| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༣. ཏཏིཡཝགྒོ
3. Tatiyavaggo
༡. སམྦཧུལསུཏྟཝཎྞནཱ
1. Sambahulasuttavaṇṇanā
༡༥༧. ཏཏིཡཝགྒསྶ པཋམེ ཛཊཎྜུཝེནཱཏི ཛཊཱཙུམྦཊཀེན། ཨཛིནཀྑིཔནིཝཏྠོཏི སཁུརཾ ཨཛིནཙམྨཾ ཨེཀཾ ནིཝཏྠོ ཨེཀཾ པཱརུཏོ། ཨུདུམྦརདཎྜནྟི ཨཔྤིཙྪབྷཱཝཔྤཀཱསནཏྠཾ ཨཱིསཀཾ ཝངྐཾ ཨུདུམྦརདཎྜཾ གཧེཏྭཱ། ཨེཏདཝོཙཱཏི ལོཀེ བྲཱཧྨཎསྶ ཝཙནཾ ནཱམ སུསྶཱུསནྟི, བྲཱཧྨཎེསུཔི པབྦཛིཏསྶ, པབྦཛིཏེསུཔི མཧལླཀསྶཱཏི མཧལླཀབྲཱཧྨཎསྶ པབྦཛིཏཝེསཾ གཧེཏྭཱ པདྷཱནབྷཱུམིཡཾ ཀམྨཾ ཀརོནྟེ ཏེ བྷིཀྑཱུ ཨུཔསངྐམིཏྭཱ ཧཏྠཾ ཨུཀྑིཔིཏྭཱ ཨེཏཾ ‘‘དཧརཱ བྷཝནྟོ’’ཏིཨཱདིཝཙནཾ ཨཝོཙ། ཨོཀམྤེཏྭཱཏི ཧནུཀེན ཨུརཾ པཧརནྟོ ཨདྷོནཏཾ ཀཏྭཱ། ཛིཝ྄ཧཾ ནིལླཱལེཏྭཱཏི ཀབརམཧཱཛིཝ྄ཧཾ ནཱིཧརིཏྭཱ ཨུདྡྷམདྷོ ཨུབྷཡཔསྶེསུ ཙ ལཱལེཏྭཱ། ཏིཝིསཱཁནྟི ཏིསཱཁཾ། ནལཱཊིཀནྟི བྷཀུཊིཾ, ནལཱཊེ ཨུཊྛིཏཾ ཝལིཏྟཡནྟི ཨཏྠོ། པཀྐཱམཱིཏི ཏུམྷེ ཛཱནནྟཱནཾ ཝཙནཾ ཨཀཏྭཱ ཨཏྟནོཝ ཏེལེ པཙྩིསྶཐཱཏི ཝཏྭཱ ཨེཀཾ མགྒཾ གཧེཏྭཱ གཏོ། པཋམཾ།
157. Tatiyavaggassa paṭhame jaṭaṇḍuvenāti jaṭācumbaṭakena. Ajinakkhipanivatthoti sakhuraṃ ajinacammaṃ ekaṃ nivattho ekaṃ pāruto. Udumbaradaṇḍanti appicchabhāvappakāsanatthaṃ īsakaṃ vaṅkaṃ udumbaradaṇḍaṃ gahetvā. Etadavocāti loke brāhmaṇassa vacanaṃ nāma sussūsanti, brāhmaṇesupi pabbajitassa, pabbajitesupi mahallakassāti mahallakabrāhmaṇassa pabbajitavesaṃ gahetvā padhānabhūmiyaṃ kammaṃ karonte te bhikkhū upasaṅkamitvā hatthaṃ ukkhipitvā etaṃ ‘‘daharā bhavanto’’tiādivacanaṃ avoca. Okampetvāti hanukena uraṃ paharanto adhonataṃ katvā. Jivhaṃ nillāletvāti kabaramahājivhaṃ nīharitvā uddhamadho ubhayapassesu ca lāletvā. Tivisākhanti tisākhaṃ. Nalāṭikanti bhakuṭiṃ, nalāṭe uṭṭhitaṃ valittayanti attho. Pakkāmīti tumhe jānantānaṃ vacanaṃ akatvā attanova tele paccissathāti vatvā ekaṃ maggaṃ gahetvā gato. Paṭhamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. སམྦཧུལསུཏྟཾ • 1. Sambahulasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. སམྦཧུལསུཏྟཝཎྞནཱ • 1. Sambahulasuttavaṇṇanā
