| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๓. สมฺพริมายาสุตฺตํ
3. Sambarimāyāsuttaṃ
๒๖๙. สาวตฺถิยํ…เป.… ภควา เอตทโวจ – ‘‘ภูตปุพฺพํ, ภิกฺขเว, เวปจิตฺติ อสุริโนฺท อาพาธิโก อโหสิ ทุกฺขิโต พาฬฺหคิลาโนฯ อถ โข ภิกฺขเว, สโกฺก เทวานมิโนฺท เยน เวปจิตฺติ อสุริโนฺท เตนุปสงฺกมิ คิลานปุจฺฉโกฯ อทฺทสา โข, ภิกฺขเว, เวปจิตฺติ อสุริโนฺท สกฺกํ เทวานมินฺทํ ทูรโตว อาคจฺฉนฺตํฯ ทิสฺวาน สกฺกํ เทวานมินฺทํ เอตทโวจ – ‘ติกิจฺฉ มํ เทวานมินฺทา’ติฯ ‘วาเจหิ มํ, เวปจิตฺติ, สมฺพริมาย’นฺติฯ ‘น ตาวาหํ วาเจมิ, ยาวาหํ, มาริส, อสุเร ปฎิปุจฺฉามี’’’ติฯ ‘‘อถ โข, ภิกฺขเว, เวปจิตฺติ อสุริโนฺท อสุเร ปฎิปุจฺฉิ – ‘วาเจมหํ, มาริสา, สกฺกํ เทวานมินฺทํ สมฺพริมาย’นฺติ? ‘มา โข ตฺวํ, มาริส, วาเจสิ สกฺกํ เทวานมินฺทํ สมฺพริมาย’’’นฺติฯ อถ โข, ภิกฺขเว, เวปจิตฺติ อสุริโนฺท สกฺกํ เทวานมินฺทํ คาถาย อชฺฌภาสิ –
269. Sāvatthiyaṃ…pe… bhagavā etadavoca – ‘‘bhūtapubbaṃ, bhikkhave, vepacitti asurindo ābādhiko ahosi dukkhito bāḷhagilāno. Atha kho bhikkhave, sakko devānamindo yena vepacitti asurindo tenupasaṅkami gilānapucchako. Addasā kho, bhikkhave, vepacitti asurindo sakkaṃ devānamindaṃ dūratova āgacchantaṃ. Disvāna sakkaṃ devānamindaṃ etadavoca – ‘tikiccha maṃ devānamindā’ti. ‘Vācehi maṃ, vepacitti, sambarimāya’nti. ‘Na tāvāhaṃ vācemi, yāvāhaṃ, mārisa, asure paṭipucchāmī’’’ti. ‘‘Atha kho, bhikkhave, vepacitti asurindo asure paṭipucchi – ‘vācemahaṃ, mārisā, sakkaṃ devānamindaṃ sambarimāya’nti? ‘Mā kho tvaṃ, mārisa, vācesi sakkaṃ devānamindaṃ sambarimāya’’’nti. Atha kho, bhikkhave, vepacitti asurindo sakkaṃ devānamindaṃ gāthāya ajjhabhāsi –
‘‘มายาวี มฆวา สกฺก, เทวราช สุชมฺปติ;
‘‘Māyāvī maghavā sakka, devarāja sujampati;
อุเปติ นิรยํ โฆรํ, สมฺพโรว สตํ สม’’นฺติฯ
Upeti nirayaṃ ghoraṃ, sambarova sataṃ sama’’nti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓. สมฺพริมายาสุตฺตวณฺณนา • 3. Sambarimāyāsuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๓. สมฺพริมายาสุตฺตวณฺณนา • 3. Sambarimāyāsuttavaṇṇanā
