| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. буг̇г̇алаваг̇г̇о
3. Puggalavaggo
1. самид̣̇д̇хасуд̇д̇аван̣н̣анаа
1. Samiddhasuttavaṇṇanā
21. д̇ад̇ияасса батамз жхаанапассам̣ батамам̣ пусад̇и, бажчаа нирод̇хам̣ ниб̣б̣аанам̣ сажчигарод̇ийд̇и гааяасагки. д̣̇идтанд̇ам̣ бад̇д̇од̇и д̣̇идтиббад̇д̇о. сад̣̇д̣̇аханд̇о вимуд̇д̇од̇и сад̣̇д̇хаавимуд̇д̇о. камад̇ийд̇и ружжад̇и. абхигганд̇ад̇арод̇и ад̇исунд̣̇арад̇аро. бан̣ийд̇ад̇арод̇и ад̇ибан̣ийд̇ад̇аро. сад̣̇д̇хинд̣̇рияам̣ ад̇химад̇д̇ам̣ ход̇ийд̇и самид̣̇д̇хад̇т̇зрасса гира арахад̇д̇амаг̇г̇агкан̣з сад̣̇д̇хинд̣̇рияам̣ д̇хурам̣ ахоси, сзсаани жад̇д̇аари сахаж̇аад̇инд̣̇рияаани д̇ассзва бариваараани ахзсум̣. ид̇и т̇зро ад̇д̇анаа бадивид̣̇д̇хамаг̇г̇ам̣ гат̇знд̇о звамааха. махаагодтигад̇т̇зрасса бана арахад̇д̇амаг̇г̇агкан̣з самаад̇хинд̣̇рияам̣ д̇хурам̣ ахоси, сзсаани жад̇д̇аари инд̣̇рияаани д̇ассзва бариваараани ахзсум̣. д̇асмаа соби самаад̇хинд̣̇рияам̣ ад̇химад̇д̇анд̇и гат̇знд̇о ад̇д̇анаа бадивид̣̇д̇хамаг̇г̇амзва гат̇зси. саарибуд̇д̇ад̇т̇зрасса бана арахад̇д̇амаг̇г̇агкан̣з бан̃н̃инд̣̇рияам̣ д̇хурам̣ ахоси. сзсаани жад̇д̇аари инд̣̇рияаани д̇ассзва бариваараани ахзсум̣. д̇асмаа соби бан̃н̃инд̣̇рияам̣ ад̇химад̇д̇анд̇и гат̇знд̇о ад̇д̇анаа бадивид̣̇д̇хамаг̇г̇амзва гат̇зси.
21. Tatiyassa paṭhame jhānaphassaṃ paṭhamaṃ phusati, pacchā nirodhaṃ nibbānaṃ sacchikarotīti kāyasakkhi. Diṭṭhantaṃ pattoti diṭṭhippatto. Saddahanto vimuttoti saddhāvimutto. Khamatīti ruccati. Abhikkantataroti atisundarataro. Paṇītataroti atipaṇītataro. Saddhindriyaṃ adhimattaṃ hotīti samiddhattherassa kira arahattamaggakkhaṇe saddhindriyaṃ dhuraṃ ahosi, sesāni cattāri sahajātindriyāni tasseva parivārāni ahesuṃ. Iti thero attanā paṭividdhamaggaṃ kathento evamāha. Mahākoṭṭhikattherassa pana arahattamaggakkhaṇe samādhindriyaṃ dhuraṃ ahosi, sesāni cattāri indriyāni tasseva parivārāni ahesuṃ. Tasmā sopi samādhindriyaṃ adhimattanti kathento attanā paṭividdhamaggameva kathesi. Sāriputtattherassa pana arahattamaggakkhaṇe paññindriyaṃ dhuraṃ ahosi. Sesāni cattāri indriyāni tasseva parivārāni ahesuṃ. Tasmā sopi paññindriyaṃ adhimattanti kathento attanā paṭividdhamaggameva kathesi.
на квзд̇т̇аад̇и на ко зд̇т̇а. згам̣сзна б̣яаагаад̇унд̇и зганд̇зна б̣яаагарид̇ум̣. арахад̇д̇ааяа бадибаннод̇и арахад̇д̇амаг̇г̇асаман̇г̇им̣ д̣̇ассзд̇и. звамзд̇асмим̣ суд̇д̇з д̇ийхиби т̇зрзхи ад̇д̇анаа бадивид̣̇д̇хамаг̇г̇ова гат̇ид̇о, саммаасамб̣уд̣̇д̇хо бана бхумманд̇арзнзва гат̇зси.
Nakhvetthāti na kho ettha. Ekaṃsena byākātunti ekantena byākarituṃ. Arahattāya paṭipannoti arahattamaggasamaṅgiṃ dasseti. Evametasmiṃ sutte tīhipi therehi attanā paṭividdhamaggova kathito, sammāsambuddho pana bhummantareneva kathesi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. самид̣̇д̇хасуд̇д̇ам̣ • 1. Samiddhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. самид̣̇д̇хасуд̇д̇аван̣н̣анаа • 1. Samiddhasuttavaṇṇanā
