| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༣. ཏཏིཡཝགྒོ
3. Tatiyavaggo
༡. སམྦཧུལསུཏྟཝཎྞནཱ
1. Sambahulasuttavaṇṇanā
༡༥༧. ཛཊཱཙུམྦཊཀེནཱཏི སཱིསེ པཊིམུཀྐེན ཛཊཱཀལཱཔེན། ཨཔརིགྒཧབྲཱཧྨཎཔབྦཛིཏཱ ཧི ཛཊཱཡ ཨུཉྪཱཙརིཡཾ ཙརནྟི། ཨུདུམྦརདཎྜཉྷི ཨཏྟགུཏྟཏྠཱཡ གཧིཏཾ ཏེསཾ ཨཔྤིཙྪབྷཱཝཔྤཀཱསནཾ། ཏེནཱཧ ‘‘ཨཔྤིཙྪབྷཱཝཔྤཀཱསནཏྠ’’ནྟི། སཱིསཾ ཨོཀམྤེཏྭཱཏི ཨེཏྠ ཨཏིཝིཡ སཱིསསྶ ཨོཀམྤིཏབྷཱཝཾ དསྶེཏུཾ ‘‘ཧནུཀེན ཨུརཾ པཧརནྟོ ཨདྷོནཏཾ ཀཏྭཱ’’ཏི ཝུཏྟཾ། ཛིཝ྄ཧཾ ནཱིཧརིཏྭཱཏི ལམྦནཙཱལནཝསེན མུཁཏོ ནིཀྑཱམེཏྭཱ། ཏེནཱཧ ‘‘ཨུདྡྷ’’ནྟིཨཱདི། ཏིསཱཁནྟི ཏིབྷངྒབྷཀུཊི ཝིཡ ནལཱཊེ ཛཱཏཏྟཱ ནལཱཊིཀཾ། ཏེནཱཧ ‘‘ནལཱཊེ ཨུཊྛིཏཾ ཝལིཏྟཡ’’ནྟི, ཏིབྷངྒཝལིཀཾ ནལཱཊེ ཀཏྭཱཏི ཨཏྠོ། ཨཏྟནོཝ ཏེལེཏི ཨཏྟནོཝ པཱཔཀམྨནིབྦཏྟཀེ ཏེལེ, པཙིཏབྦཊྛཱནགེཧེཏི ཨདྷིཔྤཱཡོ།
157.Jaṭācumbaṭakenāti sīse paṭimukkena jaṭākalāpena. Apariggahabrāhmaṇapabbajitā hi jaṭāya uñchācariyaṃ caranti. Udumbaradaṇḍañhi attaguttatthāya gahitaṃ tesaṃ appicchabhāvappakāsanaṃ. Tenāha ‘‘appicchabhāvappakāsanattha’’nti. Sīsaṃ okampetvāti ettha ativiya sīsassa okampitabhāvaṃ dassetuṃ ‘‘hanukena uraṃ paharanto adhonataṃ katvā’’ti vuttaṃ. Jivhaṃ nīharitvāti lambanacālanavasena mukhato nikkhāmetvā. Tenāha ‘‘uddha’’ntiādi. Tisākhanti tibhaṅgabhakuṭi viya nalāṭe jātattā nalāṭikaṃ. Tenāha ‘‘nalāṭe uṭṭhitaṃ valittaya’’nti, tibhaṅgavalikaṃ nalāṭe katvāti attho. Attanova teleti attanova pāpakammanibbattake tele, pacitabbaṭṭhānageheti adhippāyo.
སམྦཧུལསུཏྟཝཎྞནཱ ནིཊྛིཏཱ།
Sambahulasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. སམྦཧུལསུཏྟཾ • 1. Sambahulasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. སམྦཧུལསུཏྟཝཎྞནཱ • 1. Sambahulasuttavaṇṇanā
