| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. самб̣ахуласуд̇д̇аван̣н̣анаа
4. Sambahulasuttavaṇṇanā
224. жад̇уд̇т̇з самб̣ахулаад̇и б̣ахуу суд̇д̇анд̇игаа аабхид̇хаммигаа винаяад̇хараа жа. вихаранд̇ийд̇и сад̇т̇у санд̇игз гаммадтаанам̣ г̇ахзд̇ваа вихаранд̇и. баггамим̣сууд̇и д̇з гира д̇асмим̣ ж̇анабад̣̇з ан̃н̃ад̇арам̣ г̇аамам̣ убасан̇гаманд̇з д̣̇исваа мануссаа басаннажид̇д̇аа аасанасаалааяа гож̇авад̇т̇аран̣аад̣̇ийни бан̃н̃аабзд̇ваа яааг̇укаж̇ж̇агаани д̣̇ад̇ваа убанисийд̣̇им̣су. махаат̇зро згам̣ д̇хаммагат̇игам̣ ‘‘д̇хаммам̣ гат̇зхий’’д̇и ааха. со жид̇д̇ам̣ д̇хаммагат̇ам̣ гат̇зси. мануссаа басийд̣̇ид̇ваа бхож̇анавзлааяам̣ бан̣ийд̇абхож̇анам̣ ад̣̇ам̣су. махаат̇зро манун̃н̃ам̣ бхад̇д̇аанумод̣̇анамагааси. мануссаа бхияяосомад̇д̇ааяа басаннаа ‘‘ид̇хзва, бханд̇з, д̇змаасам̣ васат̇аа’’д̇и бадин̃н̃ам̣ гаарзд̇ваа г̇аманааг̇аманасамбаннз таанз сзнаасанаани гаарзд̇ваа жад̇уухи бажжаязхи убадтахим̣су. махаат̇зро вассуубанааяигад̣̇ивасз бхигкуу овад̣̇и – ‘‘аавусо, д̇умхзхи г̇аругасса сад̇т̇у санд̇игз гаммадтаанам̣ г̇ахид̇ам̣, б̣уд̣̇д̇хабаад̇убхааво наама д̣̇уллабхо. маасасса адта д̣̇ивасз д̇хаммассаванам̣ гад̇ваа г̇ан̣асан̇г̇ан̣игам̣ бахааяа аббамад̇д̇аа вихарат̇аа’’д̇и. д̇з д̇ад̇о бадтааяа яун̃ж̇анд̇и гхадзнд̇и. гад̣̇аажи саб̣б̣арад̇д̇игам̣ д̇хаммассаванам̣ гаронд̇и, гад̣̇аажи бан̃хам̣ виссаж̇ж̇знд̇и, гад̣̇аажи бад̇хаанам̣ гаронд̇и. д̇зсам̣ д̇хаммассаванад̣̇ивасз д̇хаммам̣ гат̇знд̇аанам̣язва арун̣о уг̇г̇ажчад̇и. бан̃хаависсаж̇ж̇анад̣̇ивасз б̣яад̇д̇о бхигку бан̃хам̣ бужчад̇и, бан̣д̣ид̇о виссаж̇ж̇зд̇ийд̇и бужчанависсаж̇ж̇анам̣ гаронд̇аанам̣язва. бад̇хаанад̣̇ивасз суурияад̇т̇ан̇г̇аманз г̇ан̣д̣им̣ бахарид̇ваава жан̇гамам̣ од̇арид̇ваа бад̇хаанам̣ гаронд̇аанам̣язва. д̇з звам̣ вассам̣ вассид̇ваа баваарзд̇ваа баггамим̣су. д̇ам̣ санд̇хааязд̇ам̣ вуд̇д̇ам̣. барид̣̇звамаанаад̇и ‘‘ид̣̇аани д̇ат̇ааруубам̣ мад̇хурам̣ д̇хаммассаванам̣ бан̃хаагат̇анам̣ гуд̇о лабхиссаамий’’д̇иаад̣̇ийни вад̇ваа род̣̇амаанаа.
224. Catutthe sambahulāti bahū suttantikā ābhidhammikā vinayadharā ca. Viharantīti satthu santike kammaṭṭhānaṃ gahetvā viharanti. Pakkamiṃsūti te kira tasmiṃ janapade aññataraṃ gāmaṃ upasaṅkamante disvā manussā pasannacittā āsanasālāya kojavattharaṇādīni paññāpetvā yāgukhajjakāni datvā upanisīdiṃsu. Mahāthero ekaṃ dhammakathikaṃ ‘‘dhammaṃ kathehī’’ti āha. So cittaṃ dhammakathaṃ kathesi. Manussā pasīditvā bhojanavelāyaṃ paṇītabhojanaṃ adaṃsu. Mahāthero manuññaṃ bhattānumodanamakāsi. Manussā bhiyyosomattāya pasannā ‘‘idheva, bhante, temāsaṃ vasathā’’ti paṭiññaṃ kāretvā gamanāgamanasampanne ṭhāne senāsanāni kāretvā catūhi paccayehi upaṭṭhahiṃsu. Mahāthero vassūpanāyikadivase bhikkhū ovadi – ‘‘āvuso, tumhehi garukassa satthu santike kammaṭṭhānaṃ gahitaṃ, buddhapātubhāvo nāma dullabho. Māsassa aṭṭha divase dhammassavanaṃ katvā gaṇasaṅgaṇikaṃ pahāya appamattā viharathā’’ti. Te tato paṭṭhāya yuñjanti ghaṭenti. Kadāci sabbarattikaṃ dhammassavanaṃ karonti, kadāci pañhaṃ vissajjenti, kadāci padhānaṃ karonti. Tesaṃ dhammassavanadivase dhammaṃ kathentānaṃyeva aruṇo uggacchati. Pañhāvissajjanadivase byatto bhikkhu pañhaṃ pucchati, paṇḍito vissajjetīti pucchanavissajjanaṃ karontānaṃyeva. Padhānadivase sūriyatthaṅgamane gaṇḍiṃ paharitvāva caṅkamaṃ otaritvā padhānaṃ karontānaṃyeva. Te evaṃ vassaṃ vassitvā pavāretvā pakkamiṃsu. Taṃ sandhāyetaṃ vuttaṃ. Paridevamānāti ‘‘idāni tathārūpaṃ madhuraṃ dhammassavanaṃ pañhākathanaṃ kuto labhissāmī’’tiādīni vatvā rodamānā.
кааяад̇ийд̇и бан̃н̃ааяад̇и убадтаад̇и. го мзд̇и гахам̣ имз. важ̇ж̇ибхуумияаад̇и важ̇ж̇ирадтаабхимукаа г̇ад̇аа. маг̇аа вияаад̇и яат̇аа маг̇аа д̇асмим̣ д̇асмим̣ баб̣б̣ад̇абаад̣̇з ваа ванасан̣д̣з ваа вижаранд̇аа – ‘‘ид̣̇ам̣ амхаагам̣ маад̇усанд̇агам̣ бид̇усанд̇агам̣ бавзн̣иааг̇ад̇а’’нд̇и аг̇ахзд̇ваа, яад̇т̇зва нзсам̣ г̇ожарапаасуд̇аа жа ход̇и барибант̇аабхааво жа, д̇ад̇т̇а вижаранд̇и. звам̣ анигзд̇аа аг̇зхаа бхигкавоби ‘‘аяам̣, аавусо, амхаагам̣ аажарияубаж̇жхааяаанам̣ санд̇аго бавзн̣иааг̇ад̇о’’д̇и аг̇ахзд̇ваа яад̇т̇зва нзсам̣ уд̇усаббааяам̣ бхож̇анасаббааяам̣ буг̇г̇аласаббааяам̣ сзнаасанасаббааяам̣ д̇хаммассаванасаббааяан̃жа сулабхам̣ ход̇и, д̇ад̇т̇а вихаранд̇и. жад̇уд̇т̇ам̣.
Khāyatīti paññāyati upaṭṭhāti. Ko meti kahaṃ ime. Vajjibhūmiyāti vajjiraṭṭhābhimukhā gatā. Magā viyāti yathā magā tasmiṃ tasmiṃ pabbatapāde vā vanasaṇḍe vā vicarantā – ‘‘idaṃ amhākaṃ mātusantakaṃ pitusantakaṃ paveṇiāgata’’nti agahetvā, yattheva nesaṃ gocaraphāsutā ca hoti paripanthābhāvo ca, tattha vicaranti. Evaṃ aniketā agehā bhikkhavopi ‘‘ayaṃ, āvuso, amhākaṃ ācariyupajjhāyānaṃ santako paveṇiāgato’’ti agahetvā yattheva nesaṃ utusappāyaṃ bhojanasappāyaṃ puggalasappāyaṃ senāsanasappāyaṃ dhammassavanasappāyañca sulabhaṃ hoti, tattha viharanti. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. самб̣ахуласуд̇д̇ам̣ • 4. Sambahulasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. самб̣ахуласуд̇д̇аван̣н̣анаа • 4. Sambahulasuttavaṇṇanā
