| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. самб̣ахулабхигкусуд̇д̇ам̣
8. Sambahulabhikkhusuttaṃ
81. ат̇а ко самб̣ахулаа бхигкуу язна бхаг̇аваа д̇знубасан̇гамим̣су…бз… згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ид̇ха но, бханд̇з, ан̃н̃ад̇ид̇т̇ияаа бариб̣б̣ааж̇агаа амхз звам̣ бужчанд̇и – ‘гимад̇т̇ияам̣, аавусо, саман̣з г̇од̇амз б̣рахмажарияам̣ вуссад̇ий’д̇и? звам̣ будтаа маяам̣, бханд̇з, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарома – ‘д̣̇угкасса ко, аавусо, барин̃н̃ад̇т̇ам̣ бхаг̇авад̇и б̣рахмажарияам̣ вуссад̇ий’д̇и. гажжи маяам̣, бханд̇з, звам̣ будтаа звам̣ б̣яаагарамаанаа вуд̇д̇аваад̣̇ино жзва бхаг̇авад̇о хома, на жа бхаг̇аванд̇ам̣ абхууд̇зна аб̣бхаажигкаама, д̇хаммасса жаануд̇хаммам̣ б̣яаагарома, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчад̇ий’’д̇и?
81. Atha kho sambahulā bhikkhū yena bhagavā tenupasaṅkamiṃsu…pe… ekamantaṃ nisinnā kho te bhikkhū bhagavantaṃ etadavocuṃ – ‘‘idha no, bhante, aññatitthiyā paribbājakā amhe evaṃ pucchanti – ‘kimatthiyaṃ, āvuso, samaṇe gotame brahmacariyaṃ vussatī’ti? Evaṃ puṭṭhā mayaṃ, bhante, tesaṃ aññatitthiyānaṃ paribbājakānaṃ evaṃ byākaroma – ‘dukkhassa kho, āvuso, pariññatthaṃ bhagavati brahmacariyaṃ vussatī’ti. Kacci mayaṃ, bhante, evaṃ puṭṭhā evaṃ byākaramānā vuttavādino ceva bhagavato homa, na ca bhagavantaṃ abhūtena abbhācikkhāma, dhammassa cānudhammaṃ byākaroma, na ca koci sahadhammiko vādānuvādo gārayhaṃ ṭhānaṃ āgacchatī’’ti?
‘‘д̇аг̇гха д̇умхз, бхигкавз, звам̣ будтаа звам̣ б̣яаагарамаанаа вуд̇д̇аваад̣̇ино жзва мз хот̇а, на жа мам̣ абхууд̇зна аб̣бхаажигкат̇а, д̇хаммасса жаануд̇хаммам̣ б̣яаагарот̇а, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчад̇и. д̣̇угкасса хи, бхигкавз, барин̃н̃ад̇т̇ам̣ маяи б̣рахмажарияам̣ вуссад̇и. сажз бана во, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘гад̇амам̣ бана д̇ам̣, аавусо, д̣̇угкам̣, яасса барин̃н̃ааяа саман̣з г̇од̇амз б̣рахмажарияам̣ вуссад̇ий’д̇и? звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а – ‘жагку ко, аавусо, д̣̇угкам̣, д̇асса барин̃н̃ааяа бхаг̇авад̇и б̣рахмажарияам̣ вуссад̇и. руубаа…бз… яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби д̣̇угкам̣. д̇асса барин̃н̃ааяа бхаг̇авад̇и б̣рахмажарияам̣ вуссад̇и…бз… мано д̣̇угко…бз… яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби д̣̇угкам̣. д̇асса барин̃н̃ааяа бхаг̇авад̇и б̣рахмажарияам̣ вуссад̇и. ид̣̇ам̣ ко д̇ам̣, аавусо, д̣̇угкам̣, д̇асса барин̃н̃ааяа бхаг̇авад̇и б̣рахмажарияам̣ вуссад̇ий’д̇и. звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇аа’’д̇и. адтамам̣.
‘‘Taggha tumhe, bhikkhave, evaṃ puṭṭhā evaṃ byākaramānā vuttavādino ceva me hotha, na ca maṃ abhūtena abbhācikkhatha, dhammassa cānudhammaṃ byākarotha, na ca koci sahadhammiko vādānuvādo gārayhaṃ ṭhānaṃ āgacchati. Dukkhassa hi, bhikkhave, pariññatthaṃ mayi brahmacariyaṃ vussati. Sace pana vo, bhikkhave, aññatitthiyā paribbājakā evaṃ puccheyyuṃ – ‘katamaṃ pana taṃ, āvuso, dukkhaṃ, yassa pariññāya samaṇe gotame brahmacariyaṃ vussatī’ti? Evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha – ‘cakkhu kho, āvuso, dukkhaṃ, tassa pariññāya bhagavati brahmacariyaṃ vussati. Rūpā…pe… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhaṃ. Tassa pariññāya bhagavati brahmacariyaṃ vussati…pe… mano dukkho…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhaṃ. Tassa pariññāya bhagavati brahmacariyaṃ vussati. Idaṃ kho taṃ, āvuso, dukkhaṃ, tassa pariññāya bhagavati brahmacariyaṃ vussatī’ti. Evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyāthā’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. самб̣ахулабхигкусуд̇д̇аван̣н̣анаа • 8. Sambahulabhikkhusuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. самб̣ахулабхигкусуд̇д̇аван̣н̣анаа • 8. Sambahulabhikkhusuttavaṇṇanā
