| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਸਮ੍ਬਰਿਮਾਯਾਸੁਤ੍ਤવਣ੍ਣਨਾ
3. Sambarimāyāsuttavaṇṇanā
੨੬੯. ਤਤਿਯੇ ਆਬਾਧਿਕੋਤਿ ਇਸਿਗਣੇਨ ਅਭਿਸਪਕਾਲੇ ਉਪ੍ਪਨ੍ਨਾਬਾਧੇਨ ਆਬਾਧਿਕੋ। વਾਚੇਹਿ ਮਨ੍ਤਿ ਸਚੇ ਮਂ ਸਮ੍ਬਰਿਮਾਯਂ વਾਚੇਸਿ, ਏવਮਹਂ ਤਮ੍ਪਿ ਤਿਕਿਚ੍ਛਿਸ੍ਸਾਮੀਤਿ વਦਤਿ। ਮਾ ਖੋ ਤ੍વਂ, ਮਾਰਿਸ, વਾਚੇਸੀਤਿ વਿਨਾਪਿ ਤਾવ ਸਮ੍ਬਰਿਮਾਯਂ ਸਕ੍ਕੋ ਅਮ੍ਹੇ ਬਾਧਤਿ, ਯਦਿ ਪਨ ਤਂ ਜਾਨਿਸ੍ਸਤਿ, ਨਟ੍ਠਾ ਮਯਂ, ਮਾ ਅਤ੍ਤਨੋ ਏਕਸ੍ਸ ਅਤ੍ਥਾਯ ਅਮ੍ਹੇ ਨਾਸੇਹੀਤਿ વਤ੍વਾ ਨਿવਾਰਯਿਂਸੁ। ਸਮ੍ਬਰੋવ ਸਤਂ ਸਮਨ੍ਤਿ ਯਥਾ ਸਮ੍ਬਰੋ ਅਸੁਰਿਨ੍ਦੋ ਮਾਯਾવੀ ਮਾਯਂ ਪਯੋਜੇਤ੍વਾ વਸ੍ਸਸਤਂ ਨਿਰਯੇ ਪਕ੍ਕੋ, ਏવਂ ਪਚ੍ਚਤਿ। ਤੁਮ੍ਹੇ ਧਮ੍ਮਿਕਾવ, ਅਲਂ વੋ ਮਾਯਾਯਾਤਿ વਦਤਿ। ਕਿਂ ਪਨ ਸਕ੍ਕੋ ਤਸ੍ਸ ਕੋਧਂ ਤਿਕਿਚ੍ਛਿਤੁਂ ਸਕ੍ਕੁਣੇਯ੍ਯਾਤਿ? ਆਮ ਸਕ੍ਕੁਣੇਯ੍ਯ। ਕਥਂ? ਤਦਾ ਕਿਰ ਸੋ ਇਸਿਗਣੋ ਧਰਤਿਯੇવ, ਤਸ੍ਮਾ ਨਂ ਇਸੀਨਂ ਸਨ੍ਤਿਕਂ ਨੇਤ੍વਾ ਖਮਾਪੇਯ੍ਯ, ਏવਮਸ੍ਸ ਫਾਸੁ ਭવੇਯ੍ਯ। ਤੇਨ ਪਨ વਞ੍ਚਿਤਤ੍ਤਾ ਤਥਾ ਅਕਤ੍વਾ ਪਕ੍ਕਨ੍ਤੋવ। ਤਤਿਯਂ।
269. Tatiye ābādhikoti isigaṇena abhisapakāle uppannābādhena ābādhiko. Vācehi manti sace maṃ sambarimāyaṃ vācesi, evamahaṃ tampi tikicchissāmīti vadati. Mā kho tvaṃ, mārisa, vācesīti vināpi tāva sambarimāyaṃ sakko amhe bādhati, yadi pana taṃ jānissati, naṭṭhā mayaṃ, mā attano ekassa atthāya amhe nāsehīti vatvā nivārayiṃsu. Sambarova sataṃ samanti yathā sambaro asurindo māyāvī māyaṃ payojetvā vassasataṃ niraye pakko, evaṃ paccati. Tumhe dhammikāva, alaṃ vo māyāyāti vadati. Kiṃ pana sakko tassa kodhaṃ tikicchituṃ sakkuṇeyyāti? Āma sakkuṇeyya. Kathaṃ? Tadā kira so isigaṇo dharatiyeva, tasmā naṃ isīnaṃ santikaṃ netvā khamāpeyya, evamassa phāsu bhaveyya. Tena pana vañcitattā tathā akatvā pakkantova. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਸਮ੍ਬਰਿਮਾਯਾਸੁਤ੍ਤਂ • 3. Sambarimāyāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਸਮ੍ਬਰਿਮਾਯਾਸੁਤ੍ਤવਣ੍ਣਨਾ • 3. Sambarimāyāsuttavaṇṇanā
