| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៣. តតិយវគ្គោ
3. Tatiyavaggo
១. សម្ពហុលសុត្តវណ្ណនា
1. Sambahulasuttavaṇṇanā
១៥៧. ជដាចុម្ពដកេនាតិ សីសេ បដិមុក្កេន ជដាកលាបេន។ អបរិគ្គហព្រាហ្មណបព្ពជិតា ហិ ជដាយ ឧញ្ឆាចរិយំ ចរន្តិ។ ឧទុម្ពរទណ្ឌញ្ហិ អត្តគុត្តត្ថាយ គហិតំ តេសំ អប្បិច្ឆភាវប្បកាសនំ។ តេនាហ ‘‘អប្បិច្ឆភាវប្បកាសនត្ថ’’ន្តិ។ សីសំ ឱកម្បេត្វាតិ ឯត្ថ អតិវិយ សីសស្ស ឱកម្បិតភាវំ ទស្សេតុំ ‘‘ហនុកេន ឧរំ បហរន្តោ អធោនតំ កត្វា’’តិ វុត្តំ។ ជិវ្ហំ នីហរិត្វាតិ លម្ពនចាលនវសេន មុខតោ និក្ខាមេត្វា។ តេនាហ ‘‘ឧទ្ធ’’ន្តិអាទិ។ តិសាខន្តិ តិភង្គភកុដិ វិយ នលាដេ ជាតត្តា នលាដិកំ។ តេនាហ ‘‘នលាដេ ឧដ្ឋិតំ វលិត្តយ’’ន្តិ, តិភង្គវលិកំ នលាដេ កត្វាតិ អត្ថោ។ អត្តនោវ តេលេតិ អត្តនោវ បាបកម្មនិព្ពត្តកេ តេលេ, បចិតព្ពដ្ឋានគេហេតិ អធិប្បាយោ។
157.Jaṭācumbaṭakenāti sīse paṭimukkena jaṭākalāpena. Apariggahabrāhmaṇapabbajitā hi jaṭāya uñchācariyaṃ caranti. Udumbaradaṇḍañhi attaguttatthāya gahitaṃ tesaṃ appicchabhāvappakāsanaṃ. Tenāha ‘‘appicchabhāvappakāsanattha’’nti. Sīsaṃ okampetvāti ettha ativiya sīsassa okampitabhāvaṃ dassetuṃ ‘‘hanukena uraṃ paharanto adhonataṃ katvā’’ti vuttaṃ. Jivhaṃ nīharitvāti lambanacālanavasena mukhato nikkhāmetvā. Tenāha ‘‘uddha’’ntiādi. Tisākhanti tibhaṅgabhakuṭi viya nalāṭe jātattā nalāṭikaṃ. Tenāha ‘‘nalāṭe uṭṭhitaṃ valittaya’’nti, tibhaṅgavalikaṃ nalāṭe katvāti attho. Attanova teleti attanova pāpakammanibbattake tele, pacitabbaṭṭhānageheti adhippāyo.
សម្ពហុលសុត្តវណ្ណនា និដ្ឋិតា។
Sambahulasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. សម្ពហុលសុត្តំ • 1. Sambahulasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១. សម្ពហុលសុត្តវណ្ណនា • 1. Sambahulasuttavaṇṇanā
