṇṇanā
৪২. পঞ্চমস্স পঠমে উদাযীতি কাল়ুদাযিত্থেরো। অৰিদ্ৰাতি অঞ্ঞাসি। ভূরিমেধসোতি মহাপঞ্ঞো। যো ঝানমবুজ্ঝীতি যো ঝানং অবুজ্ঝি। পটিলীননিসভোতি একীভাৰৰসেন পটিলীনো চেৰ উত্তমট্ঠেন চ নিসভো। মুনীতি বুদ্ধমুনি। পরিযাযেনাতি একেন কারণেন। কামসম্বাধস্স হি অভাৰমত্তেনেৰ পঠমজ্ঝানং ওকাসাধিগমো নাম, ন সব্বথা সব্বং। তত্রাপত্থি সম্বাধোতি তস্মিম্পি পঠমজ্ঝানে সম্বাধো পটিপীল়নং অত্থিযেৰ। তত্রাপিত্থীতিপি পাঠো। কিঞ্চ তত্থ সম্বাধোতি তস্মিং পন ঝানে কিং সম্বাধো নাম। অযমেত্থ সম্বাধোতি অযং ৰিতক্কৰিচারানং অনিরুদ্ধভাৰো সম্বাধো সংপীল়া নাম। ইমিনা উপাযেন সব্বৰারেসু অত্থো ৰেদিতব্বো। নিপ্পরিযাযেনাতি ন একেন কারণেন, অথ খো আসৰক্খযো নাম সব্বসম্বাধানং পহীনত্তা সব্বেন সব্বং ওকাসাধিগমো নামাতি।
42. Pañcamassa paṭhame udāyīti kāḷudāyitthero. Avidvāti aññāsi. Bhūrimedhasoti mahāpañño. Yo jhānamabujjhīti yo jhānaṃ abujjhi. Paṭilīnanisabhoti ekībhāvavasena paṭilīno ceva uttamaṭṭhena ca nisabho. Munīti buddhamuni. Pariyāyenāti ekena kāraṇena. Kāmasambādhassa hi abhāvamatteneva paṭhamajjhānaṃ okāsādhigamo nāma, na sabbathā sabbaṃ. Tatrāpatthi sambādhoti tasmimpi paṭhamajjhāne sambādho paṭipīḷanaṃ atthiyeva. Tatrāpitthītipi pāṭho. Kiñca tattha sambādhoti tasmiṃ pana jhāne kiṃ sambādho nāma. Ayamettha sambādhoti ayaṃ vitakkavicārānaṃ aniruddhabhāvo sambādho saṃpīḷā nāma. Iminā upāyena sabbavāresu attho veditabbo. Nippariyāyenāti na ekena kāraṇena, atha kho āsavakkhayo nāma sabbasambādhānaṃ pahīnattā sabbena sabbaṃ okāsādhigamo nāmāti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১. সম্বাধসুত্তং • 1. Sambādhasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. সম্বাধসুত্তাদিৰণ্ণনা • 1-10. Sambādhasuttādivaṇṇanā
