| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๓. ตติยวโคฺค
3. Tatiyavaggo
๑. สมฺพหุลสุตฺตวณฺณนา
1. Sambahulasuttavaṇṇanā
๑๕๗. ชฎาจุมฺพฎเกนาติ สีเส ปฎิมุเกฺกน ชฎากลาเปนฯ อปริคฺคหพฺราหฺมณปพฺพชิตา หิ ชฎาย อุญฺฉาจริยํ จรนฺติฯ อุทุมฺพรทณฺฑญฺหิ อตฺตคุตฺตตฺถาย คหิตํ เตสํ อปฺปิจฺฉภาวปฺปกาสนํฯ เตนาห ‘‘อปฺปิจฺฉภาวปฺปกาสนตฺถ’’นฺติฯ สีสํ โอกเมฺปตฺวาติ เอตฺถ อติวิย สีสสฺส โอกมฺปิตภาวํ ทเสฺสตุํ ‘‘หนุเกน อุรํ ปหรโนฺต อโธนตํ กตฺวา’’ติ วุตฺตํฯ ชิวฺหํ นีหริตฺวาติ ลมฺพนจาลนวเสน มุขโต นิกฺขาเมตฺวาฯ เตนาห ‘‘อุทฺธ’’นฺติอาทิฯ ติสาขนฺติ ติภงฺคภกุฎิ วิย นลาเฎ ชาตตฺตา นลาฎิกํฯ เตนาห ‘‘นลาเฎ อุฎฺฐิตํ วลิตฺตย’’นฺติ, ติภงฺควลิกํ นลาเฎ กตฺวาติ อโตฺถฯ อตฺตโนว เตเลติ อตฺตโนว ปาปกมฺมนิพฺพตฺตเก เตเล, ปจิตพฺพฎฺฐานเคเหติ อธิปฺปาโยฯ
157.Jaṭācumbaṭakenāti sīse paṭimukkena jaṭākalāpena. Apariggahabrāhmaṇapabbajitā hi jaṭāya uñchācariyaṃ caranti. Udumbaradaṇḍañhi attaguttatthāya gahitaṃ tesaṃ appicchabhāvappakāsanaṃ. Tenāha ‘‘appicchabhāvappakāsanattha’’nti. Sīsaṃ okampetvāti ettha ativiya sīsassa okampitabhāvaṃ dassetuṃ ‘‘hanukena uraṃ paharanto adhonataṃ katvā’’ti vuttaṃ. Jivhaṃ nīharitvāti lambanacālanavasena mukhato nikkhāmetvā. Tenāha ‘‘uddha’’ntiādi. Tisākhanti tibhaṅgabhakuṭi viya nalāṭe jātattā nalāṭikaṃ. Tenāha ‘‘nalāṭe uṭṭhitaṃ valittaya’’nti, tibhaṅgavalikaṃ nalāṭe katvāti attho. Attanova teleti attanova pāpakammanibbattake tele, pacitabbaṭṭhānageheti adhippāyo.
สมฺพหุลสุตฺตวณฺณนา นิฎฺฐิตาฯ
Sambahulasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑. สมฺพหุลสุตฺตํ • 1. Sambahulasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑. สมฺพหุลสุตฺตวณฺณนา • 1. Sambahulasuttavaṇṇanā
