| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਸਮ੍ਬਹੁਲਸੁਤ੍ਤવਣ੍ਣਨਾ
4. Sambahulasuttavaṇṇanā
੨੨੪. ਚਤੁਤ੍ਥੇ ਸਮ੍ਬਹੁਲਾਤਿ ਬਹੂ ਸੁਤ੍ਤਨ੍ਤਿਕਾ ਆਭਿਧਮ੍ਮਿਕਾ વਿਨਯਧਰਾ ਚ। વਿਹਰਨ੍ਤੀਤਿ ਸਤ੍ਥੁ ਸਨ੍ਤਿਕੇ ਕਮ੍ਮਟ੍ਠਾਨਂ ਗਹੇਤ੍વਾ વਿਹਰਨ੍ਤਿ। ਪਕ੍ਕਮਿਂਸੂਤਿ ਤੇ ਕਿਰ ਤਸ੍ਮਿਂ ਜਨਪਦੇ ਅਞ੍ਞਤਰਂ ਗਾਮਂ ਉਪਸਙ੍ਕਮਨ੍ਤੇ ਦਿਸ੍વਾ ਮਨੁਸ੍ਸਾ ਪਸਨ੍ਨਚਿਤ੍ਤਾ ਆਸਨਸਾਲਾਯ ਕੋਜવਤ੍ਥਰਣਾਦੀਨਿ ਪਞ੍ਞਾਪੇਤ੍વਾ ਯਾਗੁਖਜ੍ਜਕਾਨਿ ਦਤ੍વਾ ਉਪਨਿਸੀਦਿਂਸੁ। ਮਹਾਥੇਰੋ ਏਕਂ ਧਮ੍ਮਕਥਿਕਂ ‘‘ਧਮ੍ਮਂ ਕਥੇਹੀ’’ਤਿ ਆਹ। ਸੋ ਚਿਤ੍ਤਂ ਧਮ੍ਮਕਥਂ ਕਥੇਸਿ। ਮਨੁਸ੍ਸਾ ਪਸੀਦਿਤ੍વਾ ਭੋਜਨવੇਲਾਯਂ ਪਣੀਤਭੋਜਨਂ ਅਦਂਸੁ। ਮਹਾਥੇਰੋ ਮਨੁਞ੍ਞਂ ਭਤ੍ਤਾਨੁਮੋਦਨਮਕਾਸਿ। ਮਨੁਸ੍ਸਾ ਭਿਯ੍ਯੋਸੋਮਤ੍ਤਾਯ ਪਸਨ੍ਨਾ ‘‘ਇਧੇવ, ਭਨ੍ਤੇ, ਤੇਮਾਸਂ વਸਥਾ’’ਤਿ ਪਟਿਞ੍ਞਂ ਕਾਰੇਤ੍વਾ ਗਮਨਾਗਮਨਸਮ੍ਪਨ੍ਨੇ ਠਾਨੇ ਸੇਨਾਸਨਾਨਿ ਕਾਰੇਤ੍વਾ ਚਤੂਹਿ ਪਚ੍ਚਯੇਹਿ ਉਪਟ੍ਠਹਿਂਸੁ। ਮਹਾਥੇਰੋ વਸ੍ਸੂਪਨਾਯਿਕਦਿવਸੇ ਭਿਕ੍ਖੂ ਓવਦਿ – ‘‘ਆવੁਸੋ, ਤੁਮ੍ਹੇਹਿ ਗਰੁਕਸ੍ਸ ਸਤ੍ਥੁ ਸਨ੍ਤਿਕੇ ਕਮ੍ਮਟ੍ਠਾਨਂ ਗਹਿਤਂ, ਬੁਦ੍ਧਪਾਤੁਭਾવੋ ਨਾਮ ਦੁਲ੍ਲਭੋ। ਮਾਸਸ੍ਸ ਅਟ੍ਠ ਦਿવਸੇ ਧਮ੍ਮਸ੍ਸવਨਂ ਕਤ੍વਾ ਗਣਸਙ੍ਗਣਿਕਂ ਪਹਾਯ ਅਪ੍ਪਮਤ੍ਤਾ વਿਹਰਥਾ’’ਤਿ। ਤੇ ਤਤੋ ਪਟ੍ਠਾਯ ਯੁਞ੍ਜਨ੍ਤਿ ਘਟੇਨ੍ਤਿ। ਕਦਾਚਿ ਸਬ੍ਬਰਤ੍ਤਿਕਂ ਧਮ੍ਮਸ੍ਸવਨਂ ਕਰੋਨ੍ਤਿ, ਕਦਾਚਿ ਪਞ੍ਹਂ વਿਸ੍ਸਜ੍ਜੇਨ੍ਤਿ, ਕਦਾਚਿ ਪਧਾਨਂ ਕਰੋਨ੍ਤਿ। ਤੇਸਂ ਧਮ੍ਮਸ੍ਸવਨਦਿવਸੇ ਧਮ੍ਮਂ ਕਥੇਨ੍ਤਾਨਂਯੇવ ਅਰੁਣੋ ਉਗ੍ਗਚ੍ਛਤਿ। ਪਞ੍ਹਾવਿਸ੍ਸਜ੍ਜਨਦਿવਸੇ ਬ੍ਯਤ੍ਤੋ ਭਿਕ੍ਖੁ ਪਞ੍ਹਂ ਪੁਚ੍ਛਤਿ, ਪਣ੍ਡਿਤੋ વਿਸ੍ਸਜ੍ਜੇਤੀਤਿ ਪੁਚ੍ਛਨવਿਸ੍ਸਜ੍ਜਨਂ ਕਰੋਨ੍ਤਾਨਂਯੇવ। ਪਧਾਨਦਿવਸੇ ਸੂਰਿਯਤ੍ਥਙ੍ਗਮਨੇ ਗਣ੍ਡਿਂ ਪਹਰਿਤ੍વਾવ ਚਙ੍ਕਮਂ ਓਤਰਿਤ੍વਾ ਪਧਾਨਂ ਕਰੋਨ੍ਤਾਨਂਯੇવ। ਤੇ ਏવਂ વਸ੍ਸਂ વਸ੍ਸਿਤ੍વਾ ਪવਾਰੇਤ੍વਾ ਪਕ੍ਕਮਿਂਸੁ। ਤਂ ਸਨ੍ਧਾਯੇਤਂ વੁਤ੍ਤਂ। ਪਰਿਦੇવਮਾਨਾਤਿ ‘‘ਇਦਾਨਿ ਤਥਾਰੂਪਂ ਮਧੁਰਂ ਧਮ੍ਮਸ੍ਸવਨਂ ਪਞ੍ਹਾਕਥਨਂ ਕੁਤੋ ਲਭਿਸ੍ਸਾਮੀ’’ਤਿਆਦੀਨਿ વਤ੍વਾ ਰੋਦਮਾਨਾ।
224. Catutthe sambahulāti bahū suttantikā ābhidhammikā vinayadharā ca. Viharantīti satthu santike kammaṭṭhānaṃ gahetvā viharanti. Pakkamiṃsūti te kira tasmiṃ janapade aññataraṃ gāmaṃ upasaṅkamante disvā manussā pasannacittā āsanasālāya kojavattharaṇādīni paññāpetvā yāgukhajjakāni datvā upanisīdiṃsu. Mahāthero ekaṃ dhammakathikaṃ ‘‘dhammaṃ kathehī’’ti āha. So cittaṃ dhammakathaṃ kathesi. Manussā pasīditvā bhojanavelāyaṃ paṇītabhojanaṃ adaṃsu. Mahāthero manuññaṃ bhattānumodanamakāsi. Manussā bhiyyosomattāya pasannā ‘‘idheva, bhante, temāsaṃ vasathā’’ti paṭiññaṃ kāretvā gamanāgamanasampanne ṭhāne senāsanāni kāretvā catūhi paccayehi upaṭṭhahiṃsu. Mahāthero vassūpanāyikadivase bhikkhū ovadi – ‘‘āvuso, tumhehi garukassa satthu santike kammaṭṭhānaṃ gahitaṃ, buddhapātubhāvo nāma dullabho. Māsassa aṭṭha divase dhammassavanaṃ katvā gaṇasaṅgaṇikaṃ pahāya appamattā viharathā’’ti. Te tato paṭṭhāya yuñjanti ghaṭenti. Kadāci sabbarattikaṃ dhammassavanaṃ karonti, kadāci pañhaṃ vissajjenti, kadāci padhānaṃ karonti. Tesaṃ dhammassavanadivase dhammaṃ kathentānaṃyeva aruṇo uggacchati. Pañhāvissajjanadivase byatto bhikkhu pañhaṃ pucchati, paṇḍito vissajjetīti pucchanavissajjanaṃ karontānaṃyeva. Padhānadivase sūriyatthaṅgamane gaṇḍiṃ paharitvāva caṅkamaṃ otaritvā padhānaṃ karontānaṃyeva. Te evaṃ vassaṃ vassitvā pavāretvā pakkamiṃsu. Taṃ sandhāyetaṃ vuttaṃ. Paridevamānāti ‘‘idāni tathārūpaṃ madhuraṃ dhammassavanaṃ pañhākathanaṃ kuto labhissāmī’’tiādīni vatvā rodamānā.
ਖਾਯਤੀਤਿ ਪਞ੍ਞਾਯਤਿ ਉਪਟ੍ਠਾਤਿ। ਕੋ ਮੇਤਿ ਕਹਂ ਇਮੇ। વਜ੍ਜਿਭੂਮਿਯਾਤਿ વਜ੍ਜਿਰਟ੍ਠਾਭਿਮੁਖਾ ਗਤਾ। ਮਗਾ વਿਯਾਤਿ ਯਥਾ ਮਗਾ ਤਸ੍ਮਿਂ ਤਸ੍ਮਿਂ ਪਬ੍ਬਤਪਾਦੇ વਾ વਨਸਣ੍ਡੇ વਾ વਿਚਰਨ੍ਤਾ – ‘‘ਇਦਂ ਅਮ੍ਹਾਕਂ ਮਾਤੁਸਨ੍ਤਕਂ ਪਿਤੁਸਨ੍ਤਕਂ ਪવੇਣਿਆਗਤ’’ਨ੍ਤਿ ਅਗਹੇਤ੍વਾ, ਯਤ੍ਥੇવ ਨੇਸਂ ਗੋਚਰਫਾਸੁਤਾ ਚ ਹੋਤਿ ਪਰਿਪਨ੍ਥਾਭਾવੋ ਚ, ਤਤ੍ਥ વਿਚਰਨ੍ਤਿ। ਏવਂ ਅਨਿਕੇਤਾ ਅਗੇਹਾ ਭਿਕ੍ਖવੋਪਿ ‘‘ਅਯਂ, ਆવੁਸੋ, ਅਮ੍ਹਾਕਂ ਆਚਰਿਯੁਪਜ੍ਝਾਯਾਨਂ ਸਨ੍ਤਕੋ ਪવੇਣਿਆਗਤੋ’’ਤਿ ਅਗਹੇਤ੍વਾ ਯਤ੍ਥੇવ ਨੇਸਂ ਉਤੁਸਪ੍ਪਾਯਂ ਭੋਜਨਸਪ੍ਪਾਯਂ ਪੁਗ੍ਗਲਸਪ੍ਪਾਯਂ ਸੇਨਾਸਨਸਪ੍ਪਾਯਂ ਧਮ੍ਮਸ੍ਸવਨਸਪ੍ਪਾਯਞ੍ਚ ਸੁਲਭਂ ਹੋਤਿ, ਤਤ੍ਥ વਿਹਰਨ੍ਤਿ। ਚਤੁਤ੍ਥਂ।
Khāyatīti paññāyati upaṭṭhāti. Ko meti kahaṃ ime. Vajjibhūmiyāti vajjiraṭṭhābhimukhā gatā. Magā viyāti yathā magā tasmiṃ tasmiṃ pabbatapāde vā vanasaṇḍe vā vicarantā – ‘‘idaṃ amhākaṃ mātusantakaṃ pitusantakaṃ paveṇiāgata’’nti agahetvā, yattheva nesaṃ gocaraphāsutā ca hoti paripanthābhāvo ca, tattha vicaranti. Evaṃ aniketā agehā bhikkhavopi ‘‘ayaṃ, āvuso, amhākaṃ ācariyupajjhāyānaṃ santako paveṇiāgato’’ti agahetvā yattheva nesaṃ utusappāyaṃ bhojanasappāyaṃ puggalasappāyaṃ senāsanasappāyaṃ dhammassavanasappāyañca sulabhaṃ hoti, tattha viharanti. Catutthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਸਮ੍ਬਹੁਲਸੁਤ੍ਤਂ • 4. Sambahulasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਸਮ੍ਬਹੁਲਸੁਤ੍ਤવਣ੍ਣਨਾ • 4. Sambahulasuttavaṇṇanā
