| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. සම්‌බහුලභික්‌ඛුසුත්‌තං
6. Sambahulabhikkhusuttaṃ
274. අථ ඛො සම්‌බහුලා භික්‌ඛූ යෙන භගවා තෙනුපසඞ්‌කමිංසු; උපසඞ්‌කමිත්‌වා…පෙ.… එකමන්‌තං නිසින්‌නා ඛො තෙ භික්‌ඛූ භගවන්‌තං එතදවොචුං – ‘‘කතමා නු ඛො, භන්‌තෙ, වෙදනා, කතමො වෙදනාසමුදයො, කතමා වෙදනාසමුදයගාමිනී පටිපදා? කතමො වෙදනානිරොධො, කතමා වෙදනානිරොධගාමිනී පටිපදා? කො වෙදනාය අස්‌සාදො, කො ආදීනවො, කිං නිස්‌සරණ’’න්‌ති? ‘‘තිස්‌සො ඉමා, භික්‌ඛවෙ, වෙදනා – සුඛා වෙදනා, දුක්‌ඛා වෙදනා, අදුක්‌ඛමසුඛා වෙදනා. ඉමා වුච්‌චන්‌ති, භික්‌ඛවෙ, වෙදනා. ඵස්‌සසමුදයා වෙදනාසමුදයො. තණ්‌හා වෙදනාසමුදයගාමිනී පටිපදා. ඵස්‌සනිරොධා…පෙ.… යො වෙදනාය ඡන්‌දරාගවිනයො ඡන්‌දරාගප්‌පහානං. ඉදං වෙදනාය නිස්‌සරණ’’න්‌ති. ඡට්‌ඨං.
274. Atha kho sambahulā bhikkhū yena bhagavā tenupasaṅkamiṃsu; upasaṅkamitvā…pe… ekamantaṃ nisinnā kho te bhikkhū bhagavantaṃ etadavocuṃ – ‘‘katamā nu kho, bhante, vedanā, katamo vedanāsamudayo, katamā vedanāsamudayagāminī paṭipadā? Katamo vedanānirodho, katamā vedanānirodhagāminī paṭipadā? Ko vedanāya assādo, ko ādīnavo, kiṃ nissaraṇa’’nti? ‘‘Tisso imā, bhikkhave, vedanā – sukhā vedanā, dukkhā vedanā, adukkhamasukhā vedanā. Imā vuccanti, bhikkhave, vedanā. Phassasamudayā vedanāsamudayo. Taṇhā vedanāsamudayagāminī paṭipadā. Phassanirodhā…pe… yo vedanāya chandarāgavinayo chandarāgappahānaṃ. Idaṃ vedanāya nissaraṇa’’nti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-10. අට්‌ඨසතසුත්‌තාදිවණ්‌ණනා • 2-10. Aṭṭhasatasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2-10. අට්‌ඨසතසුත්‌තාදිවණ්‌ණනා • 2-10. Aṭṭhasatasuttādivaṇṇanā
