| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൩. സമ്ബരിമായാസുത്തവണ്ണനാ
3. Sambarimāyāsuttavaṇṇanā
൨൬൯. തതിയേ ആബാധികോതി ഇസിഗണേന അഭിസപകാലേ ഉപ്പന്നാബാധേന ആബാധികോ. വാചേഹി മന്തി സചേ മം സമ്ബരിമായം വാചേസി, ഏവമഹം തമ്പി തികിച്ഛിസ്സാമീതി വദതി. മാ ഖോ ത്വം, മാരിസ, വാചേസീതി വിനാപി താവ സമ്ബരിമായം സക്കോ അമ്ഹേ ബാധതി, യദി പന തം ജാനിസ്സതി, നട്ഠാ മയം, മാ അത്തനോ ഏകസ്സ അത്ഥായ അമ്ഹേ നാസേഹീതി വത്വാ നിവാരയിംസു. സമ്ബരോവ സതം സമന്തി യഥാ സമ്ബരോ അസുരിന്ദോ മായാവീ മായം പയോജേത്വാ വസ്സസതം നിരയേ പക്കോ, ഏവം പച്ചതി. തുമ്ഹേ ധമ്മികാവ, അലം വോ മായായാതി വദതി. കിം പന സക്കോ തസ്സ കോധം തികിച്ഛിതും സക്കുണേയ്യാതി? ആമ സക്കുണേയ്യ. കഥം? തദാ കിര സോ ഇസിഗണോ ധരതിയേവ, തസ്മാ നം ഇസീനം സന്തികം നേത്വാ ഖമാപേയ്യ, ഏവമസ്സ ഫാസു ഭവേയ്യ. തേന പന വഞ്ചിതത്താ തഥാ അകത്വാ പക്കന്തോവ. തതിയം.
269. Tatiye ābādhikoti isigaṇena abhisapakāle uppannābādhena ābādhiko. Vācehi manti sace maṃ sambarimāyaṃ vācesi, evamahaṃ tampi tikicchissāmīti vadati. Mā kho tvaṃ, mārisa, vācesīti vināpi tāva sambarimāyaṃ sakko amhe bādhati, yadi pana taṃ jānissati, naṭṭhā mayaṃ, mā attano ekassa atthāya amhe nāsehīti vatvā nivārayiṃsu. Sambarova sataṃ samanti yathā sambaro asurindo māyāvī māyaṃ payojetvā vassasataṃ niraye pakko, evaṃ paccati. Tumhe dhammikāva, alaṃ vo māyāyāti vadati. Kiṃ pana sakko tassa kodhaṃ tikicchituṃ sakkuṇeyyāti? Āma sakkuṇeyya. Kathaṃ? Tadā kira so isigaṇo dharatiyeva, tasmā naṃ isīnaṃ santikaṃ netvā khamāpeyya, evamassa phāsu bhaveyya. Tena pana vañcitattā tathā akatvā pakkantova. Tatiyaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൩. സമ്ബരിമായാസുത്തം • 3. Sambarimāyāsuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൩. സമ്ബരിമായാസുത്തവണ്ണനാ • 3. Sambarimāyāsuttavaṇṇanā
