| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3. ஸம்ப³ரிமாயாஸுத்தவண்ணனா
3. Sambarimāyāsuttavaṇṇanā
269. ததியே ஆபா³தி⁴கோதி இஸிக³ணேன அபி⁴ஸபகாலே உப்பன்னாபா³தே⁴ன ஆபா³தி⁴கோ. வாசேஹி மந்தி ஸசே மங் ஸம்ப³ரிமாயங் வாசேஸி, ஏவமஹங் தம்பி திகிச்சி²ஸ்ஸாமீதி வத³தி. மா கோ² த்வங், மாரிஸ, வாசேஸீதி வினாபி தாவ ஸம்ப³ரிமாயங் ஸக்கோ அம்ஹே பா³த⁴தி, யதி³ பன தங் ஜானிஸ்ஸதி, நட்டா² மயங், மா அத்தனோ ஏகஸ்ஸ அத்தா²ய அம்ஹே நாஸேஹீதி வத்வா நிவாரயிங்ஸு. ஸம்ப³ரோவ ஸதங் ஸமந்தி யதா² ஸம்ப³ரோ அஸுரிந்தோ³ மாயாவீ மாயங் பயோஜெத்வா வஸ்ஸஸதங் நிரயே பக்கோ, ஏவங் பச்சதி. தும்ஹே த⁴ம்மிகாவ, அலங் வோ மாயாயாதி வத³தி. கிங் பன ஸக்கோ தஸ்ஸ கோத⁴ங் திகிச்சி²துங் ஸக்குணெய்யாதி? ஆம ஸக்குணெய்ய. கத²ங்? ததா³ கிர ஸோ இஸிக³ணோ த⁴ரதியேவ, தஸ்மா நங் இஸீனங் ஸந்திகங் நெத்வா க²மாபெய்ய, ஏவமஸ்ஸ பா²ஸு ப⁴வெய்ய. தேன பன வஞ்சிதத்தா ததா² அகத்வா பக்கந்தோவ. ததியங்.
269. Tatiye ābādhikoti isigaṇena abhisapakāle uppannābādhena ābādhiko. Vācehi manti sace maṃ sambarimāyaṃ vācesi, evamahaṃ tampi tikicchissāmīti vadati. Mā kho tvaṃ, mārisa, vācesīti vināpi tāva sambarimāyaṃ sakko amhe bādhati, yadi pana taṃ jānissati, naṭṭhā mayaṃ, mā attano ekassa atthāya amhe nāsehīti vatvā nivārayiṃsu. Sambarova sataṃ samanti yathā sambaro asurindo māyāvī māyaṃ payojetvā vassasataṃ niraye pakko, evaṃ paccati. Tumhe dhammikāva, alaṃ vo māyāyāti vadati. Kiṃ pana sakko tassa kodhaṃ tikicchituṃ sakkuṇeyyāti? Āma sakkuṇeyya. Kathaṃ? Tadā kira so isigaṇo dharatiyeva, tasmā naṃ isīnaṃ santikaṃ netvā khamāpeyya, evamassa phāsu bhaveyya. Tena pana vañcitattā tathā akatvā pakkantova. Tatiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. ஸம்ப³ரிமாயாஸுத்தங் • 3. Sambarimāyāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. ஸம்ப³ரிமாயாஸுத்தவண்ணனா • 3. Sambarimāyāsuttavaṇṇanā
