наваганибаад̇абаал̣и

Navakanipātapāḷi

1. батамабан̣н̣аасагам̣

1. Paṭhamapaṇṇāsakaṃ

1. самб̣од̇хиваг̇г̇о

1. Sambodhivaggo

1. самб̣од̇хисуд̇д̇ам̣

1. Sambodhisuttaṃ

1. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси –

1. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi –

‘‘сажз, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘самб̣од̇хибагкигаанам̣ ¹, аавусо, д̇хаммаанам̣ гаа убанисаа бхааванааяаа’д̇и, звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ гинд̇и б̣яаагарзяяаат̇аа’’д̇и? ‘‘бхаг̇авам̣муулагаа но, бханд̇з, д̇хаммаа…бз… бхаг̇авад̇о суд̇ваа бхигкуу д̇хаарзссанд̇ий’’д̇и.

‘‘Sace, bhikkhave, aññatitthiyā paribbājakā evaṃ puccheyyuṃ – ‘sambodhipakkhikānaṃ ², āvuso, dhammānaṃ kā upanisā bhāvanāyā’ti, evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ kinti byākareyyāthā’’ti? ‘‘Bhagavaṃmūlakā no, bhante, dhammā…pe… bhagavato sutvā bhikkhū dhāressantī’’ti.

‘‘д̇зна хи, бхигкавз, сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

‘‘Tena hi, bhikkhave, suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –

‘‘сажз, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘самб̣од̇хибагкигаанам̣, аавусо, д̇хаммаанам̣ гаа убанисаа бхааванааяаа’д̇и, звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а –

‘‘Sace, bhikkhave, aññatitthiyā paribbājakā evaṃ puccheyyuṃ – ‘sambodhipakkhikānaṃ, āvuso, dhammānaṃ kā upanisā bhāvanāyā’ti, evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha –

‘‘ид̇хаавусо, бхигку галяаан̣амид̇д̇о ход̇и галяаан̣асахааяо галяаан̣асамбаван̇го . самб̣од̇хибагкигаанам̣, аавусо, д̇хаммаанам̣ аяам̣ батамаа убанисаа бхааванааяа.

‘‘Idhāvuso, bhikkhu kalyāṇamitto hoti kalyāṇasahāyo kalyāṇasampavaṅko . Sambodhipakkhikānaṃ, āvuso, dhammānaṃ ayaṃ paṭhamā upanisā bhāvanāya.

‘‘буна жабарам̣, аавусо, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. самб̣од̇хибагкигаанам̣, аавусо, д̇хаммаанам̣ аяам̣ д̣̇уд̇ияаа убанисаа бхааванааяа.

‘‘Puna caparaṃ, āvuso, bhikkhu sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu. Sambodhipakkhikānaṃ, āvuso, dhammānaṃ ayaṃ dutiyā upanisā bhāvanāya.

‘‘буна жабарам̣, аавусо, бхигку яааяам̣ гат̇аа абхисаллзкигаа жзд̇овиваран̣асаббааяаа, сзяяат̇ид̣̇ам̣ – аббижчагат̇аа санд̇удтигат̇аа бавивзгагат̇аа асам̣саг̇г̇агат̇аа вийрияаарамбхагат̇аа сийлагат̇аа самаад̇хигат̇аа бан̃н̃аагат̇аа вимуд̇д̇игат̇аа вимуд̇д̇ин̃аан̣ад̣̇ассанагат̇аа, зваруубияаа гат̇ааяа нигаамалаабхий ход̇и агижчалаабхий агасиралаабхий. самб̣од̇хибагкигаанам̣, аавусо, д̇хаммаанам̣ аяам̣ д̇ад̇ияаа убанисаа бхааванааяа.

‘‘Puna caparaṃ, āvuso, bhikkhu yāyaṃ kathā abhisallekhikā cetovivaraṇasappāyā, seyyathidaṃ – appicchakathā santuṭṭhikathā pavivekakathā asaṃsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā, evarūpiyā kathāya nikāmalābhī hoti akicchalābhī akasiralābhī. Sambodhipakkhikānaṃ, āvuso, dhammānaṃ ayaṃ tatiyā upanisā bhāvanāya.

‘‘буна жабарам̣, аавусо, бхигку аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. самб̣од̇хибагкигаанам̣, аавусо, д̇хаммаанам̣ аяам̣ жад̇уд̇т̇ий убанисаа бхааванааяа.

‘‘Puna caparaṃ, āvuso, bhikkhu āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu. Sambodhipakkhikānaṃ, āvuso, dhammānaṃ ayaṃ catutthī upanisā bhāvanāya.

‘‘буна жабарам̣, аавусо, бхигку бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. самб̣од̇хибагкигаанам̣, аавусо, д̇хаммаанам̣ аяам̣ бан̃жамий убанисаа бхааванааяа’’.

‘‘Puna caparaṃ, āvuso, bhikkhu paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Sambodhipakkhikānaṃ, āvuso, dhammānaṃ ayaṃ pañcamī upanisā bhāvanāya’’.

‘‘галяаан̣амид̇д̇ассзд̇ам̣ , бхигкавз, бхигкуно баадиган̇кам̣ галяаан̣асахааяасса галяаан̣асамбаван̇гасса – сийлаваа бхависсад̇и, баад̇имогкасам̣варасам̣вуд̇о вихариссад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкиссад̇и сигкаабад̣̇зсу.

‘‘Kalyāṇamittassetaṃ , bhikkhave, bhikkhuno pāṭikaṅkhaṃ kalyāṇasahāyassa kalyāṇasampavaṅkassa – sīlavā bhavissati, pātimokkhasaṃvarasaṃvuto viharissati ācāragocarasampanno aṇumattesu vajjesu bhayadassāvī, samādāya sikkhissati sikkhāpadesu.

‘‘галяаан̣амид̇д̇ассзд̇ам̣, бхигкавз, бхигкуно баадиган̇кам̣ галяаан̣асахааяасса галяаан̣асамбаван̇гасса – яааяам̣ гат̇аа абхисаллзкигаа жзд̇овиваран̣асаббааяаа, сзяяат̇ид̣̇ам̣ – аббижчагат̇аа санд̇удтигат̇аа бавивзгагат̇аа асам̣саг̇г̇агат̇аа вийрияаарамбхагат̇аа сийлагат̇аа самаад̇хигат̇аа бан̃н̃аагат̇аа вимуд̇д̇игат̇аа вимуд̇д̇ин̃аан̣ад̣̇ассанагат̇аа, зваруубияаа гат̇ааяа нигаамалаабхий бхависсад̇и агижчалаабхий агасиралаабхий.

‘‘Kalyāṇamittassetaṃ, bhikkhave, bhikkhuno pāṭikaṅkhaṃ kalyāṇasahāyassa kalyāṇasampavaṅkassa – yāyaṃ kathā abhisallekhikā cetovivaraṇasappāyā, seyyathidaṃ – appicchakathā santuṭṭhikathā pavivekakathā asaṃsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā, evarūpiyā kathāya nikāmalābhī bhavissati akicchalābhī akasiralābhī.

‘‘галяаан̣амид̇д̇ассзд̇ам̣, бхигкавз, бхигкуно баадиган̇кам̣ галяаан̣асахааяасса галяаан̣асамбаван̇гасса – аарад̣̇д̇хавийрияо вихариссад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу.

‘‘Kalyāṇamittassetaṃ, bhikkhave, bhikkhuno pāṭikaṅkhaṃ kalyāṇasahāyassa kalyāṇasampavaṅkassa – āraddhavīriyo viharissati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu.

‘‘галяаан̣амид̇д̇ассзд̇ам̣, бхигкавз, бхигкуно баадиган̇кам̣ галяаан̣асахааяасса галяаан̣асамбаван̇гасса – бан̃н̃аваа бхависсад̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа.

‘‘Kalyāṇamittassetaṃ, bhikkhave, bhikkhuno pāṭikaṅkhaṃ kalyāṇasahāyassa kalyāṇasampavaṅkassa – paññavā bhavissati udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.

‘‘д̇зна жа бана, бхигкавз, бхигкунаа имзсу бан̃жасу д̇хаммзсу бад̇идтааяа жад̇д̇ааро д̇хаммаа уд̇д̇ари ³ бхаавзд̇аб̣б̣аа – асубхаа бхаавзд̇аб̣б̣аа рааг̇асса бахаанааяа, мзд̇д̇аа бхаавзд̇аб̣б̣аа б̣яаабаад̣̇асса бахаанааяа, аанаабаанассад̇и ⁴ бхаавзд̇аб̣б̣аа вид̇аггубажчзд̣̇ааяа, анижжасан̃н̃аа бхаавзд̇аб̣б̣аа асмимаанасамуг̇гхаад̇ааяа. анижжасан̃н̃ино, бхигкавз, анад̇д̇асан̃н̃аа сан̣таад̇и. анад̇д̇асан̃н̃ий асмимаанасамуг̇гхаад̇ам̣ баабун̣аад̇и д̣̇идтзва д̇хаммз ниб̣б̣аана’’нд̇и . батамам̣.

‘‘Tena ca pana, bhikkhave, bhikkhunā imesu pañcasu dhammesu patiṭṭhāya cattāro dhammā uttari ⁵ bhāvetabbā – asubhā bhāvetabbā rāgassa pahānāya, mettā bhāvetabbā byāpādassa pahānāya, ānāpānassati ⁶ bhāvetabbā vitakkupacchedāya, aniccasaññā bhāvetabbā asmimānasamugghātāya. Aniccasaññino, bhikkhave, anattasaññā saṇṭhāti. Anattasaññī asmimānasamugghātaṃ pāpuṇāti diṭṭheva dhamme nibbāna’’nti . Paṭhamaṃ.

Next: 2. ниссаяасуд̇д̇ам̣ • 2. Nissayasuttaṃ

Footnotes:

1. самб̣од̇хабагкигаанам̣ (сий. сяаа. бий.)

2. sambodhapakkhikānaṃ (sī. syā. pī.)

3. уд̇д̇арим̣ (сий. сяаа. бий.)

4. аанаабаанасад̇и (сий. бий.)

5. uttariṃ (sī. syā. pī.)

6. ānāpānasati (sī. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. самб̣од̇хисуд̇д̇аван̣н̣анаа • 1. Sambodhisuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. самб̣од̇хисуд̇д̇аад̣̇иван̣н̣анаа • 1-2. Sambodhisuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact