Library / Tipiṭaka / തിപിടക • Tipiṭaka / ജാതകപാളി • Jātakapāḷi |
൫൧൯. സമ്ബുലാജാതകം (൯)
519. Sambulājātakaṃ (9)
൨൯൭.
297.
കാ വേധമാനാ ഗിരികന്ദരായം, ഏകാ തുവം തിട്ഠസി സംഹിതൂരു 1;
Kā vedhamānā girikandarāyaṃ, ekā tuvaṃ tiṭṭhasi saṃhitūru 2;
പുട്ഠാസി മേ പാണിപമേയ്യമജ്ഝേ, അക്ഖാഹി മേ നാമഞ്ച ബന്ധവേ ച.
Puṭṭhāsi me pāṇipameyyamajjhe, akkhāhi me nāmañca bandhave ca.
൨൯൮.
298.
ഓഭാസയം വനം രമ്മം, സീഹബ്യഗ്ഘനിസേവിതം;
Obhāsayaṃ vanaṃ rammaṃ, sīhabyagghanisevitaṃ;
കാ വാ ത്വമസി കല്യാണി, കസ്സ വാ ത്വം സുമജ്ഝിമേ;
Kā vā tvamasi kalyāṇi, kassa vā tvaṃ sumajjhime;
അഭിവാദേമി തം ഭദ്ദേ, ദാനവാഹം നമത്ഥു തേ.
Abhivādemi taṃ bhadde, dānavāhaṃ namatthu te.
൨൯൯.
299.
യോ പുത്തോ കാസിരാജസ്സ, സോത്ഥിസേനോതി തം വിദൂ;
Yo putto kāsirājassa, sotthisenoti taṃ vidū;
തസ്സാഹം സമ്ബുലാ ഭരിയാ, ഏവം ജാനാഹി ദാനവ;
Tassāhaṃ sambulā bhariyā, evaṃ jānāhi dānava;
൩൦൦.
300.
വേദേഹപുത്തോ ഭദ്ദന്തേ, വനേ വസതി ആതുരോ;
Vedehaputto bhaddante, vane vasati āturo;
൩൦൧.
301.
൩൦൨.
302.
കിം വനേ രാജപുത്തേന, ആതുരേന കരിസ്സസി;
Kiṃ vane rājaputtena, āturena karissasi;
സമ്ബുലേ പരിചിണ്ണേന, അഹം ഭത്താ ഭവാമി തേ.
Sambule pariciṇṇena, ahaṃ bhattā bhavāmi te.
൩൦൩.
303.
സോകട്ടായ ദുരത്തായ, കിം രൂപം വിജ്ജതേ മമ;
Sokaṭṭāya durattāya, kiṃ rūpaṃ vijjate mama;
അഞ്ഞം പരിയേസ ഭദ്ദന്തേ, അഭിരൂപതരം മയാ.
Aññaṃ pariyesa bhaddante, abhirūpataraṃ mayā.
൩൦൪.
304.
താസം ത്വം പവരാ ഹോഹി, സബ്ബകാമസമിദ്ധിനീ.
Tāsaṃ tvaṃ pavarā hohi, sabbakāmasamiddhinī.
൩൦൫.
305.
൩൦൬.
306.
നോ ചേ തുവം മഹേസേയ്യം, സമ്ബുലേ കാരയിസ്സസി;
No ce tuvaṃ maheseyyaṃ, sambule kārayissasi;
൩൦൭.
307.
തഞ്ച സത്തജടോ ലുദ്ദോ, കളാരോ പുരിസാദകോ;
Tañca sattajaṭo luddo, kaḷāro purisādako;
വനേ നാഥം അപസ്സന്തിം, സമ്ബുലം അഗ്ഗഹീ ഭുജേ.
Vane nāthaṃ apassantiṃ, sambulaṃ aggahī bhuje.
൩൦൮.
308.
അധിപന്നാ പിസാചേന, ലുദ്ദേനാമിസചക്ഖുനാ;
Adhipannā pisācena, luddenāmisacakkhunā;
സാ ച സത്തുവസമ്പത്താ, പതിമേവാനുസോചതി.
Sā ca sattuvasampattā, patimevānusocati.
൩൦൯.
309.
ന മേ ഇദം തഥാ ദുക്ഖം, യം മം ഖാദേയ്യ രക്ഖസോ;
Na me idaṃ tathā dukkhaṃ, yaṃ maṃ khādeyya rakkhaso;
യഞ്ച മേ അയ്യപുത്തസ്സ, മനോ ഹേസ്സതി അഞ്ഞഥാ.
Yañca me ayyaputtassa, mano hessati aññathā.
൩൧൦.
310.
ന സന്തി ദേവാ പവസന്തി നൂന, ന ഹി നൂന സന്തി ഇധ ലോകപാലാ;
Na santi devā pavasanti nūna, na hi nūna santi idha lokapālā;
സഹസാ കരോന്താനമസഞ്ഞതാനം, ന ഹി നൂന സന്തി പടിസേധിതാരോ.
Sahasā karontānamasaññatānaṃ, na hi nūna santi paṭisedhitāro.
൩൧൧.
311.
ഇത്ഥീനമേസാ പവരാ യസസ്സിനീ, സന്താ സമാ അഗ്ഗിരിവുഗ്ഗതേജാ;
Itthīnamesā pavarā yasassinī, santā samā aggirivuggatejā;
തഞ്ചേ തുവം രക്ഖസാദേസി കഞ്ഞം, മുദ്ധാ ച ഹി സത്തധാ തേ ഫലേയ്യ;
Tañce tuvaṃ rakkhasādesi kaññaṃ, muddhā ca hi sattadhā te phaleyya;
൩൧൨.
312.
സാ ച അസ്സമമാഗച്ഛി, പമുത്താ പുരിസാദകാ;
Sā ca assamamāgacchi, pamuttā purisādakā;
൩൧൩.
313.
സാ തത്ഥ പരിദേവേസി, രാജപുത്തീ യസസ്സിനീ;
Sā tattha paridevesi, rājaputtī yasassinī;
൩൧൪.
314.
സമണേ ബ്രാഹ്മണേ വന്ദേ, സമ്പന്നചരണേ ഇസേ;
Samaṇe brāhmaṇe vande, sampannacaraṇe ise;
൩൧൫.
315.
വന്ദേ സീഹേ ച ബ്യഗ്ഘേ ച, യേ ച അഞ്ഞേ വനേ മിഗാ;
Vande sīhe ca byagghe ca, ye ca aññe vane migā;
രാജപുത്തം അപസ്സന്തീ, തുമ്ഹംമ്ഹി സരണം ഗതാ.
Rājaputtaṃ apassantī, tumhaṃmhi saraṇaṃ gatā.
൩൧൬.
316.
രാജപുത്തം അപസ്സന്തീ, തുമ്ഹംമ്ഹി സരണം ഗതാ.
Rājaputtaṃ apassantī, tumhaṃmhi saraṇaṃ gatā.
൩൧൭.
317.
വന്ദേ ഇന്ദീവരീസാമം, രത്തിം നക്ഖത്തമാലിനിം;
Vande indīvarīsāmaṃ, rattiṃ nakkhattamāliniṃ;
രാജപുത്തം അപസ്സന്തീ, തുമ്ഹംമ്ഹി സരണം ഗതാ.
Rājaputtaṃ apassantī, tumhaṃmhi saraṇaṃ gatā.
൩൧൮.
318.
വന്ദേ ഭാഗീരഥിം ഗങ്ഗം, സവന്തീനം പടിഗ്ഗഹം;
Vande bhāgīrathiṃ gaṅgaṃ, savantīnaṃ paṭiggahaṃ;
രാജപുത്തം അപസ്സന്തീ, തുമ്ഹംമ്ഹി സരണം ഗതാ.
Rājaputtaṃ apassantī, tumhaṃmhi saraṇaṃ gatā.
൩൧൯.
319.
വന്ദേ അഹം പബ്ബതരാജസേട്ഠം, ഹിമവന്തം സിലുച്ചയം;
Vande ahaṃ pabbatarājaseṭṭhaṃ, himavantaṃ siluccayaṃ;
രാജപുത്തം അപസ്സന്തീ, തുമ്ഹംമ്ഹി സരണം ഗതാ.
Rājaputtaṃ apassantī, tumhaṃmhi saraṇaṃ gatā.
൩൨൦.
320.
അതിസായം വതാഗച്ഛി, രാജപുത്തി യസസ്സിനി;
Atisāyaṃ vatāgacchi, rājaputti yasassini;
൩൨൧.
321.
ന മേ ഇദം തഥാ ദുക്ഖം, യം മം ഖാദേയ്യ രക്ഖസോ;
Na me idaṃ tathā dukkhaṃ, yaṃ maṃ khādeyya rakkhaso;
യഞ്ച മേ അയ്യപുത്തസ്സ, മനോ ഹേസ്സതി അഞ്ഞഥാ.
Yañca me ayyaputtassa, mano hessati aññathā.
൩൨൨.
322.
ചോരീനം ബഹുബുദ്ധീനം, യാസു സച്ചം സുദുല്ലഭം;
Corīnaṃ bahubuddhīnaṃ, yāsu saccaṃ sudullabhaṃ;
ഥീനം ഭാവോ ദുരാജാനോ, മച്ഛസ്സേവോദകേ ഗതം.
Thīnaṃ bhāvo durājāno, macchassevodake gataṃ.
൩൨൩.
323.
തഥാ മം സച്ചം പാലേതു, പാലയിസ്സതി ചേ മമം;
Tathā maṃ saccaṃ pāletu, pālayissati ce mamaṃ;
യഥാഹം നാഭിജാനാമി, അഞ്ഞം പിയതരം തയാ;
Yathāhaṃ nābhijānāmi, aññaṃ piyataraṃ tayā;
ഏതേന സച്ചവജ്ജേന, ബ്യാധി തേ വൂപസമ്മതു.
Etena saccavajjena, byādhi te vūpasammatu.
൩൨൪.
324.
യേ കുഞ്ജരാ സത്തസതാ ഉളാരാ, രക്ഖന്തി രത്തിന്ദിവമുയ്യുതാവുധാ;
Ye kuñjarā sattasatā uḷārā, rakkhanti rattindivamuyyutāvudhā;
ധനുഗ്ഗഹാനഞ്ച സതാനി സോളസ, കഥംവിധേ പസ്സസി ഭദ്ദേ സത്തവോ.
Dhanuggahānañca satāni soḷasa, kathaṃvidhe passasi bhadde sattavo.
൩൨൫.
325.
അലങ്കതായോ പദുമുത്തരത്തചാ, വിരാഗിതാ പസ്സതി ഹംസഗഗ്ഗരാ;
Alaṅkatāyo padumuttarattacā, virāgitā passati haṃsagaggarā;
താസം സുണിത്വാ മിതഗീതവാദിതം 39, ന ദാനി മേ താത തഥാ യഥാ പുരേ.
Tāsaṃ suṇitvā mitagītavāditaṃ 40, na dāni me tāta tathā yathā pure.
൩൨൬.
326.
സുവണ്ണസംകച്ചധരാ സുവിഗ്ഗഹാ, അലങ്കതാ മാനുസിയച്ഛരൂപമാ;
Suvaṇṇasaṃkaccadharā suviggahā, alaṅkatā mānusiyaccharūpamā;
൩൨൭.
327.
സചേ അഹം താത തഥാ യഥാ പുരേ, പതിം തമുഞ്ഛായ പുനാ വനേ ഭരേ;
Sace ahaṃ tāta tathā yathā pure, patiṃ tamuñchāya punā vane bhare;
സമ്മാനയേ മം ന ച മം വിമാനയേ, ഇതോപി മേ താത തതോ വരം സിയാ.
Sammānaye maṃ na ca maṃ vimānaye, itopi me tāta tato varaṃ siyā.
൩൨൮.
328.
യമന്നപാനേ വിപുലസ്മി ഓഹിതേ, നാരീ വിമട്ഠാഭരണാ അലങ്കതാ;
Yamannapāne vipulasmi ohite, nārī vimaṭṭhābharaṇā alaṅkatā;
൩൨൯.
329.
അപി ചേ ദലിദ്ദാ കപണാ അനാള്ഹിയാ, കടാദുതീയാ പതിനോ ച സാ പിയാ;
Api ce daliddā kapaṇā anāḷhiyā, kaṭādutīyā patino ca sā piyā;
൩൩൦.
330.
സുദുല്ലഭിത്ഥീ പുരിസസ്സ യാ ഹിതാ, ഭത്തിത്ഥിയാ ദുല്ലഭോ യോ ഹിതോ ച;
Sudullabhitthī purisassa yā hitā, bhattitthiyā dullabho yo hito ca;
ഹിതാ ച തേ സീലവതീ ച ഭരിയാ, ജനിന്ദ ധമ്മം ചര സമ്ബുലായ.
Hitā ca te sīlavatī ca bhariyā, janinda dhammaṃ cara sambulāya.
൩൩൧.
331.
സചേ തുവം വിപുലേ ലദ്ധഭോഗേ, ഇസ്സാവതിണ്ണാ മരണം ഉപേസി;
Sace tuvaṃ vipule laddhabhoge, issāvatiṇṇā maraṇaṃ upesi;
സമ്ബുലാജാതകം നവമം.
Sambulājātakaṃ navamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ജാതക-അട്ഠകഥാ • Jātaka-aṭṭhakathā / [൫൧൯] ൯. സമ്ബുലാജാതകവണ്ണനാ • [519] 9. Sambulājātakavaṇṇanā