| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. самбхууд̇ад̇т̇зраг̇аат̇ааван̣н̣анаа
7. Sambhūtattheragāthāvaṇṇanā
яо д̣̇анд̇хагаалзд̇иаад̣̇игаа ааяасмад̇о самбхууд̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани гаронд̇о б̣уд̣̇д̇хасун̃н̃з логз жанд̣̇абхааг̇ааяа над̣̇ияаа д̇ийрз гиннараяонияам̣ ниб̣б̣ад̇д̇о. згад̣̇ивасам̣ ан̃н̃ад̇арам̣ бажжзгаб̣уд̣̇д̇хам̣ д̣̇исваа басаннамаанасо ванд̣̇ид̇ваа гад̇ан̃ж̇алий аж̇ж̇унабубпзхи бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇ид̇ваа самбхууд̇од̇и лад̣̇д̇ханаамо ваяаббад̇д̇о бхаг̇авад̇о бариниб̣б̣аанасса бажчаа д̇хаммабхан̣д̣ааг̇ааригасса санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа саман̣ад̇хаммам̣ гаронд̇о вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.52.28-36) –
Yo dandhakāletiādikā āyasmato sambhūtattherassa gāthā. Kā uppatti? Ayampi purimabuddhesu katādhikāro tattha tattha bhave puññāni karonto buddhasuññe loke candabhāgāya nadiyā tīre kinnarayoniyaṃ nibbatto. Ekadivasaṃ aññataraṃ paccekabuddhaṃ disvā pasannamānaso vanditvā katañjalī ajjunapupphehi pūjaṃ akāsi. So tena puññakammena devamanussesu saṃsaranto imasmiṃ buddhuppāde kulagehe nibbattitvā sambhūtoti laddhanāmo vayappatto bhagavato parinibbānassa pacchā dhammabhaṇḍāgārikassa santike dhammaṃ sutvā paṭiladdhasaddho pabbajitvā samaṇadhammaṃ karonto vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 2.52.28-36) –
‘‘жанд̣̇абхааг̇аанад̣̇ийд̇ийрз, ахосим̣ гиннаро д̇ад̣̇аа;
‘‘Candabhāgānadītīre, ahosiṃ kinnaro tadā;
ад̣̇д̣̇асам̣ вираж̇ам̣ б̣уд̣̇д̇хам̣, саяамбхум̣ абарааж̇ид̇ам̣.
Addasaṃ virajaṃ buddhaṃ, sayambhuṃ aparājitaṃ.
‘‘басаннажид̇д̇о сумано, взд̣̇аж̇аад̇о гад̇ан̃ж̇алий;
‘‘Pasannacitto sumano, vedajāto katañjalī;
г̇ахзд̇ваа аж̇ж̇унам̣ бубпам̣, саяамбхум̣ абхибууж̇аяим̣.
Gahetvā ajjunaṃ pupphaṃ, sayambhuṃ abhipūjayiṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа гиннарам̣ д̣̇зхам̣, д̇аавад̇им̣самаг̇ажчахам̣.
Jahitvā kinnaraṃ dehaṃ, tāvatiṃsamagacchahaṃ.
‘‘чад̇д̇исагкад̇д̇ум̣ д̣̇звинд̣̇о, д̣̇звараж̇ж̇амагаараяим̣;
‘‘Chattisakkhattuṃ devindo, devarajjamakārayiṃ;
д̣̇асагкад̇д̇ум̣ жаггавад̇д̇ий, махаараж̇ж̇амагаараяим̣.
Dasakkhattuṃ cakkavattī, mahārajjamakārayiṃ.
‘‘бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣;
‘‘Padesarajjaṃ vipulaṃ, gaṇanāto asaṅkhiyaṃ;
сукзд̇д̇з ваббид̇ам̣ б̣ийж̇ам̣, саяамбхумхи ахо мама.
Sukhette vappitaṃ bījaṃ, sayambhumhi aho mama.
‘‘гусалам̣ виж̇ж̇ад̇з маяхам̣, баб̣б̣аж̇им̣ анаг̇аарияам̣;
‘‘Kusalaṃ vijjate mayhaṃ, pabbajiṃ anagāriyaṃ;
бууж̇аарахо ахам̣ аж̇ж̇а, сагяабуд̇д̇асса саасанз.
Pūjāraho ahaṃ ajja, sakyaputtassa sāsane.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа вимуд̇д̇исукзна вихаранд̇о вассасад̇абариниб̣б̣уд̇з бхаг̇авад̇и взсаалигзсу важ̇ж̇ибуд̇д̇агзсу д̣̇аса вад̇т̇ууни баг̇г̇аяха тид̇зсу гааган̣д̣агабуд̇д̇зна яасад̇т̇зрзна уссаахид̇зхи сад̇д̇асад̇зхи кийн̣аасавзхи д̇ам̣ д̣̇идтим̣ бхинд̣̇ид̇ваа сад̣̇д̇хаммам̣ баг̇г̇ан̣ханд̇зхи д̇хаммавинаяасан̇г̇ахз гад̇з д̇зсам̣ важ̇ж̇ибуд̇д̇агаанам̣ уд̣̇д̇хаммауб̣б̣инаяад̣̇ийбанз д̇хаммасам̣взг̇зна т̇зро –
Arahattaṃ pana patvā vimuttisukhena viharanto vassasataparinibbute bhagavati vesālikesu vajjiputtakesu dasa vatthūni paggayha ṭhitesu kākaṇḍakaputtena yasattherena ussāhitehi sattasatehi khīṇāsavehi taṃ diṭṭhiṃ bhinditvā saddhammaṃ paggaṇhantehi dhammavinayasaṅgahe kate tesaṃ vajjiputtakānaṃ uddhammaubbinayadīpane dhammasaṃvegena thero –
291.
291.
‘‘яо д̣̇анд̇хагаалз д̇арад̇и, д̇аран̣ийяз жа д̣̇анд̇хаяз;
‘‘Yo dandhakāle tarati, taraṇīye ca dandhaye;
аяонисам̣вид̇хаанзна, б̣аало д̣̇угкам̣ ниг̇ажчад̇и.
Ayonisaṃvidhānena, bālo dukkhaṃ nigacchati.
292.
292.
‘‘д̇ассад̇т̇аа барихааяанд̇и, гаал̣абагкзва жанд̣̇имаа;
‘‘Tassatthā parihāyanti, kāḷapakkheva candimā;
ааяасагяан̃жа баббод̇и, мид̇д̇зхи жа вируж̇жхад̇и.
Āyasakyañca pappoti, mittehi ca virujjhati.
293.
293.
‘‘яо д̣̇анд̇хагаалз д̣̇анд̇хзд̇и, д̇аран̣ийяз жа д̇аараяз;
‘‘Yo dandhakāle dandheti, taraṇīye ca tāraye;
яонисо сам̣вид̇хаанзна, сукам̣ баббод̇и бан̣д̣ид̇о.
Yoniso saṃvidhānena, sukhaṃ pappoti paṇḍito.
294.
294.
‘‘д̇ассад̇т̇аа барибуурзнд̇и, суггабагкзва жанд̣̇имаа;
‘‘Tassatthā paripūrenti, sukkapakkheva candimā;
яасо гид̇д̇ин̃жа баббод̇и, мид̇д̇зхи на вируж̇жхад̇ий’’д̇и. –
Yaso kittiñca pappoti, mittehi na virujjhatī’’ti. –
имаа г̇аат̇аа бхан̣анд̇о ан̃н̃ам̣ б̣яаагааси.
Imā gāthā bhaṇanto aññaṃ byākāsi.
д̇ад̇т̇а яо д̣̇анд̇хагаалз д̇арад̇ийд̇и гисмин̃жи гад̇д̇аб̣б̣авад̇т̇усмим̣ – ‘‘габбад̇и ну ко, на ну ко габбад̇ий’’д̇и винаяагуггужжз уббаннз яаава вияад̇д̇ам̣ винаяад̇харам̣ бужчид̇ваа д̇ам̣ гуггужжам̣ на винод̣̇зд̇и, д̇аава д̣̇анд̇хагаалз д̇асса гижжасса д̣̇анд̇хааяид̇аб̣б̣асамаяз д̇арад̇и мад̣̇д̣̇ид̇ваа вийд̇иггамам̣ гарод̇и. д̇аран̣ийяз жа д̣̇анд̇хаязд̇и г̇ахадтасса д̇аава саран̣аг̇аманасийласамаад̣̇аанаад̣̇игз, баб̣б̣аж̇ид̇асса вад̇д̇абадивад̇д̇агаран̣аад̣̇игз самат̇авибассанаануяог̇з жа д̇арид̇аб̣б̣з самбад̇д̇з сийгхам̣ д̇ам̣ гижжам̣ анануяун̃ж̇ид̇ваа – ‘‘ааг̇аманамаасз багкз ваа гариссаамий’’д̇и д̣̇анд̇хааязяяа, д̇ам̣ гижжам̣ агаронд̇ова гаалам̣ вийд̇инаамзяяа. аяонисам̣вид̇хаанзнаад̇и звам̣ д̣̇анд̇хааяид̇аб̣б̣з д̇аранд̇о д̇арид̇аб̣б̣з жа д̣̇анд̇хааяанд̇о анубааяасам̣вид̇хаанзна убааяасам̣вид̇хаанаабхаавзна б̣аало, манд̣̇аб̣уд̣̇д̇хиго буг̇г̇ало, самбад̇и ааяад̇ин̃жа д̣̇угкам̣ анад̇т̇ам̣ баабун̣аад̇и.
Tattha yo dandhakāle taratīti kismiñci kattabbavatthusmiṃ – ‘‘kappati nu kho, na nu kho kappatī’’ti vinayakukkucce uppanne yāva viyattaṃ vinayadharaṃ pucchitvā taṃ kukkuccaṃ na vinodeti, tāva dandhakāle tassa kiccassa dandhāyitabbasamaye tarati madditvā vītikkamaṃ karoti. Taraṇīye ca dandhayeti gahaṭṭhassa tāva saraṇagamanasīlasamādānādike, pabbajitassa vattapaṭivattakaraṇādike samathavipassanānuyoge ca taritabbe sampatte sīghaṃ taṃ kiccaṃ ananuyuñjitvā – ‘‘āgamanamāse pakkhe vā karissāmī’’ti dandhāyeyya, taṃ kiccaṃ akarontova kālaṃ vītināmeyya. Ayonisaṃvidhānenāti evaṃ dandhāyitabbe taranto taritabbe ca dandhāyanto anupāyasaṃvidhānena upāyasaṃvidhānābhāvena bālo, mandabuddhiko puggalo, sampati āyatiñca dukkhaṃ anatthaṃ pāpuṇāti.
д̇ассад̇т̇аа барихааяанд̇ийд̇и д̇асса д̇ат̇ааруубасса буг̇г̇аласса д̣̇идтад̇хаммигаад̣̇ибхзд̣̇аа ад̇т̇аа гаал̣абагкз жанд̣̇имаа вияа, барихааяанд̇и д̣̇ивасз д̣̇ивасз баригкаяам̣ барияаад̣̇аанам̣ г̇ажчанд̇и. ‘‘асуго буг̇г̇ало ассад̣̇д̇хо аббасанно гусийд̇о хийнавийрияо’’д̇иаад̣̇инаа. ааяасагяам̣ вин̃н̃уухи г̇арахид̇аб̣б̣ад̇ам̣ баббод̇и баабун̣аад̇и. мид̇д̇зхи жа вируж̇жхад̇ийд̇и ‘‘звам̣ бадибаж̇ж̇а, маа звам̣ бадибаж̇ж̇аа’’д̇и оваад̣̇ад̣̇ааяагзхи галяаан̣амид̇д̇зхи ‘‘аважанийяаа маяа’’нд̇и оваад̣̇асса анаад̣̇аанзнзва вируд̣̇д̇хо наама ход̇и.
Tassatthā parihāyantīti tassa tathārūpassa puggalassa diṭṭhadhammikādibhedā atthā kāḷapakkhe candimā viya, parihāyanti divase divase parikkhayaṃ pariyādānaṃ gacchanti. ‘‘Asuko puggalo assaddho appasanno kusīto hīnavīriyo’’tiādinā. Āyasakyaṃ viññūhi garahitabbataṃ pappoti pāpuṇāti. Mittehi ca virujjhatīti ‘‘evaṃ paṭipajja, mā evaṃ paṭipajjā’’ti ovādadāyakehi kalyāṇamittehi ‘‘avacanīyā maya’’nti ovādassa anādāneneva viruddho nāma hoti.
сзсаг̇аат̇аад̣̇ваяасса вуд̇д̇авибарияааязна ад̇т̇о взд̣̇ид̇аб̣б̣о. гзжи банзд̇т̇а – ‘‘д̇арад̇и д̣̇анд̇хаяз’’д̇ибад̣̇аанам̣ ад̇т̇абхаавзна бхааванаажид̇д̇асса баг̇г̇аханиг̇г̇ахз уд̣̇д̇харанд̇и. д̇ам̣ бажчимаг̇аат̇аасу яуж̇ж̇ад̇и. буримаа хи д̣̇вз г̇аат̇аа баб̣б̣аж̇ид̇агаалад̇о бадтааяа жарид̇аб̣б̣ам̣ саман̣ад̇хаммам̣ агад̇ваа гуггужжабагад̇ад̇ааяа д̣̇аса вад̇т̇ууни д̣̇ийбзд̇ваа сан̇гхзна ниггад̣дхид̇з важ̇ж̇ибуд̇д̇агз санд̇хааяа т̇зрзна вуд̇д̇аа. бажчимаа бана ад̇д̇асад̣̇исз саммаа бадибаннз сагад̇т̇ам̣ нибпаад̣̇зд̇ваа тид̇зд̇и.
Sesagāthādvayassa vuttavipariyāyena attho veditabbo. Keci panettha – ‘‘tarati dandhaye’’tipadānaṃ atthabhāvena bhāvanācittassa paggahaniggahe uddharanti. Taṃ pacchimagāthāsu yujjati. Purimā hi dve gāthā pabbajitakālato paṭṭhāya caritabbaṃ samaṇadhammaṃ akatvā kukkuccapakatatāya dasa vatthūni dīpetvā saṅghena nikkaḍḍhite vajjiputtake sandhāya therena vuttā. Pacchimā pana attasadise sammā paṭipanne sakatthaṃ nipphādetvā ṭhiteti.
самбхууд̇ад̇т̇зраг̇аат̇ааван̣н̣анаа нидтид̇аа.
Sambhūtattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. самбхууд̇ад̇т̇зраг̇аат̇аа • 7. Sambhūtattheragāthā
