наваганибаад̇а-адтагат̇аа

Navakanipāta-aṭṭhakathā

1. батамабан̣н̣аасагам̣

1. Paṭhamapaṇṇāsakaṃ

1. самб̣од̇хиваг̇г̇о

1. Sambodhivaggo

1. самб̣од̇хисуд̇д̇аван̣н̣анаа

1. Sambodhisuttavaṇṇanā

1. наваганибаад̇асса батамз самб̣од̇хибагкигаананд̇и жад̇умаг̇г̇асан̇каад̇асса самб̣од̇хисса багкз бхаваанам̣, убагаарагаананд̇и ад̇т̇о. баал̣ияам̣ ааг̇ад̇з нава д̇хаммз санд̇хааязвам̣ бужчад̇и. гаа убанисаад̇и го убаниссаяабажжаяо. абхисаллзканд̇ийд̇и абхисаллзкигаа. самат̇авибассанаажид̇д̇асса виваран̣з саббааяаа убагаарагаад̇и жзд̇овиваран̣асаббааяаа. аббижчад̇ам̣ аараб̣бха бавад̇д̇аа гат̇аа аббижчагат̇аа. сзсзсуби зсзва наяо.

1. Navakanipātassa paṭhame sambodhipakkhikānanti catumaggasaṅkhātassa sambodhissa pakkhe bhavānaṃ, upakārakānanti attho. Pāḷiyaṃ āgate nava dhamme sandhāyevaṃ pucchati. Kā upanisāti ko upanissayapaccayo. Abhisallekhantīti abhisallekhikā. Samathavipassanācittassa vivaraṇe sappāyā upakārakāti cetovivaraṇasappāyā. Appicchataṃ ārabbha pavattā kathā appicchakathā. Sesesupi eseva nayo.

асубхаа бхаавзд̇аб̣б̣аа рааг̇асса бахаанааяаад̇и аяамад̇т̇о саалилааяагобамааяа вибхаавзд̇аб̣б̣о – зго хи бурисо асид̇ам̣ г̇ахзд̇ваа годид̇о бадтааяа саалигкзд̇д̇з саалияо лааяад̇и. ат̇асса вад̇им̣ бхинд̣̇ид̇ваа г̇ааво бависим̣су. со асид̇ам̣ табзд̇ваа яадтим̣ аад̣̇ааяа д̇знзва маг̇г̇зна г̇ааво нийхарид̇ваа вад̇им̣ баагад̇игам̣ гад̇ваа бунаби асид̇ам̣ аад̣̇ааяа саалияо лааяи. зд̇т̇а саалигкзд̇д̇ам̣ вияа б̣уд̣̇д̇хасаасанам̣ д̣̇адтаб̣б̣ам̣, саалилааяаго вияа яог̇ааважаро, асид̇ам̣ вияа бан̃н̃аа, лааяанагаало вияа вибассанааяа гаммагаран̣агаало, яадти вияа асубхагаммадтаанам̣, вад̇и вияа сам̣варо, вад̇им̣ бхинд̣̇ид̇ваа г̇аавийнам̣ бависанам̣ вияа сахасаа аббадисан̇кааяа бамаад̣̇ам̣ аараб̣бха рааг̇асса уббаж̇ж̇анам̣, асид̇ам̣ табзд̇ваа яадтим̣ аад̣̇ааяа бавидтамаг̇г̇знзва г̇ааво нийхарид̇ваа вад̇им̣ бадибаагад̇игам̣ гад̇ваа буна годид̇о бадтааяа саалилааяанам̣ вияа асубхагаммадтаанзна рааг̇ам̣ вигкамбхзд̇ваа буна вибассанааяа гаммам̣ аарабханагаало. имамад̇т̇ам̣ санд̇хааяа вуд̇д̇ам̣ – ‘‘асубхаа бхаавзд̇аб̣б̣аа рааг̇асса бахаанааяаа’’д̇и.

Asubhābhāvetabbā rāgassa pahānāyāti ayamattho sālilāyakopamāya vibhāvetabbo – eko hi puriso asitaṃ gahetvā koṭito paṭṭhāya sālikkhette sāliyo lāyati. Athassa vatiṃ bhinditvā gāvo pavisiṃsu. So asitaṃ ṭhapetvā yaṭṭhiṃ ādāya teneva maggena gāvo nīharitvā vatiṃ pākatikaṃ katvā punapi asitaṃ ādāya sāliyo lāyi. Ettha sālikkhettaṃ viya buddhasāsanaṃ daṭṭhabbaṃ, sālilāyako viya yogāvacaro, asitaṃ viya paññā, lāyanakālo viya vipassanāya kammakaraṇakālo, yaṭṭhi viya asubhakammaṭṭhānaṃ, vati viya saṃvaro, vatiṃ bhinditvā gāvīnaṃ pavisanaṃ viya sahasā appaṭisaṅkhāya pamādaṃ ārabbha rāgassa uppajjanaṃ, asitaṃ ṭhapetvā yaṭṭhiṃ ādāya paviṭṭhamaggeneva gāvo nīharitvā vatiṃ paṭipākatikaṃ katvā puna koṭito paṭṭhāya sālilāyanaṃ viya asubhakammaṭṭhānena rāgaṃ vikkhambhetvā puna vipassanāya kammaṃ ārabhanakālo. Imamatthaṃ sandhāya vuttaṃ – ‘‘asubhā bhāvetabbā rāgassa pahānāyā’’ti.

д̇ад̇т̇а рааг̇ассаад̇и бан̃жагаамаг̇ун̣игарааг̇асса. мзд̇д̇аад̇и мзд̇д̇аагаммадтаанам̣. б̣яаабаад̣̇асса бахаанааяаад̇и вуд̇д̇анаязнзва уббаннасса гобасса баж̇аханад̇т̇ааяа. аанаабаанассад̇ийд̇и сол̣асавад̇т̇угаа аанаабаанассад̇и. вид̇аггубажчзд̣̇ааяаад̇и вуд̇д̇анаязнзва уббаннаанам̣ вид̇аггаанам̣ убажчзд̣̇анад̇т̇ааяа. асмимаанасамуг̇гхаад̇ааяаад̇и асмийд̇и уббаж̇ж̇анагасса маанасса самуг̇гхаад̇ад̇т̇ааяа. анад̇д̇асан̃н̃аа сан̣таад̇ийд̇и анижжалагкан̣з д̣̇идтз анад̇д̇алагкан̣ам̣ д̣̇идтамзва ход̇и. зд̇зсу хи д̇ийсу лагкан̣зсу згасмим̣ д̣̇идтз ид̇арад̣̇ваяам̣ д̣̇идтамзва ход̇и. д̇зна вуд̇д̇ам̣ – ‘‘анижжасан̃н̃ино, бхигкавз, анад̇д̇асан̃н̃аа сан̣таад̇ий’’д̇и. д̣̇идтзва д̇хаммз ниб̣б̣аананд̇и д̣̇идтзязва д̇хаммз абажжаяабариниб̣б̣аанан̃жа баабун̣аад̇ийд̇и имасмим̣ суд̇д̇з ваддавиваддам̣ гат̇ид̇ам̣.

Tattha rāgassāti pañcakāmaguṇikarāgassa. Mettāti mettākammaṭṭhānaṃ. Byāpādassa pahānāyāti vuttanayeneva uppannassa kopassa pajahanatthāya. Ānāpānassatīti soḷasavatthukā ānāpānassati. Vitakkupacchedāyāti vuttanayeneva uppannānaṃ vitakkānaṃ upacchedanatthāya. Asmimānasamugghātāyāti asmīti uppajjanakassa mānassa samugghātatthāya. Anattasaññā saṇṭhātīti aniccalakkhaṇe diṭṭhe anattalakkhaṇaṃ diṭṭhameva hoti. Etesu hi tīsu lakkhaṇesu ekasmiṃ diṭṭhe itaradvayaṃ diṭṭhameva hoti. Tena vuttaṃ – ‘‘aniccasaññino, bhikkhave, anattasaññā saṇṭhātī’’ti. Diṭṭheva dhamme nibbānanti diṭṭheyeva dhamme apaccayaparinibbānañca pāpuṇātīti imasmiṃ sutte vaṭṭavivaṭṭaṃ kathitaṃ.

Next: 2. ниссаяасуд̇д̇аван̣н̣анаа • 2. Nissayasuttavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. самб̣од̇хисуд̇д̇ам̣ • 1. Sambodhisuttaṃ

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. самб̣од̇хисуд̇д̇аад̣̇иван̣н̣анаа • 1-2. Sambodhisuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact