| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༣. སམྦརིམཱཡཱསུཏྟཝཎྞནཱ
3. Sambarimāyāsuttavaṇṇanā
༢༦༩. ཏཏིཡེ ཨཱབཱདྷིཀོཏི ཨིསིགཎེན ཨབྷིསཔཀཱལེ ཨུཔྤནྣཱབཱདྷེན ཨཱབཱདྷིཀོ། ཝཱཙེཧི མནྟི སཙེ མཾ སམྦརིམཱཡཾ ཝཱཙེསི, ཨེཝམཧཾ ཏམྤི ཏིཀིཙྪིསྶཱམཱིཏི ཝདཏི། མཱ ཁོ ཏྭཾ, མཱརིས, ཝཱཙེསཱིཏི ཝིནཱཔི ཏཱཝ སམྦརིམཱཡཾ སཀྐོ ཨམྷེ བཱདྷཏི, ཡདི པན ཏཾ ཛཱནིསྶཏི, ནཊྛཱ མཡཾ, མཱ ཨཏྟནོ ཨེཀསྶ ཨཏྠཱཡ ཨམྷེ ནཱསེཧཱིཏི ཝཏྭཱ ནིཝཱརཡིཾསུ། སམྦརོཝ སཏཾ སམནྟི ཡཐཱ སམྦརོ ཨསུརིནྡོ མཱཡཱཝཱི མཱཡཾ པཡོཛེཏྭཱ ཝསྶསཏཾ ནིརཡེ པཀྐོ, ཨེཝཾ པཙྩཏི། ཏུམྷེ དྷམྨིཀཱཝ, ཨལཾ ཝོ མཱཡཱཡཱཏི ཝདཏི། ཀིཾ པན སཀྐོ ཏསྶ ཀོདྷཾ ཏིཀིཙྪིཏུཾ སཀྐུཎེཡྻཱཏི? ཨཱམ སཀྐུཎེཡྻ། ཀཐཾ? ཏདཱ ཀིར སོ ཨིསིགཎོ དྷརཏིཡེཝ, ཏསྨཱ ནཾ ཨིསཱིནཾ སནྟིཀཾ ནེཏྭཱ ཁམཱཔེཡྻ, ཨེཝམསྶ ཕཱསུ བྷཝེཡྻ། ཏེན པན ཝཉྩིཏཏྟཱ ཏཐཱ ཨཀཏྭཱ པཀྐནྟོཝ། ཏཏིཡཾ།
269. Tatiye ābādhikoti isigaṇena abhisapakāle uppannābādhena ābādhiko. Vācehi manti sace maṃ sambarimāyaṃ vācesi, evamahaṃ tampi tikicchissāmīti vadati. Mā kho tvaṃ, mārisa, vācesīti vināpi tāva sambarimāyaṃ sakko amhe bādhati, yadi pana taṃ jānissati, naṭṭhā mayaṃ, mā attano ekassa atthāya amhe nāsehīti vatvā nivārayiṃsu. Sambarova sataṃ samanti yathā sambaro asurindo māyāvī māyaṃ payojetvā vassasataṃ niraye pakko, evaṃ paccati. Tumhe dhammikāva, alaṃ vo māyāyāti vadati. Kiṃ pana sakko tassa kodhaṃ tikicchituṃ sakkuṇeyyāti? Āma sakkuṇeyya. Kathaṃ? Tadā kira so isigaṇo dharatiyeva, tasmā naṃ isīnaṃ santikaṃ netvā khamāpeyya, evamassa phāsu bhaveyya. Tena pana vañcitattā tathā akatvā pakkantova. Tatiyaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༣. སམྦརིམཱཡཱསུཏྟཾ • 3. Sambarimāyāsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. སམྦརིམཱཡཱསུཏྟཝཎྞནཱ • 3. Sambarimāyāsuttavaṇṇanā
