Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi

519. самб̣улааж̇аад̇агам̣ (9)

519. Sambulājātakaṃ (9)

297.

гаа взд̇хамаанаа г̇ириганд̣̇арааяам̣, згаа д̇увам̣ д̇идтаси сам̣хид̇ууру ¹;

Kā vedhamānā girikandarāyaṃ, ekā tuvaṃ tiṭṭhasi saṃhitūru ²;

будтааси мз баан̣ибамзяяамаж̇жхз, агкаахи мз нааман̃жа б̣анд̇хавз жа.

Puṭṭhāsi me pāṇipameyyamajjhe, akkhāhi me nāmañca bandhave ca.

298.

обхаасаяам̣ ванам̣ раммам̣, сийхаб̣яаг̇гханисзвид̇ам̣;

Obhāsayaṃ vanaṃ rammaṃ, sīhabyagghanisevitaṃ;

гаа ваа д̇вамаси галяаан̣и, гасса ваа д̇вам̣ сумаж̇жхимз;

Kā vā tvamasi kalyāṇi, kassa vā tvaṃ sumajjhime;

абхиваад̣̇зми д̇ам̣ бхад̣̇д̣̇з, д̣̇аанаваахам̣ намад̇т̇у д̇з.

Abhivādemi taṃ bhadde, dānavāhaṃ namatthu te.

299.

яо буд̇д̇о гаасирааж̇асса, сод̇т̇исзнод̇и д̇ам̣ вид̣̇уу;

Yo putto kāsirājassa, sotthisenoti taṃ vidū;

д̇ассаахам̣ самб̣улаа бхарияаа, звам̣ ж̇аанаахи д̣̇аанава;

Tassāhaṃ sambulā bhariyā, evaṃ jānāhi dānava;

абхиваад̣̇зми д̇ам̣ бханд̇з ³, самб̣улаахам̣ намад̇т̇у д̇з.

Abhivādemi taṃ bhante ⁴, sambulāhaṃ namatthu te.

300.

взд̣̇зхабуд̇д̇о бхад̣̇д̣̇анд̇з, ванз васад̇и аад̇уро;

Vedehaputto bhaddante, vane vasati āturo;

д̇амахам̣ рог̇асаммад̇д̇ам̣, згаа згам̣ убадтахам̣ ⁵.

Tamahaṃ rogasammattaṃ, ekā ekaṃ upaṭṭhahaṃ ⁶.

301.

ахан̃жа ванамун̃чааяа, мад̇хумам̣сам̣ миг̇ааб̣илам̣ ⁷;

Ahañca vanamuñchāya, madhumaṃsaṃ migābilaṃ ⁸;

яад̣̇аа хараами д̇ам̣ бхагко, д̇асса нуунаж̇ж̇а наад̇хад̇и ⁹.

Yadā harāmi taṃ bhakkho, tassa nūnajja nādhati ¹⁰.

302.

гим̣ ванз рааж̇абуд̇д̇зна, аад̇урзна гариссаси;

Kiṃ vane rājaputtena, āturena karissasi;

самб̣улз барижин̣н̣зна, ахам̣ бхад̇д̇аа бхаваами д̇з.

Sambule pariciṇṇena, ahaṃ bhattā bhavāmi te.

303.

согаддааяа д̣̇урад̇д̇ааяа, гим̣ руубам̣ виж̇ж̇ад̇з мама;

Sokaṭṭāya durattāya, kiṃ rūpaṃ vijjate mama;

ан̃н̃ам̣ бариязса бхад̣̇д̣̇анд̇з, абхируубад̇арам̣ маяаа.

Aññaṃ pariyesa bhaddante, abhirūpataraṃ mayā.

304.

зхимам̣ г̇иримааруяха, бхарияаа мз ¹¹ жад̇уссад̇аа;

Ehimaṃ girimāruyha, bhariyā me ¹² catussatā;

д̇аасам̣ д̇вам̣ бавараа хохи, саб̣б̣агаамасамид̣̇д̇хиний.

Tāsaṃ tvaṃ pavarā hohi, sabbakāmasamiddhinī.

305.

нууна ¹³ д̇аарагаван̣н̣аабхз ¹⁴, яам̣ гин̃жи манасижчаси;

Nūna ¹⁵ tārakavaṇṇābhe ¹⁶, yaṃ kiñci manasicchasi;

саб̣б̣ам̣ д̇ам̣ бажурам̣ маяхам̣, рамассваж̇ж̇а ¹⁷ маяаа саха.

Sabbaṃ taṃ pacuraṃ mayhaṃ, ramassvajja ¹⁸ mayā saha.

306.

но жз д̇увам̣ махзсзяяам̣, самб̣улз гаараяиссаси;

No ce tuvaṃ maheseyyaṃ, sambule kārayissasi;

алам̣ д̇вам̣ баад̇араасааяа, бан̣хз ¹⁹ бхагкаа бхависсаси.

Alaṃ tvaṃ pātarāsāya, paṇhe ²⁰ bhakkhā bhavissasi.

307.

д̇ан̃жа сад̇д̇аж̇адо луд̣̇д̣̇о, гал̣ааро бурисаад̣̇аго;

Tañca sattajaṭo luddo, kaḷāro purisādako;

ванз наат̇ам̣ абассанд̇им̣, самб̣улам̣ аг̇г̇ахий бхуж̇з.

Vane nāthaṃ apassantiṃ, sambulaṃ aggahī bhuje.

308.

ад̇хибаннаа бисаажзна, луд̣̇д̣̇знаамисажагкунаа;

Adhipannā pisācena, luddenāmisacakkhunā;

саа жа сад̇д̇увасамбад̇д̇аа, бад̇имзваанусожад̇и.

Sā ca sattuvasampattā, patimevānusocati.

309.

на мз ид̣̇ам̣ д̇ат̇аа д̣̇угкам̣, яам̣ мам̣ каад̣̇зяяа рагкасо;

Na me idaṃ tathā dukkhaṃ, yaṃ maṃ khādeyya rakkhaso;

яан̃жа мз аяяабуд̇д̇асса, мано хзссад̇и ан̃н̃ат̇аа.

Yañca me ayyaputtassa, mano hessati aññathā.

310.

на санд̇и д̣̇зваа бавасанд̇и нууна, на хи нууна санд̇и ид̇ха логабаалаа;

Na santi devā pavasanti nūna, na hi nūna santi idha lokapālā;

сахасаа гаронд̇аанамасан̃н̃ад̇аанам̣, на хи нууна санд̇и бадисзд̇хид̇ааро.

Sahasā karontānamasaññatānaṃ, na hi nūna santi paṭisedhitāro.

311.

ид̇т̇ийнамзсаа бавараа яасассиний, санд̇аа самаа аг̇г̇иривуг̇г̇ад̇зж̇аа;

Itthīnamesā pavarā yasassinī, santā samā aggirivuggatejā;

д̇ан̃жз д̇увам̣ рагкасаад̣̇зси ган̃н̃ам̣, муд̣̇д̇хаа жа хи сад̇д̇ад̇хаа д̇з палзяяа;

Tañce tuvaṃ rakkhasādesi kaññaṃ, muddhā ca hi sattadhā te phaleyya;

маа д̇вам̣ д̣̇ахий ²¹ мун̃жа бад̇иб̣б̣ад̇ааяа ²².

Mā tvaṃ dahī ²³ muñca patibbatāya ²⁴.

312.

саа жа ассамамааг̇ажчи, бамуд̇д̇аа бурисаад̣̇агаа;

Sā ca assamamāgacchi, pamuttā purisādakā;

нийл̣ам̣ ²⁵ бал̣инам̣ сагун̣ийва ²⁶, г̇ад̇асин̇г̇ам̣ва аалаяам̣.

Nīḷaṃ ²⁷ paḷinaṃ sakuṇīva ²⁸, gatasiṅgaṃva ālayaṃ.

313.

саа д̇ад̇т̇а барид̣̇звзси, рааж̇абуд̇д̇ий яасассиний;

Sā tattha paridevesi, rājaputtī yasassinī;

самб̣улаа уд̇умад̇д̇агкаа, ванз наат̇ам̣ абассанд̇ий ²⁹.

Sambulā utumattakkhā, vane nāthaṃ apassantī ³⁰.

314.

саман̣з б̣раахман̣з ванд̣̇з, самбаннажаран̣з исз;

Samaṇe brāhmaṇe vande, sampannacaraṇe ise;

рааж̇абуд̇д̇ам̣ абассанд̇ий, д̇умхам̣мхи ³¹ саран̣ам̣ г̇ад̇аа.

Rājaputtaṃ apassantī, tumhaṃmhi ³² saraṇaṃ gatā.

315.

ванд̣̇з сийхз жа б̣яаг̇гхз жа, яз жа ан̃н̃з ванз миг̇аа;

Vande sīhe ca byagghe ca, ye ca aññe vane migā;