| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਤਤਿਯવਗ੍ਗੋ
3. Tatiyavaggo
੧. ਸਮ੍ਬਹੁਲਸੁਤ੍ਤવਣ੍ਣਨਾ
1. Sambahulasuttavaṇṇanā
੧੫੭. ਜਟਾਚੁਮ੍ਬਟਕੇਨਾਤਿ ਸੀਸੇ ਪਟਿਮੁਕ੍ਕੇਨ ਜਟਾਕਲਾਪੇਨ। ਅਪਰਿਗ੍ਗਹਬ੍ਰਾਹ੍ਮਣਪਬ੍ਬਜਿਤਾ ਹਿ ਜਟਾਯ ਉਞ੍ਛਾਚਰਿਯਂ ਚਰਨ੍ਤਿ। ਉਦੁਮ੍ਬਰਦਣ੍ਡਞ੍ਹਿ ਅਤ੍ਤਗੁਤ੍ਤਤ੍ਥਾਯ ਗਹਿਤਂ ਤੇਸਂ ਅਪ੍ਪਿਚ੍ਛਭਾવਪ੍ਪਕਾਸਨਂ। ਤੇਨਾਹ ‘‘ਅਪ੍ਪਿਚ੍ਛਭਾવਪ੍ਪਕਾਸਨਤ੍ਥ’’ਨ੍ਤਿ। ਸੀਸਂ ਓਕਮ੍ਪੇਤ੍વਾਤਿ ਏਤ੍ਥ ਅਤਿવਿਯ ਸੀਸਸ੍ਸ ਓਕਮ੍ਪਿਤਭਾવਂ ਦਸ੍ਸੇਤੁਂ ‘‘ਹਨੁਕੇਨ ਉਰਂ ਪਹਰਨ੍ਤੋ ਅਧੋਨਤਂ ਕਤ੍વਾ’’ਤਿ વੁਤ੍ਤਂ। ਜਿવ੍ਹਂ ਨੀਹਰਿਤ੍વਾਤਿ ਲਮ੍ਬਨਚਾਲਨવਸੇਨ ਮੁਖਤੋ ਨਿਕ੍ਖਾਮੇਤ੍વਾ। ਤੇਨਾਹ ‘‘ਉਦ੍ਧ’’ਨ੍ਤਿਆਦਿ। ਤਿਸਾਖਨ੍ਤਿ ਤਿਭਙ੍ਗਭਕੁਟਿ વਿਯ ਨਲਾਟੇ ਜਾਤਤ੍ਤਾ ਨਲਾਟਿਕਂ। ਤੇਨਾਹ ‘‘ਨਲਾਟੇ ਉਟ੍ਠਿਤਂ વਲਿਤ੍ਤਯ’’ਨ੍ਤਿ, ਤਿਭਙ੍ਗવਲਿਕਂ ਨਲਾਟੇ ਕਤ੍વਾਤਿ ਅਤ੍ਥੋ। ਅਤ੍ਤਨੋવ ਤੇਲੇਤਿ ਅਤ੍ਤਨੋવ ਪਾਪਕਮ੍ਮਨਿਬ੍ਬਤ੍ਤਕੇ ਤੇਲੇ, ਪਚਿਤਬ੍ਬਟ੍ਠਾਨਗੇਹੇਤਿ ਅਧਿਪ੍ਪਾਯੋ।
157.Jaṭācumbaṭakenāti sīse paṭimukkena jaṭākalāpena. Apariggahabrāhmaṇapabbajitā hi jaṭāya uñchācariyaṃ caranti. Udumbaradaṇḍañhi attaguttatthāya gahitaṃ tesaṃ appicchabhāvappakāsanaṃ. Tenāha ‘‘appicchabhāvappakāsanattha’’nti. Sīsaṃ okampetvāti ettha ativiya sīsassa okampitabhāvaṃ dassetuṃ ‘‘hanukena uraṃ paharanto adhonataṃ katvā’’ti vuttaṃ. Jivhaṃ nīharitvāti lambanacālanavasena mukhato nikkhāmetvā. Tenāha ‘‘uddha’’ntiādi. Tisākhanti tibhaṅgabhakuṭi viya nalāṭe jātattā nalāṭikaṃ. Tenāha ‘‘nalāṭe uṭṭhitaṃ valittaya’’nti, tibhaṅgavalikaṃ nalāṭe katvāti attho. Attanova teleti attanova pāpakammanibbattake tele, pacitabbaṭṭhānageheti adhippāyo.
ਸਮ੍ਬਹੁਲਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sambahulasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਮ੍ਬਹੁਲਸੁਤ੍ਤਂ • 1. Sambahulasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਸਮ੍ਬਹੁਲਸੁਤ੍ਤવਣ੍ਣਨਾ • 1. Sambahulasuttavaṇṇanā
