| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൫. സാമഞ്ഞവഗ്ഗോ
5. Sāmaññavaggo
൧. സമ്ബാധസുത്തവണ്ണനാ
1. Sambādhasuttavaṇṇanā
൪൨. പഞ്ചമസ്സ പഠമേ ഉദായീതി കാളുദായിത്ഥേരോ. അവിദ്വാതി അഞ്ഞാസി. ഭൂരിമേധസോതി മഹാപഞ്ഞോ. യോ ഝാനമബുജ്ഝീതി യോ ഝാനം അബുജ്ഝി. പടിലീനനിസഭോതി ഏകീഭാവവസേന പടിലീനോ ചേവ ഉത്തമട്ഠേന ച നിസഭോ. മുനീതി ബുദ്ധമുനി. പരിയായേനാതി ഏകേന കാരണേന. കാമസമ്ബാധസ്സ ഹി അഭാവമത്തേനേവ പഠമജ്ഝാനം ഓകാസാധിഗമോ നാമ, ന സബ്ബഥാ സബ്ബം. തത്രാപത്ഥി സമ്ബാധോതി തസ്മിമ്പി പഠമജ്ഝാനേ സമ്ബാധോ പടിപീളനം അത്ഥിയേവ. തത്രാപിത്ഥീതിപി പാഠോ. കിഞ്ച തത്ഥ സമ്ബാധോതി തസ്മിം പന ഝാനേ കിം സമ്ബാധോ നാമ. അയമേത്ഥ സമ്ബാധോതി അയം വിതക്കവിചാരാനം അനിരുദ്ധഭാവോ സമ്ബാധോ സംപീളാ നാമ. ഇമിനാ ഉപായേന സബ്ബവാരേസു അത്ഥോ വേദിതബ്ബോ. നിപ്പരിയായേനാതി ന ഏകേന കാരണേന, അഥ ഖോ ആസവക്ഖയോ നാമ സബ്ബസമ്ബാധാനം പഹീനത്താ സബ്ബേന സബ്ബം ഓകാസാധിഗമോ നാമാതി.
42. Pañcamassa paṭhame udāyīti kāḷudāyitthero. Avidvāti aññāsi. Bhūrimedhasoti mahāpañño. Yo jhānamabujjhīti yo jhānaṃ abujjhi. Paṭilīnanisabhoti ekībhāvavasena paṭilīno ceva uttamaṭṭhena ca nisabho. Munīti buddhamuni. Pariyāyenāti ekena kāraṇena. Kāmasambādhassa hi abhāvamatteneva paṭhamajjhānaṃ okāsādhigamo nāma, na sabbathā sabbaṃ. Tatrāpatthi sambādhoti tasmimpi paṭhamajjhāne sambādho paṭipīḷanaṃ atthiyeva. Tatrāpitthītipi pāṭho. Kiñca tattha sambādhoti tasmiṃ pana jhāne kiṃ sambādho nāma. Ayamettha sambādhoti ayaṃ vitakkavicārānaṃ aniruddhabhāvo sambādho saṃpīḷā nāma. Iminā upāyena sabbavāresu attho veditabbo. Nippariyāyenāti na ekena kāraṇena, atha kho āsavakkhayo nāma sabbasambādhānaṃ pahīnattā sabbena sabbaṃ okāsādhigamo nāmāti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧. സമ്ബാധസുത്തം • 1. Sambādhasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൦. സമ്ബാധസുത്താദിവണ്ണനാ • 1-10. Sambādhasuttādivaṇṇanā
