| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. སམྦྷེཛྫཨུདཀསུཏྟཾ
3. Sambhejjaudakasuttaṃ
༧༦. སཱཝཏྠིཡཾ ཝིཧརཏི…པེ॰… ‘‘སེཡྻཐཱཔི , བྷིཀྑཝེ, ཡཏྠིམཱ མཧཱནདིཡོ སཾསནྡནྟི སམེནྟི, སེཡྻཐིདཾ – གངྒཱ ཡམུནཱ ཨཙིརཝཏཱི སརབྷཱུ མཧཱི, ཏཏོ པུརིསོ དྭེ ཝཱ ཏཱིཎི ཝཱ ཨུདཀཕུསིཏཱནི ཨུདྡྷརེཡྻ། ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཱནི ཝཱ དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནི ཡཾ ཝཱ སམྦྷེཛྫཨུདཀ’’ནྟི?
76. Sāvatthiyaṃ viharati…pe… ‘‘seyyathāpi , bhikkhave, yatthimā mahānadiyo saṃsandanti samenti, seyyathidaṃ – gaṅgā yamunā aciravatī sarabhū mahī, tato puriso dve vā tīṇi vā udakaphusitāni uddhareyya. Taṃ kiṃ maññatha, bhikkhave, katamaṃ nu kho bahutaraṃ, yāni vā dve vā tīṇi vā udakaphusitāni ubbhatāni yaṃ vā sambhejjaudaka’’nti?
‘‘ཨེཏདེཝ, བྷནྟེ, བཧུཏརཾ ཡདིདཾ སམྦྷེཛྫཨུདཀཾ; ཨཔྤམཏྟཀཱནི དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནི། ནེཝ སཏིམཾ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི སམྦྷེཛྫཨུདཀཾ ཨུཔནིདྷཱཡ དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནཱི’’ཏི། ‘‘ཨེཝམེཝ ཁོ, བྷིཀྑཝེ…པེ॰… དྷམྨཙཀྑུཔཊིལཱབྷོ’’ཏི། ཏཏིཡཾ།
‘‘Etadeva, bhante, bahutaraṃ yadidaṃ sambhejjaudakaṃ; appamattakāni dve vā tīṇi vā udakaphusitāni ubbhatāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti sambhejjaudakaṃ upanidhāya dve vā tīṇi vā udakaphusitāni ubbhatānī’’ti. ‘‘Evameva kho, bhikkhave…pe… dhammacakkhupaṭilābho’’ti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. སཾབྷེཛྫཨུདཀསུཏྟཱདིཝཎྞནཱ • 3. Saṃbhejjaudakasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. སཾབྷེཛྫཨུདཀསུཏྟཱདིཝཎྞནཱ • 3. Saṃbhejjaudakasuttādivaṇṇanā
