| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. সম্বহুলসুত্তৰণ্ণনা
4. Sambahulasuttavaṇṇanā
২২৪. সম্বহুলাতি সুত্তন্তনযেন সম্বহুলা। সুত্তন্তে সজ্ঝাযিংসূতি সুত্তন্তিকা। ৰিনযং ধারেন্তীতি ৰিনযধরা। যুঞ্জন্তীতি ৰাসধুরে যোগং করোন্তি। ঘটেন্তীতি তত্থ ৰাযামং করোন্তি। করোন্তানংযেৰ অরুণো উগ্গচ্ছতীতি সম্বন্ধো।
224.Sambahulāti suttantanayena sambahulā. Suttante sajjhāyiṃsūti suttantikā. Vinayaṃ dhārentīti vinayadharā. Yuñjantīti vāsadhure yogaṃ karonti. Ghaṭentīti tattha vāyāmaṃ karonti. Karontānaṃyeva aruṇo uggacchatīti sambandho.
কোমেতি কিং ইমে? তেনাহ ‘‘কহং ইমে’’তি? ৰজ্জিভূমিং ৰজ্জিরট্ঠং গতাতি ৰজ্জিভূমিযা। তেনাহ ‘‘ৰজ্জিরট্ঠাভিমুখা গতা’’তি। নত্থি এতেসং নিকেভং নিবদ্ধনিৰাসট্ঠানন্তি অনিকেতা তেনাহ ‘‘অগেহা’’তি। উতু এৰ সপ্পাযং, উতুৰসেন ৰা কাযচিত্তানং কল্লত্তা সপ্পাযং। এস নযো সেসেসুপি।
Kometi kiṃ ime? Tenāha ‘‘kahaṃ ime’’ti? Vajjibhūmiṃ vajjiraṭṭhaṃ gatāti vajjibhūmiyā. Tenāha ‘‘vajjiraṭṭhābhimukhā gatā’’ti. Natthi etesaṃ nikebhaṃ nibaddhanivāsaṭṭhānanti aniketā tenāha ‘‘agehā’’ti. Utu eva sappāyaṃ, utuvasena vā kāyacittānaṃ kallattā sappāyaṃ. Esa nayo sesesupi.
সম্বহুলসুত্তৰণ্ণনা নিট্ঠিতা।
Sambahulasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. সম্বহুলসুত্তং • 4. Sambahulasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. সম্বহুলসুত্তৰণ্ণনা • 4. Sambahulasuttavaṇṇanā
