| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. саамид̣̇ад̇д̇ад̇т̇зраг̇аат̇ааван̣н̣анаа
10. Sāmidattattheragāthāvaṇṇanā
бан̃жагканд̇хаа барин̃н̃аад̇аад̇и ааяасмад̇о саамид̣̇ад̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро ад̇т̇ад̣̇ассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇ари бариниб̣б̣уд̇з д̇асса т̇уубз бубпзхи чад̇д̇аад̇ичад̇д̇ам̣ гад̇ваа бууж̇ам̣ агааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз ан̃н̃ад̇арасса б̣раахман̣асса буд̇д̇о худ̇ваа ниб̣б̣ад̇д̇и, саамид̣̇ад̇д̇од̇исса наамам̣ ахоси. со ануггамзна вин̃н̃уд̇ам̣ бад̇д̇о б̣уд̣̇д̇хаанубхаавам̣ суд̇ваа убаасагзхи сад̣̇д̇хим̣ вихаарам̣ г̇ад̇о сад̇т̇аарам̣ д̇хаммам̣ д̣̇зсзнд̇ам̣ д̣̇исваа басаннамаанасо згаманд̇ам̣ нисийд̣̇и. сад̇т̇аа д̇асса аж̇жхаасаяам̣ ологзд̇ваа д̇ат̇аа д̇хаммам̣ д̣̇зсзси, яат̇аа сад̣̇д̇хам̣ бадилабхи сам̣саарз жа сам̣взг̇ам̣. со бадилад̣̇д̇хасад̣̇д̇хо сам̣взг̇аж̇аад̇о баб̣б̣аж̇ид̇ваа н̃аан̣асса абарибаггад̇д̇аа гад̇ибаяагаалам̣ аласаб̣ахулий вихааси. буна сад̇т̇аараа д̇хаммад̣̇зсанааяа самуд̇д̇зж̇ид̇о вибассанааяа гаммадтаанам̣ г̇ахзд̇ваа д̇ад̇т̇а яуд̇д̇аббаяуд̇д̇о вихаранд̇о нажирзнзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.15.1-4) –
Pañcakkhandhāpariññātāti āyasmato sāmidattattherassa gāthā. Kā uppatti? Ayampi purimabuddhesu katādhikāro atthadassissa bhagavato kāle kulagehe nibbattitvā viññutaṃ patto satthari parinibbute tassa thūpe pupphehi chattātichattaṃ katvā pūjaṃ akāsi. So tena puññakammena devaloke nibbattitvā aparāparaṃ puññāni katvā devamanussesu saṃsaranto imasmiṃ buddhuppāde rājagahe aññatarassa brāhmaṇassa putto hutvā nibbatti, sāmidattotissa nāmaṃ ahosi. So anukkamena viññutaṃ patto buddhānubhāvaṃ sutvā upāsakehi saddhiṃ vihāraṃ gato satthāraṃ dhammaṃ desentaṃ disvā pasannamānaso ekamantaṃ nisīdi. Satthā tassa ajjhāsayaṃ oloketvā tathā dhammaṃ desesi, yathā saddhaṃ paṭilabhi saṃsāre ca saṃvegaṃ. So paṭiladdhasaddho saṃvegajāto pabbajitvā ñāṇassa aparipakkattā katipayakālaṃ alasabahulī vihāsi. Puna satthārā dhammadesanāya samuttejito vipassanāya kammaṭṭhānaṃ gahetvā tattha yuttappayutto viharanto nacireneva arahattaṃ pāpuṇi. Tena vuttaṃ apadāne (apa. thera 1.15.1-4) –
‘‘бариниб̣б̣уд̇з бхаг̇авад̇и, ад̇т̇ад̣̇ассийнаруд̇д̇амз;
‘‘Parinibbute bhagavati, atthadassīnaruttame;
чад̇д̇аад̇ичад̇д̇ам̣ гаарзд̇ваа, т̇уубамхи абхиробаяим̣.
Chattātichattaṃ kāretvā, thūpamhi abhiropayiṃ.
‘‘гаалзна гааламааг̇анд̇ваа, намассим̣ логанааяагам̣;
‘‘Kālena kālamāgantvā, namassiṃ lokanāyakaṃ;
бубпажчад̣̇анам̣ гад̇ваана, чад̇д̇амхи абхиробаяим̣.
Pupphacchadanaṃ katvāna, chattamhi abhiropayiṃ.
‘‘сад̇д̇арасз габбасад̇з, д̣̇звараж̇ж̇амагаараяим̣;
‘‘Sattarase kappasate, devarajjamakārayiṃ;
мануссад̇д̇ам̣ на г̇ажчаами, т̇уубабууж̇ааяид̣̇ам̣ палам̣.
Manussattaṃ na gacchāmi, thūpapūjāyidaṃ phalaṃ.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
нааг̇ова б̣анд̇ханам̣ чзд̇ваа, вихараами анаасаво.
Nāgova bandhanaṃ chetvā, viharāmi anāsavo.
‘‘свааг̇ад̇ам̣ вад̇а мз ааси, б̣уд̣̇д̇хасздтасса санд̇игз;
‘‘Svāgataṃ vata me āsi, buddhaseṭṭhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и.
Tisso vijjā anuppattā, kataṃ buddhassa sāsana’’nti.
со абарабхааг̇з бхигкуухи ‘‘гим̣ д̇аяаа, аавусо, уд̇д̇аримануссад̇хаммо ад̇хиг̇ад̇о’’д̇и будто саасанасса нияяаанигабхаавам̣ ад̇д̇ано жа д̇хаммаануд̇хаммаббадибад̇д̇им̣ д̇зсам̣ бавзд̣̇знд̇о ан̃н̃ааб̣яаагаран̣авасзна –
So aparabhāge bhikkhūhi ‘‘kiṃ tayā, āvuso, uttarimanussadhammo adhigato’’ti puṭṭho sāsanassa niyyānikabhāvaṃ attano ca dhammānudhammappaṭipattiṃ tesaṃ pavedento aññābyākaraṇavasena –
90.
90.
‘‘бан̃жагканд̇хаа барин̃н̃аад̇аа, д̇идтанд̇и чиннамуулагаа;
‘‘Pañcakkhandhā pariññātā, tiṭṭhanti chinnamūlakā;
вигкийн̣о ж̇аад̇исам̣сааро, над̇т̇и д̣̇аани бунаб̣бхаво’’д̇и. – г̇аат̇ам̣ абхааси;
Vikkhīṇo jātisaṃsāro, natthi dāni punabbhavo’’ti. – gāthaṃ abhāsi;
д̇ад̇т̇а бан̃жагканд̇хаа барин̃н̃аад̇аад̇и маяаа имз бан̃жубаад̣̇аанагканд̇хаа ‘‘ид̣̇ам̣ д̣̇угкам̣, зд̇д̇агам̣ д̣̇угкам̣, на д̇ад̇о бхияяо’’д̇и д̇ийхи барин̃н̃аахи барижчинд̣̇ид̇ваа н̃аад̇аа вид̣̇ид̇аа бадивид̣̇д̇хаа. д̇идтанд̇и чиннамуулагаад̇и д̇ат̇аа барин̃н̃аад̇ад̇д̇ааязва муулабхууд̇асса самуд̣̇аяасса саб̣б̣асо бахийнад̇д̇аа д̇з ид̣̇аани яаава жаримагажид̇д̇анирод̇хо д̇идтанд̇и чиннамуулагаа, жаримагажид̇д̇анирод̇хзна бана аббадисанд̇хигаава нируж̇жханд̇и. д̇знааха – ‘‘вигкийн̣о ж̇аад̇исам̣сааро, над̇т̇и д̣̇аани бунаб̣бхаво’’д̇и. д̇ассад̇т̇о хздтаа вуд̇д̇оязва.
Tattha pañcakkhandhā pariññātāti mayā ime pañcupādānakkhandhā ‘‘idaṃ dukkhaṃ, ettakaṃ dukkhaṃ, na tato bhiyyo’’ti tīhi pariññāhi paricchinditvā ñātā viditā paṭividdhā. Tiṭṭhanti chinnamūlakāti tathā pariññātattāyeva mūlabhūtassa samudayassa sabbaso pahīnattā te idāni yāva carimakacittanirodho tiṭṭhanti chinnamūlakā, carimakacittanirodhena pana appaṭisandhikāva nirujjhanti. Tenāha – ‘‘vikkhīṇo jātisaṃsāro, natthi dāni punabbhavo’’ti. Tassattho heṭṭhā vuttoyeva.
саамид̣̇ад̇д̇ад̇т̇зраг̇аат̇ааван̣н̣анаа нидтид̇аа.
Sāmidattattheragāthāvaṇṇanā niṭṭhitā.
навамаваг̇г̇аван̣н̣анаа нидтид̇аа.
Navamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. саамид̣̇ад̇д̇ад̇т̇зраг̇аат̇аа • 10. Sāmidattattheragāthā
