| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਤਤਿਯવਗ੍ਗੋ
3. Tatiyavaggo
੧. ਸਮ੍ਬਹੁਲਸੁਤ੍ਤવਣ੍ਣਨਾ
1. Sambahulasuttavaṇṇanā
੧੫੭. ਤਤਿਯવਗ੍ਗਸ੍ਸ ਪਠਮੇ ਜਟਣ੍ਡੁવੇਨਾਤਿ ਜਟਾਚੁਮ੍ਬਟਕੇਨ। ਅਜਿਨਕ੍ਖਿਪਨਿવਤ੍ਥੋਤਿ ਸਖੁਰਂ ਅਜਿਨਚਮ੍ਮਂ ਏਕਂ ਨਿવਤ੍ਥੋ ਏਕਂ ਪਾਰੁਤੋ। ਉਦੁਮ੍ਬਰਦਣ੍ਡਨ੍ਤਿ ਅਪ੍ਪਿਚ੍ਛਭਾવਪ੍ਪਕਾਸਨਤ੍ਥਂ ਈਸਕਂ વਙ੍ਕਂ ਉਦੁਮ੍ਬਰਦਣ੍ਡਂ ਗਹੇਤ੍વਾ। ਏਤਦવੋਚਾਤਿ ਲੋਕੇ ਬ੍ਰਾਹ੍ਮਣਸ੍ਸ વਚਨਂ ਨਾਮ ਸੁਸ੍ਸੂਸਨ੍ਤਿ, ਬ੍ਰਾਹ੍ਮਣੇਸੁਪਿ ਪਬ੍ਬਜਿਤਸ੍ਸ, ਪਬ੍ਬਜਿਤੇਸੁਪਿ ਮਹਲ੍ਲਕਸ੍ਸਾਤਿ ਮਹਲ੍ਲਕਬ੍ਰਾਹ੍ਮਣਸ੍ਸ ਪਬ੍ਬਜਿਤવੇਸਂ ਗਹੇਤ੍વਾ ਪਧਾਨਭੂਮਿਯਂ ਕਮ੍ਮਂ ਕਰੋਨ੍ਤੇ ਤੇ ਭਿਕ੍ਖੂ ਉਪਸਙ੍ਕਮਿਤ੍વਾ ਹਤ੍ਥਂ ਉਕ੍ਖਿਪਿਤ੍વਾ ਏਤਂ ‘‘ਦਹਰਾ ਭવਨ੍ਤੋ’’ਤਿਆਦਿવਚਨਂ ਅવੋਚ। ਓਕਮ੍ਪੇਤ੍વਾਤਿ ਹਨੁਕੇਨ ਉਰਂ ਪਹਰਨ੍ਤੋ ਅਧੋਨਤਂ ਕਤ੍વਾ। ਜਿવ੍ਹਂ ਨਿਲ੍ਲਾਲੇਤ੍વਾਤਿ ਕਬਰਮਹਾਜਿવ੍ਹਂ ਨੀਹਰਿਤ੍વਾ ਉਦ੍ਧਮਧੋ ਉਭਯਪਸ੍ਸੇਸੁ ਚ ਲਾਲੇਤ੍વਾ। ਤਿવਿਸਾਖਨ੍ਤਿ ਤਿਸਾਖਂ। ਨਲਾਟਿਕਨ੍ਤਿ ਭਕੁਟਿਂ, ਨਲਾਟੇ ਉਟ੍ਠਿਤਂ વਲਿਤ੍ਤਯਨ੍ਤਿ ਅਤ੍ਥੋ। ਪਕ੍ਕਾਮੀਤਿ ਤੁਮ੍ਹੇ ਜਾਨਨ੍ਤਾਨਂ વਚਨਂ ਅਕਤ੍વਾ ਅਤ੍ਤਨੋવ ਤੇਲੇ ਪਚ੍ਚਿਸ੍ਸਥਾਤਿ વਤ੍વਾ ਏਕਂ ਮਗ੍ਗਂ ਗਹੇਤ੍વਾ ਗਤੋ। ਪਠਮਂ।
157. Tatiyavaggassa paṭhame jaṭaṇḍuvenāti jaṭācumbaṭakena. Ajinakkhipanivatthoti sakhuraṃ ajinacammaṃ ekaṃ nivattho ekaṃ pāruto. Udumbaradaṇḍanti appicchabhāvappakāsanatthaṃ īsakaṃ vaṅkaṃ udumbaradaṇḍaṃ gahetvā. Etadavocāti loke brāhmaṇassa vacanaṃ nāma sussūsanti, brāhmaṇesupi pabbajitassa, pabbajitesupi mahallakassāti mahallakabrāhmaṇassa pabbajitavesaṃ gahetvā padhānabhūmiyaṃ kammaṃ karonte te bhikkhū upasaṅkamitvā hatthaṃ ukkhipitvā etaṃ ‘‘daharā bhavanto’’tiādivacanaṃ avoca. Okampetvāti hanukena uraṃ paharanto adhonataṃ katvā. Jivhaṃ nillāletvāti kabaramahājivhaṃ nīharitvā uddhamadho ubhayapassesu ca lāletvā. Tivisākhanti tisākhaṃ. Nalāṭikanti bhakuṭiṃ, nalāṭe uṭṭhitaṃ valittayanti attho. Pakkāmīti tumhe jānantānaṃ vacanaṃ akatvā attanova tele paccissathāti vatvā ekaṃ maggaṃ gahetvā gato. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਮ੍ਬਹੁਲਸੁਤ੍ਤਂ • 1. Sambahulasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਸਮ੍ਬਹੁਲਸੁਤ੍ਤવਣ੍ਣਨਾ • 1. Sambahulasuttavaṇṇanā
