| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਸਾਮਞ੍ਞવਗ੍ਗੋ
5. Sāmaññavaggo
੧. ਸਮ੍ਬਾਧਸੁਤ੍ਤવਣ੍ਣਨਾ
1. Sambādhasuttavaṇṇanā
੪੨. ਪਞ੍ਚਮਸ੍ਸ ਪਠਮੇ ਉਦਾਯੀਤਿ ਕਾਲ਼ੁਦਾਯਿਤ੍ਥੇਰੋ। ਅવਿਦ੍વਾਤਿ ਅਞ੍ਞਾਸਿ। ਭੂਰਿਮੇਧਸੋਤਿ ਮਹਾਪਞ੍ਞੋ। ਯੋ ਝਾਨਮਬੁਜ੍ਝੀਤਿ ਯੋ ਝਾਨਂ ਅਬੁਜ੍ਝਿ। ਪਟਿਲੀਨਨਿਸਭੋਤਿ ਏਕੀਭਾવવਸੇਨ ਪਟਿਲੀਨੋ ਚੇવ ਉਤ੍ਤਮਟ੍ਠੇਨ ਚ ਨਿਸਭੋ। ਮੁਨੀਤਿ ਬੁਦ੍ਧਮੁਨਿ। ਪਰਿਯਾਯੇਨਾਤਿ ਏਕੇਨ ਕਾਰਣੇਨ। ਕਾਮਸਮ੍ਬਾਧਸ੍ਸ ਹਿ ਅਭਾવਮਤ੍ਤੇਨੇવ ਪਠਮਜ੍ਝਾਨਂ ਓਕਾਸਾਧਿਗਮੋ ਨਾਮ, ਨ ਸਬ੍ਬਥਾ ਸਬ੍ਬਂ। ਤਤ੍ਰਾਪਤ੍ਥਿ ਸਮ੍ਬਾਧੋਤਿ ਤਸ੍ਮਿਮ੍ਪਿ ਪਠਮਜ੍ਝਾਨੇ ਸਮ੍ਬਾਧੋ ਪਟਿਪੀਲ਼ਨਂ ਅਤ੍ਥਿਯੇવ। ਤਤ੍ਰਾਪਿਤ੍ਥੀਤਿਪਿ ਪਾਠੋ। ਕਿਞ੍ਚ ਤਤ੍ਥ ਸਮ੍ਬਾਧੋਤਿ ਤਸ੍ਮਿਂ ਪਨ ਝਾਨੇ ਕਿਂ ਸਮ੍ਬਾਧੋ ਨਾਮ। ਅਯਮੇਤ੍ਥ ਸਮ੍ਬਾਧੋਤਿ ਅਯਂ વਿਤਕ੍ਕવਿਚਾਰਾਨਂ ਅਨਿਰੁਦ੍ਧਭਾવੋ ਸਮ੍ਬਾਧੋ ਸਂਪੀਲ਼ਾ ਨਾਮ। ਇਮਿਨਾ ਉਪਾਯੇਨ ਸਬ੍ਬવਾਰੇਸੁ ਅਤ੍ਥੋ વੇਦਿਤਬ੍ਬੋ। ਨਿਪ੍ਪਰਿਯਾਯੇਨਾਤਿ ਨ ਏਕੇਨ ਕਾਰਣੇਨ, ਅਥ ਖੋ ਆਸવਕ੍ਖਯੋ ਨਾਮ ਸਬ੍ਬਸਮ੍ਬਾਧਾਨਂ ਪਹੀਨਤ੍ਤਾ ਸਬ੍ਬੇਨ ਸਬ੍ਬਂ ਓਕਾਸਾਧਿਗਮੋ ਨਾਮਾਤਿ।
42. Pañcamassa paṭhame udāyīti kāḷudāyitthero. Avidvāti aññāsi. Bhūrimedhasoti mahāpañño. Yo jhānamabujjhīti yo jhānaṃ abujjhi. Paṭilīnanisabhoti ekībhāvavasena paṭilīno ceva uttamaṭṭhena ca nisabho. Munīti buddhamuni. Pariyāyenāti ekena kāraṇena. Kāmasambādhassa hi abhāvamatteneva paṭhamajjhānaṃ okāsādhigamo nāma, na sabbathā sabbaṃ. Tatrāpatthi sambādhoti tasmimpi paṭhamajjhāne sambādho paṭipīḷanaṃ atthiyeva. Tatrāpitthītipi pāṭho. Kiñca tattha sambādhoti tasmiṃ pana jhāne kiṃ sambādho nāma. Ayamettha sambādhoti ayaṃ vitakkavicārānaṃ aniruddhabhāvo sambādho saṃpīḷā nāma. Iminā upāyena sabbavāresu attho veditabbo. Nippariyāyenāti na ekena kāraṇena, atha kho āsavakkhayo nāma sabbasambādhānaṃ pahīnattā sabbena sabbaṃ okāsādhigamo nāmāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਸਮ੍ਬਾਧਸੁਤ੍ਤਂ • 1. Sambādhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਸਮ੍ਬਾਧਸੁਤ੍ਤਾਦਿવਣ੍ਣਨਾ • 1-10. Sambādhasuttādivaṇṇanā
