| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. ஸம்பே⁴ஜ்ஜஉத³கஸுத்தங்
3. Sambhejjaudakasuttaṃ
76. ஸாவத்தி²யங் விஹரதி…பே॰… ‘‘ஸெய்யதா²பி , பி⁴க்க²வே, யத்தி²மா மஹானதி³யோ ஸங்ஸந்த³ந்தி ஸமெந்தி, ஸெய்யதி²த³ங் – க³ங்கா³ யமுனா அசிரவதீ ஸரபூ⁴ மஹீ, ததோ புரிஸோ த்³வே வா தீணி வா உத³கபு²ஸிதானி உத்³த⁴ரெய்ய. தங் கிங் மஞ்ஞத², பி⁴க்க²வே, கதமங் நு கோ² ப³ஹுதரங், யானி வா த்³வே வா தீணி வா உத³கபு²ஸிதானி உப்³ப⁴தானி யங் வா ஸம்பே⁴ஜ்ஜஉத³க’’ந்தி?
76. Sāvatthiyaṃ viharati…pe… ‘‘seyyathāpi , bhikkhave, yatthimā mahānadiyo saṃsandanti samenti, seyyathidaṃ – gaṅgā yamunā aciravatī sarabhū mahī, tato puriso dve vā tīṇi vā udakaphusitāni uddhareyya. Taṃ kiṃ maññatha, bhikkhave, katamaṃ nu kho bahutaraṃ, yāni vā dve vā tīṇi vā udakaphusitāni ubbhatāni yaṃ vā sambhejjaudaka’’nti?
‘‘ஏததே³வ, ப⁴ந்தே, ப³ஹுதரங் யதி³த³ங் ஸம்பே⁴ஜ்ஜஉத³கங்; அப்பமத்தகானி த்³வே வா தீணி வா உத³கபு²ஸிதானி உப்³ப⁴தானி. நேவ ஸதிமங் கலங் உபெந்தி ந ஸஹஸ்ஸிமங் கலங் உபெந்தி ந ஸதஸஹஸ்ஸிமங் கலங் உபெந்தி ஸம்பே⁴ஜ்ஜஉத³கங் உபனிதா⁴ய த்³வே வா தீணி வா உத³கபு²ஸிதானி உப்³ப⁴தானீ’’தி. ‘‘ஏவமேவ கோ², பி⁴க்க²வே…பே॰… த⁴ம்மசக்கு²படிலாபோ⁴’’தி. ததியங்.
‘‘Etadeva, bhante, bahutaraṃ yadidaṃ sambhejjaudakaṃ; appamattakāni dve vā tīṇi vā udakaphusitāni ubbhatāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti sambhejjaudakaṃ upanidhāya dve vā tīṇi vā udakaphusitāni ubbhatānī’’ti. ‘‘Evameva kho, bhikkhave…pe… dhammacakkhupaṭilābho’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. ஸங்பே⁴ஜ்ஜஉத³கஸுத்தாதி³வண்ணனா • 3. Saṃbhejjaudakasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. ஸங்பே⁴ஜ்ஜஉத³கஸுத்தாதி³வண்ணனா • 3. Saṃbhejjaudakasuttādivaṇṇanā
