| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৩. ততিযৰগ্গো
3. Tatiyavaggo
১. সম্বহুলসুত্তৰণ্ণনা
1. Sambahulasuttavaṇṇanā
১৫৭. জটাচুম্বটকেনাতি সীসে পটিমুক্কেন জটাকলাপেন। অপরিগ্গহব্রাহ্মণপব্বজিতা হি জটায উঞ্ছাচরিযং চরন্তি। উদুম্বরদণ্ডঞ্হি অত্তগুত্তত্থায গহিতং তেসং অপ্পিচ্ছভাৰপ্পকাসনং। তেনাহ ‘‘অপ্পিচ্ছভাৰপ্পকাসনত্থ’’ন্তি। সীসং ওকম্পেত্ৰাতি এত্থ অতিৰিয সীসস্স ওকম্পিতভাৰং দস্সেতুং ‘‘হনুকেন উরং পহরন্তো অধোনতং কত্ৰা’’তি ৰুত্তং। জিৰ্হং নীহরিত্ৰাতি লম্বনচালনৰসেন মুখতো নিক্খামেত্ৰা। তেনাহ ‘‘উদ্ধ’’ন্তিআদি। তিসাখন্তি তিভঙ্গভকুটি ৰিয নলাটে জাতত্তা নলাটিকং। তেনাহ ‘‘নলাটে উট্ঠিতং ৰলিত্তয’’ন্তি, তিভঙ্গৰলিকং নলাটে কত্ৰাতি অত্থো। অত্তনোৰ তেলেতি অত্তনোৰ পাপকম্মনিব্বত্তকে তেলে, পচিতব্বট্ঠানগেহেতি অধিপ্পাযো।
157.Jaṭācumbaṭakenāti sīse paṭimukkena jaṭākalāpena. Apariggahabrāhmaṇapabbajitā hi jaṭāya uñchācariyaṃ caranti. Udumbaradaṇḍañhi attaguttatthāya gahitaṃ tesaṃ appicchabhāvappakāsanaṃ. Tenāha ‘‘appicchabhāvappakāsanattha’’nti. Sīsaṃ okampetvāti ettha ativiya sīsassa okampitabhāvaṃ dassetuṃ ‘‘hanukena uraṃ paharanto adhonataṃ katvā’’ti vuttaṃ. Jivhaṃ nīharitvāti lambanacālanavasena mukhato nikkhāmetvā. Tenāha ‘‘uddha’’ntiādi. Tisākhanti tibhaṅgabhakuṭi viya nalāṭe jātattā nalāṭikaṃ. Tenāha ‘‘nalāṭe uṭṭhitaṃ valittaya’’nti, tibhaṅgavalikaṃ nalāṭe katvāti attho. Attanova teleti attanova pāpakammanibbattake tele, pacitabbaṭṭhānageheti adhippāyo.
সম্বহুলসুত্তৰণ্ণনা নিট্ঠিতা।
Sambahulasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. সম্বহুলসুত্তং • 1. Sambahulasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. সম্বহুলসুত্তৰণ্ণনা • 1. Sambahulasuttavaṇṇanā
